المشاركة الأصلية كتبت بواسطة goudamahdy
طول بالك يا باشا
والله انا عارف انهم بيجربوا على حساب العميل ..... بس هما مجبرين على كده برضو ... دا روتين عليهم هما " عبد المأمور ".....
على فكرة لو روحت لميكانيكي برضو هيفضل يجرب برضو لحاد ما يوصل للحل ..... أنا والله دوخت دوخة رهييييييييييييييبة مع عربيتي الــ accent وبرضو كانت نفس المشكل وما بين الميكانيكي وبتاع الرادياتير لففوني السبع دوخات ....
بس في النهاية التأمين أضمن بكتييييييييييير
أنا من واقع خبرتي البسيطة مع العربية اللي قبل كدة ...
لو راجعنا دورة التبريد بتاع الموتور باختصار ....
1- الرادياتير ومنه الميه بتروح لدائرة التبريد في اليلوك بتاع الموتور ومنه ترجع تاني للرادياتير
2- الوصلات بقي هي الترموستات الميكانيكي اللي بين الموتور والرادياتير وده بيقفل الدائرة بتاع التبريد ... علشان التسخين الصبح وده معظم الميكانيكية بيشيلوه علشان بيعطل معظم الوقت وبيضرب جوان وش السلندر ...
3- الوصلة اللي بين الرادياتير وقربة المياه ودي خرطوم بسيط مالوش لازمة إلا توصيل الميه من وإلى الرادياتير والطرمبه ..
4- الغطاء بتاع الرادياتير وده مهم جدا جدا لأنه معمول بتكنولوجيا معينة " بمعني لما الميه تسخن جوه الرادياتير تبدأ تتبخر البخار البسيط ده يرفع جوان وراه سوستة تبدا الميه تخرج من الرادياتير للقربة .... ومن ثم يحصل التبريد ...
باختصار شديد علشان ما أطولش عليك جوان وش السلندر بيتعمله اختبار بسييييييط خالص : تشيل غطاء الرادياتير (طبعا بعد ما الميه تبرد علشان ما يفورش في وشك) وتزود بنزين لو بيحصل فوران في الميه يبقي ده جوان ..
ووش السلندر ده الميه بتتخلط على الزيت ..... وبيبقى زي الطحينة .....
غير كده بقى ما علهش ... يبقي اانسداد في دورة التبريد....
متأسف جدا ع الإطالة .... بس حبيت أنقل تجربتي يمكن تفيدك...