السلام عليكم و رحمة الله و بركاته
معلش يا باشا لسه راجع من بره حالاً .
أولاً : الصبح كنت مطبق و لسه داخل أنام لقيت المهندس محمد عبد المنعم بيكلمنى الساعة 11:40 صباحاً يفيد بأن العربية خلصت.
طيران من الهرم لزهراء المعادى وصلت الساعة 12:40 مساءاً
قابلنى المهندس محمد غالى و قالى أنا آسف العربية لسه مخلصتش؟؟؟؟؟
ازاى و المهندس محمد مكلمنى و بعد شوية تليفونات آآآآآه المهندس محمد حيطلع يجرب العربية يعنى بالكتير حسبة ساعة.
المهم طلعت الاستراحة فوق لقيت العربية واقفة بجوار مكتب الأمن و عليها تراب بالكامل مش أقل من يوم كامل.
قلت كبر دماغك المهم المشكلة تخلص
بعد الساعة و أنا مراقب العربية متحركتش من مكانها نزلت للمهندس غالى قالى خلاص كله تمام و العربية دخلت تتغسل قولت له طيب حستنى جمب العربية لحد ما العربية تتغسل؟؟؟؟
قالى هى فيين
قولت له جمب مكتب الأمن؟؟؟؟؟؟؟
ثانياً : العربية فتحت الكبود لقيت المياه فى القربة لحد النصف
مش مهم كملتها
العربية حالياً فى طور التجارب لحد ما اشوف المياه حتنقص و لا لأ
و العربية حتسخن و لا لأ.
السؤال اللى محيرنى هما لطعونى ساعة كاملة ليه؟؟؟؟
الخلاصة حجرب العربية لحد الصيانة اللى جاية لو تمام الصيانة الجاية فى أبو رواش
لو مش تمام يبقى عليا و على أعدائى....
ثم انا عنوان موضوعى كده مش عاجبنى....:Zb_sor1[1]::Zb_sor1[1]:
و العنوان غلط هما 8 أيام فقط!!!!!!!!!!!!!