الموضوع: rooting galaxy S II

المشاركة الأصلية كتبت بواسطة dr ahmed

اللى بيحصل ممكن يكون بخل بالمعلومة البسيطة أو عدم قدرة على الرد

ممكن بدل المصطلحات الكتير نعرف يعنى إيه رووتينج مثلا

وممكن نعرف المعلومات دى من مصادر تانية لو مش عارفين تجاوبوا أو مش حابين تجاوبوا

د/احمد
اسمحلي ان اعقب ,
للاسف الشديد احنا فى مصر بنتكلم دائما باصعب لغه, مش قصدي انجليزي ....لا ... ولكن بالطريقه الصعبه, يعني يفهما بعض العارفين ويجهلها الكثير
وللاسف انا من متابعي احد المنتديات للاسف مش حعرف اديلك الموقع لتعارض ذلك مع قوانين المنتدي لكن حقولك انه موقع ساعدني جداااااا وفهمت منه يعني ايه كلمة اندرويد وازاي اتعامل معاه من اول اصدار الي اخر اصدار , وعلي فكره هو موقع غير تعليمي ولكنه موقع مخصص لاجهزة الموبايل وانواعها ومناقشات الاعضاء مع بعضهم وحلول المشاكل
وهو موقع لدولة عربيه وهم يتكلمون بالعربية البحته مما ادي الي فهم الكثيييييير منهم للمعاني الصعبة , ولله الحمد فنحن كمصريين نعرف الكثير واسرع منهم بكثير واللي بقرأه ان الاخوه هنا فاهمين كويس جدا واسلوبهم سريع جدا فى الرد وفى المضمون, ولكن نفتقر للاسلوب السهل

اسمحلي ان اوضح بعض المفاهيم
كلمة روت :
وتعني ان الموبايل يكون مهيأ الي ان يكون تحت تصرف مستخدمه تصرف كامل , يعني تكون انت مدير الموبايل وتفعل فيه ما تشاء وتغير ما تشاء وتضيف ما تشاء بل وتستطيع ان تدخل علي ملفات النظام وتغير فيها ماتشاء

كلمة تغيير "روم"
وهي ببساطة انك من الممكن ان تغير البرنامج الاصلي للموبايل ببرنامج اخر له اصدار اخر سواء احدث او اقدم او طراز اخر (كانك بتغير من ويندوز لويندوز تاني احدث او لنفس الويندوز ولكن بشكل وامكانيات اكثر)
وهذه من امكانيات الاندرويد الخطيره التي يفتقد لها نظام الويندوز او السيمبيان

يارب اكون عرفت اوصلك لسيادتك المعلومه ببساطه
اعتذر للاطاله