عيب عضال فى العربية"4موبينات!!"

**dr_asaos** · 09-09-2011 02:23 AM

السلام عليكم يا شباب الخير... أنا عندى فعلا مشكلة مش لاقيلها أى حل..ومحتاج مشورتكم... مبدئيا أنا عربيتى ماروتى 2008 وعامل حوالى 40 ألف كيلو...ومركب تكييف من حوالى سنة ونص ساندن عند ديافيا ايجيبت اللى جنب الششنجى فى جسر السويس...المهم السنة الأولى زى الفل مفيش أى مشكلة... والتكييف زى الفل...نيجى بئه لاخر 3 شهور تقريبا...كل شوية تقطيع فى العربية عند الكبس على البنزين أو ان العربية تترجرج جامد وتروح واقفة..قالولى طقم الكهرباء وغيرته فعلا بما فى ذلك المبينة وكمان البطارية وجبت بطارية فارتا الألمانية الصغيرة...المهم شوية والمدافع تانى..تقريبا شهر... قالوا طقم الكهرباء مرة أخرى قمت مغير الكل ماعدا الموبينه...مفيش كام يوم ونفس الموضوع والمدافع وفصل العربية يحصل...قالوا المبينة بتاكل الكوندنسر...روحت مغير الموبينة تانى مرة مع طقم الكهرباء دون تغيير البطارية... يفوت أسبوعين تلاتة..ونفس الموضوع تانى...قمت قالوالى قطع غير مغشوشة..رحت مغير الموبينة من محل تانى مع طقم الكهرباء...3 أسابيع كمان وترجع المشكلة تانى...لدرجة انها مرة وقفت تحت البيت ورحت جبتلها كوندنسر..عشان بس أنقلها للميكانيكى جنب البيت ولما رحت هناك كانت ماشية بالعافية وضرب الكوندنسر!! قالى كله مضروب..رحت جايب موبينة استعمال الخارج ومغير باقى طقم الكهرباء رابع مرة!! المرة دى عديت الشهر...وراحت نفس المشكلة متكررة تانى واتخنئت على الاخر..وعلى فكرة الاسبراتير مش مشروخ ولو انى معرفشى يعنى ايه!!!! المهم دلوقتى يا شباب العيب ممكن يكون منين 1-التكييف على الرغم من انه شغال زى الفل لمدة سنة و أكثر كمان؟
2-الموبينة؟ على الرغم ان الموضوع كدة مش قطع غيار مضروبة بس فى حاجة بتبوظ المبينة كل شوية واللى بدورها بتبوظ طقم الكهرباء
3-البطارية؟!!!!
4-.....مش عارف أى سبب أخر علما بأنى مش خبير يعنى...بس خلاص انا جبت أخرى ومحتاج مشورة الماروتية.... وشكرا مقدما وأسف على الاطالة:b4_048:

**dr.hazem** · 09-09-2011 03:58 AM

ياباشا مبدئيا انا مش مقتنع ان عربية 2008 يتغيرلها موبينه
ولو الموبينه وحشه هات موبينه الكتروني وهتنسى قصة الموبينه
ثم مين قالك ان كهربة العربية مظبوطه؟؟؟

حضرتك بتحط بنزين اييه؟؟؟

ممكن يكون فلتر البنزين مسدود
اخر صيانة دوريه عملت فيها ايه؟؟
اخر مره نظفت فيها فلتر الهوا كانت امتى؟؟
الكوندنسر والابلاتين بتوع الفبريكا رميتهم ولا موجودين عندك ؟؟؟
هل تم فك اي سلك من اسلاك الارضي قريبا؟؟؟
اخر مره نضفت فيها الكربيراتير كانت امتى؟؟؟

