عايز اعرف عيوبHonda Civic

**mrgmm** · 14-05-2008 03:27 PM

انا هتكلم بصراحه و وضوح و بدون تحيز
انا و الحمد لله امتلك سيارتين كورولا 2007 و سيفيك 2008
مش هينفع نقارن بينهم لان السيفيك لا يدخل معها فى المقارنه غير البى ام او المرسيدس

اولا الشنطه مش صغيره زى ما قال الاخ بالعكس الكورولا اضع فيها عربية البيبى بالعافيه لاكن الهوندا شنطتها اكبر

الارتفاع عن الاض مش منخفض اوى بالعكس دى ميزه و خاصة على الطرق السريعه مستحيل تتقلب

مش هنتكلم على الفرامل لانك ممكن تكون ماشى على 120 و تفرمل فى خلال 15 متر فقط و طبعا مش بتزحف زى الكورولا

الاتزان لا يقارن ولا حتى بالفولكس الباسات

السحب و الله و الله و الله اقوى من الباسات و اقوى من الاوكتافيا و مجربه

اما المقصوره فهى تشبه مقاعد رجال الاعمال على طائرة الخطوط الملكيه البريطانيه

و اخيرا الشكل الخارجى اللهم استرها من العيون و الخبطات

بصراحه ميكانيكيا بدون عيوب يعيبها فقط سعر قطع الغيار و عدم وجود سوق للبيع كافى فى مصر

**ah_boba_ly** · 14-05-2008 03:43 PM

العربية رائعة وجميلة جدا
بس مشكلتها انها فقيرة جدا في الكمليات ممكن نقول انها مفهاش اي كمليات أصلا مقارنة بالسيفك الخليجه ................بس

**meerothe1st** · 18-05-2008 10:23 AM

أنا موافق جدا كلام أستاذ mgrmm ولكن مقدرش أفتى فى مقارنتها مع الباسات لأنى مجرنتهاش لكن أنا فى نظرى هى أحسم من A5 علشان والدى عنده واحدة وسوقتها كتير
وجهت نظرى أن عيبها الوحيد هو ان الصيانة مكلفة 360 جنيه كل 5000 كم وطبعا قطع الغيار غالية حبتين
أعتقد ان سعر اعادة البيع هيتحسن أوى مع الوقت نظرا للإنتشار الملفت للسيارة

**meerothe1st** · 18-05-2008 10:24 AM

اسف خطأ مطبعى mrgmm

**tksy1260** · 18-05-2008 09:12 PM

أعتقد أن العيب الوحيد للعربية هو أنها فقيرة في إمكانياتها بالمقارنة بالكورولا 2008 وموضوع أرتفاع السيارة عن الأرض فهو مناسب جدا ليعطي ثباتا كبيرا علي الطريق وخاصة في المنحنيات

**cooleye** · 20-05-2008 03:43 PM

العربيه مافيهاش اي عيوب خالص غير انها واطيه نسبيا بس ده بيديلك ثبات علي السرعات
ومفيش فيها كماليات كتير
بس العربيه ماشاء الله احسن عربيه في فئتها

**Hisham_ElFeky** · 22-05-2008 03:52 PM

عيوب السيفيك هقوله علشان شريف شاركر عمل موضوع وانا وعدته إني أقول عيوبها قبل مميزاتها

بس بشرط أن شريف شاكر يقول رأيه بموضوعية (واخد بالك يا ريس بموضوعية)

١- الفرامل بصراحة انا شايف انها تقريبا كل ١٨ الف تتغير دا صعب شوية انما قدرة الفرامل
تعتبر جيدة وليست ممتازة

٢- في حالة وجود خمسة أفراد في العربية لازم هتحك لو مطب مجنون ودا أعتقد موجود في أغلب فئتها ولو أربعة مش هتحك عن تجربة (شارع امام طيبة مول به أربعة مطبات متنوعة)بس لو مطب عبيط بقا وانت داخل علي سرعة ٢٠ حتي أكيد هتحك لو راكب شيروكي