جاوب على قد متقدر عالاسئله دي وباذن الله نوصل لحل

ياريتني كنت فمصر كان ممكن اشوفهالك بس للاسف انا بره حاليا

تحياتي

**aymanay32** · 09-09-2011 12:09 PM

المشاركة الأصلية كتبت بواسطة dr_asaos

السلام عليكم يا شباب الخير... أنا عندى فعلا مشكلة مش لاقيلها أى حل..ومحتاج مشورتكم... مبدئيا أنا عربيتى ماروتى 2008 وعامل حوالى 40 ألف كيلو...ومركب تكييف من حوالى سنة ونص ساندن عند ديافيا ايجيبت اللى جنب الششنجى فى جسر السويس...المهم السنة الأولى زى الفل مفيش أى مشكلة... والتكييف زى الفل...نيجى بئه لاخر 3 شهور تقريبا...كل شوية تقطيع فى العربية عند الكبس على البنزين أو ان العربية تترجرج جامد وتروح واقفة..قالولى طقم الكهرباء وغيرته فعلا بما فى ذلك المبينة وكمان البطارية وجبت بطارية فارتا الألمانية الصغيرة...المهم شوية والمدافع تانى..تقريبا شهر... قالوا طقم الكهرباء مرة أخرى قمت مغير الكل ماعدا الموبينه...مفيش كام يوم ونفس الموضوع والمدافع وفصل العربية يحصل...قالوا المبينة بتاكل الكوندنسر...روحت مغير الموبينة تانى مرة مع طقم الكهرباء دون تغيير البطارية... يفوت أسبوعين تلاتة..ونفس الموضوع تانى...قمت قالوالى قطع غير مغشوشة..رحت مغير الموبينة من محل تانى مع طقم الكهرباء...3 أسابيع كمان وترجع المشكلة تانى...لدرجة انها مرة وقفت تحت البيت ورحت جبتلها كوندنسر..عشان بس أنقلها للميكانيكى جنب البيت ولما رحت هناك كانت ماشية بالعافية وضرب الكوندنسر!! قالى كله مضروب..رحت جايب موبينة استعمال الخارج ومغير باقى طقم الكهرباء رابع مرة!! المرة دى عديت الشهر...وراحت نفس المشكلة متكررة تانى واتخنئت على الاخر..وعلى فكرة الاسبراتير مش مشروخ ولو انى معرفشى يعنى ايه!!!! المهم دلوقتى يا شباب العيب ممكن يكون منين 1-التكييف على الرغم من انه شغال زى الفل لمدة سنة و أكثر كمان؟
2-الموبينة؟ على الرغم ان الموضوع كدة مش قطع غيار مضروبة بس فى حاجة بتبوظ المبينة كل شوية واللى بدورها بتبوظ طقم الكهرباء
3-البطارية؟!!!!
4-.....مش عارف أى سبب أخر علما بأنى مش خبير يعنى...بس خلاص انا جبت أخرى ومحتاج مشورة الماروتية.... وشكرا مقدما وأسف على الاطالة:b4_048:

f
بدون اطالة عليك
اولا
راجع سلك اللى رايح للبوبينة بتاع الكهرباء و الارضى

ثانيا
السلك اللى طالع من البوبينة رايح للاسبراتير

ثالثا
غير الكوندنسر
و ممكن تجرب كوندنسر نوع تانى بتاع عربية تانية لتاكد من السبب الحقيقى

رابعا ركب بوبينة الكترونى

خامسا
اتاكد من تظبيطة الابلاتين كويس
و يوجد مشاركة للبشمهندس سبعاوى تشرح بالتفصيل ظبط الابلاتين
اعتقد انها ممكن تكون بتاعة صيانة ال20 الف كيلو الاولى

سادسا و اخيرا
روح لميكانيكى كويس يظبط لك العربية و يكون فاهم فى شغل السوزوكى الماروتى

.

**moustafamoussa** · 09-09-2011 01:21 PM

انا مجرب الكندنسر الدنسو كويس بقالو 3 شهور زي الفل ز من عند سزوكي سنتر

**dr_asaos** · 09-09-2011 03:28 PM

شكرا جزيلا لكل الشباب اللى ردوا عليا....مبدئيا انا اخرموبينتين الكترونى واعتقد انها اللى بتكون مثلثة الشكل مش اسطوانية...تانى حاجة البنزين 92 من ساعة ما جبت العربية...تالت حاجة فلتر البنزين بيتغير كل 5 الاف كيلو...رابع حاجة اخر صيانة كانت 30 الف مع تغيير كل بنود الصيانة ده غير فى النص تغيير البوجيهات وطقم الكهرباء حوالى ثلاث أو أربع مرات والفلاتر علطول طبعا...رابع حاجة طبعا طقم الكهرباء الأصلى بتاع العربية مش معايا وكان اتغير فى التوكيل أيام التوكيل زمان...خامس حاجة الكاربريتير متنضف على 30 ألف أو أكثر بالاضافة ان عيب العربية بيتصلح لما الموبينة بتتغير....سادس حاجة موضوع الأرضى ده مش متأكد منه بس انا كنت مركب لمبات أقوى للعربية وكتاوت وحاجات كدة...سابع حاجة بالنسبة لموضوع البوجيهات متغيرة كذا مرة بس موضوع كام مللى حقيقى معرفشى وكمان أسلاك البوجيهات متغيرة..ثامن حاجة الكوندنسر ده لوحده متغير بتاع 6 أو 7 مرات بس مش فاكر نوعه ايه بس كان من كذا مكان منهم ميدو اللى بالقرب من نفق أحمد حلمى وكمان محل متخصص فى التوفيقية وأكرم حمدى فى دمشق وكام محل فى مدينة نصر!! بالنسبة للأسئلة الفنية والاسلاك اللى طالعة من الموبينة للاسبراتير أعتقد انه اتغير من ضمن أصلاك البوجيهات أما موضوع الأرضى والكلام ده مش فاهم فيه حقيقى بالاضافة من اللى فهمته من المحلات اللى اشتريت منها الموبينة انا الكترونى وهى مثلثة وصغيرة بالاضافة انى فعلا عاوز ميكانيكى أمين وأهم حاجة الامانة ويكون فاهم فى الماروتى لان الكلام اللى اتعمل ده عند كذا ميكانيكى!!! بس بصراحة مش بفهم فى ظبط الأبلاتين ولا الكلام ده وكنت دايما بقول للميكانيكى ...أنا حاولت أرد على كل استفسارتكم وتقديرى لكل من يحاول حل مشكلتى... بس هل فى حاجة تكون السبب فى تلف المبينة بهذا الشكل المتكرر؟ عشان لما بغير الموبينة والكوندنسر الموضوع بالفعل بيتحل لفترة؟ ولو الكوندنسر لوحده مش بيبقى كافى غير يا دوب ليوم واحد وقالولى عشان الموبينى التالفة بتاكل الكوندنسر!!!
أخر ملحوظة..البطارية اللى جبتها فارتا جافة...!! وتسلم ايديك ورجليك يا أستاذ hm414 على مشاعرك الطيبة وتيجى بالسلامة ان شاء الله