٣ - نور الفوانيس أنا شايف إنها ضعيفة وحسيت أنها اتحسنت شوية لما ركبت الفوجات

٤- الكمالات مش كتير طبعا مقارنة بالكرولا وعربيات تانية بالنسبة لسعرها

المميزات (ممكن أقولها يا شريف):

1- الشكل الخارجي جميل (أذواق طبعا)

2- الصالون الداخلي من أروع الصالونات في الفئة دي والتابلوه طبعا جامد جدا وقعدة الكرسي بصراحة رائعة والدركسيون عاجب شاركي يبقي جامد (ودي بقا مش أذواق)

3- سحب الأتوماتيك بصراحة بحس أنه رائع جدا "ويكاد" يقترب من المانيول وذلك حتي سرعة ١٦٠ وبعد ذلك يتم التجميع ببطئ واخر سرعة وصلت ليه كانت 190 ولا أريد أكثر من ذلك
وكريم منير جرب دا وعارف انها ممكن توصل ٢١٠

4 - توسيع قاعدة العجلات بجد فارق أول في المنحنيات علي السرعات العالية معايا جدا
وبحث بثبات العربية ومع السرعات العالية لاتوجد أي نسبة قلق من موضوع الثبات دا
من كلام المهندس شريف شاكر

وأخيرآ أنا مش أحد المتخصصين في تقييم السيارة ولكن بقول احساسي الشخصي في تجربة للعربية 11000 كيلو وشكرا

**SAbuhashem** · 22-05-2008 04:09 PM

يا هشام هو في أحلى من الموضوعية

عندك حق في كل إلي قلته وأحييك عليه يا مان

بس الهدف إن مينخدعش حد من التعليقات إلي طلعت على الهوندا في بداياتها واللي بدون زعل أنا شايفها تعليقات ساذجة جداً ذي الطيارةوالصاروخ والحاجات دي :)

عموماً هجيبلك الليون يا عم لو جيت المقابلة اللي جاية إن شاء الله واتفرج عليها وسوقها وقول رأيك بكل وضوح وصراحة متناهية
وبموضوعية بردو :)

Thanks
Eng.Sherif Shaker

**Hisham_ElFeky** · 22-05-2008 04:15 PM

المشاركة الأصلية كتبت بواسطة SAbuhashem

يا هشام هو في أحلى من الموضوعية

عندك حق في كل إلي قلته وأحييك عليه يا مان

بس الهدف إن مينخدعش حد من التعليقات إلي طلعت على الهوندا في بداياتها واللي بدون زعل أنا شايفها تعليقات ساذجة جداً ذي الطيارةوالصاروخ والحاجات دي :)

عموماً هجيبلك الليون يا عم لو جيت المقابلة اللي جاية إن شاء الله واتفرج عليها وسوقها وقول رأيك بكل وضوح وصراحة متناهية
وبموضوعية بردو :)

Thanks
Eng.Sherif Shaker

هو دا كان غرضي:)... ان اجرب الليون اللي اختارها شريف باشا شاكر بين كل الفئات

وعلي فكرة انا جبت النمر في 18 دقيقة ماشي:arghh:

**SAbuhashem** · 22-05-2008 04:25 PM

يا معلم أنا دخلت المرور حوالي الساعة ٤ بدون نمر
بعون الله وحده حوالي الساعة ٤:٤٥ كنت طالع بالنمرتين والرخصة .

احنا مش شويه في البلد دي يا مان

مش عايز قر أحسن ادعي عليكوا لو الرخصة إتسحبت :)

Thanks
Eng.Sherif Shaker

الموضوع: عايز اعرف عيوبHonda Civic

LinkBack

أدوات الموضوع

عرض

-

-

-

-

-

المواضيع المتشابهه

شباب عايز مساعده في شراء شاشه dvd civic

عايز اعرف اعرف سعر عربيتي

عايز اعرف اماكن بيع قطع غيار الالتو اللى اسعارها هادية وكمان عايز اعرف ل

عايز اعرف معلومات عن honda civic 1993

انا كنت عايز اعرف.

الكلمات الدلالية لهذا الموضوع

المفضلات

المفضلات

ضوابط المشاركة