**Amr Axel** · 09-09-2011 04:21 PM

انا بصراحة مش قادر افيدك زي الاخوة الاعضاء لكن اخر سبب التكييف و ده احتمال بعيد
بس اعتقد ان ممكن يكون السبب من اسلاك البوجيهات يعني واحد بايظ او بوجيه بايظ
شوف كهربائي سيارات كويس و فاهم يعملك القصة ديه

**dr.hazem** · 09-09-2011 07:25 PM

طيب مبدئيا في كذا حاجه غلط بتتعمل

من الاول خالص
فلتر البنزين بيتغير كل 40 ألأف مش كل 5 آلأاف
واخشى ما اخشاه ان يكون اللي بيركبهولك ركبه مقلوب بحيث حط خرطوم ال in مكان ال out
وده كفيل بانه يخنق العربية خنقة سودا ويبرجلها...

ثانيا:
البوجيهات وما ادراك ما البوجيهات
بص يا عزيزي...
اكتر سبب لتلف الكوندنسر والابلاتين تلات حاجات
بوجيهات مش مظبوط الخلوص بتاعها
موبينه تعبانه (ولا اعتقد في حالتك دي هي السبب)
ترك الكونتاكت مفتوح لفترة طويله على وضع ماقبل التشغيل (اللي لمض البيان بتكون منوره فيه)

وطبعا نوعية البوجيهات ورقمها بيفرق جامد ولو البوجيهات المضروبه ماليه السوق وبتبقى مرطبه وحالتها حالة
البوجيهات المناسبه للماروتي هي ان جي كي وكودها BP6EY ولازم وبكرر لازم تظبط المسافه بين قطبين البوجيه على 0.8 ملم ودي ممكن يظبطهالك الميكانيكي باداة اسمها فيلر ودي بتتباع فوسط البلد وتمنها 10 جنيه

ظبط زاوية الاسبراتير وظبط خليط الهوا والبنزين للكربيراتير يعمل كل الاعراض اللي عندك لو مش مظبوطه بمعنى ظبط كهربة السياره عند ميكانيكي كويس

ثالثا:الكربيراتير بيتنضف كل 10 آلاف كيلو

رابعا:طقم الكهربا المفروض مبيتغيرش الا لو من الاول عمل مشكله انما طالما العربية بتدور وماشيه كويس مكنش المفروض تغير غير البواجي فقط لا غير

حاليا انصحك بالآتي:
هتروح للميكانيكي اللي اخونا اسلام بيروحله لانه اشتغله فعربيته وعمله شغل كتير وعلى كلامه ممتاز
هتروحله يظبطلك الكهربا وتتأكد من ان فلتر البنزين راكب صح وده تتاكد منه بنفسك لان الصنايعيه مش بيعرفو يقرو انجليزي ولا يعرفو انها تفرق بين ان واوت

وياريت تشتري الكوندنسر ماركة دينسو من عند سوزوكي سنتر في التوفيقيه وتمنه 35 جنيه وصناعته ياباني
وحاول تجيب بوجيهات ان جي كي من الموديل والكود المذكور وهتلاقيه منتشر بكثرة ومتاخدش ولا حاجه الكود بتاعها مش زي اللي مكتوب علما بان تمنهم ال 4 ب 35 جنيه مش اكتر من كده
ولو عندك موبينة العربية الاصلية ياريت تركبها تجرب بيها لان مش منطقي ان الموبينا الالكتروني تخرب بالشكل اللي بتقوله ده..
وياريت تعبي البنزين من مصدر موثوق (محطات كويسه)

بعد كل ده لو العربية متظبططتش يبقى انا استنفدت كل اللي اعرفه عن العربية ومش هقدر افيدك للاسف

تحياتي

**dr.hazem** · 09-09-2011 07:27 PM

وفي حاجه كمان عايز اسألك عليها
حضرتك المشاكل بتحصل معاك وانت مش مشغل التكييف ولا مبتفرقش مشغله ولا مش مشغله؟؟
وهل اللي ركبهولك ركبلك المكنه اللي بتعلي الكهربا لما تشغله ولا لأ؟؟؟ اللي هيا مكنه الفاكيوم اللي بتزود اكسراتير لوحدها اول اما التكييف يشتغل؟؟؟

تحياتي

الموضوع: عيب عضال فى العربية"4موبينات!!"

LinkBack

أدوات الموضوع

عرض

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة