ايهما افضل للانوس بطارية 55 ولا70 امبير وهل دة بياثر على عمر البطارية
عرض للطباعة
ايهما افضل للانوس بطارية 55 ولا70 امبير وهل دة بياثر على عمر البطارية
عادتا معظم الناس ومنهم أنا بغير البطارية ل 70 أمبير بتكون أقوى خصوصا لو فية تحميل عليها يعنى لو أنت مركب أجهزة كتير فى العربية زى مثلا كاسيت بسماعات أكبر أو dvd أوإنذار ووحدات رفع أوسينسور وخلافة ...أنظمة الصوت والأمان المتعددة ...إلخ ...يبقى ركب ال 70 أمبير
وفى النهاية ده يرجع لإستخداماتك .....
55 امبير اكتر من كدة هيكون تحميل زائد
أستاذى الفاضل ممكن حضرتك تقولى هو هيكون تحميل زائد على أية بالظبط يعنى أية ضرر البطارية ال 70 أمبير واية الأعراض.... أحنا برضوا بنستشير بعض... لأنى تقريبا لاء ده أكيد مركب فى كل العربيات إلى جبتها بطارية 70 أمبير وماكانش فية أى مشكلة بالعكس وأخرهم دايو جوليت من قبل ماأشتريها وغيرت البطارية لمدة سنتين مع العلم أنى ماعنديش أحمال كتير يعنى كاسيت وسماعات بيضاوى ....وأنذار ووحدات رفع وسارينة وبس .؟..
وبعدين لو شخص عندة أحمال زيادة عن طبيعة العربية غلى هى كاسيت سماعات والإضاءة العادية ......
يعنى مركب جى أم وصب وسماعات وdvd وسينسور ...إلخ ...كدة مش هيكون فية تحميل على البطارة ال 55 أمبير هيكون عادى يعنى
طبعا كلنا عارفين أن لو العربية فى حالة التشغيل الدينامو هو إلى بيقوم بالدور والبطارية دورها بينتهى لكن فى حالات التحميل بدون تشغيل بيتهيألى لازم تكون البطارية قوية ....خصوصا ومعظم البطاريات فى السوق مش قد كدة يعنى...
وشكرا للتعاون ....وادينا بنفيد بعض بالمعلومات وطبعا التجارب ..تقبل مرورى
وبالنسبة لفترة عمر البطارية
الامبير هوا سعة البطارية
يعنى قدرة البطارية على اخراج 12 فولت لمدة اد اية لعدد اد اية من الاجهزة
معنى كدة ان البطارية ال 70 اميبر هتفضل مدى اطول فى تشغيل اجهزة العربية (فى حالة ان العربية مش دايرة)
الاجهاد هنا هيكون على الدينامو و العربية دايرة
لانة بدل ما يشحن سعة 50 امير مثلا فى ساعتين هيفضل يشحن 70 امبير فى 4 ساعات مثلا و فى نفس الوقت مشغل العربية
فا انا بفضل ال 55 امبير
البطاريه المناسبه للانوس 55 امبير فقط , بغض النظر عن اي احمال كهربيه زائده موجوده في العربيه (طالما المكنه دايره) , لان قدرة البطاريه هتفرق معاك بس وانت بتدور العربيه , وبعد ما المكنه بتشتغل الأحمال بتاخد كهربتها من الدينامو
وبالنسبه لعمر البطاريه فهو بيكون حسب الاستخدام , يعني العربيات الملاكي مع الاستخدام المعتدل بيكون متوسط عمر البطاريه فيها سنتين مثلا
55 امبير للاسباب السابق ذكرها من الزملاء
MMamdouh
شراء بطارية 70 امبير و بطاريتك الاصلية 55 زى ما تفك النك بتاعك اللى بيشيل 48 لتر و تحط تنك 99 لتر
MMamdouh
كنت لسه هستخدم التشبيه ده بس باسلوب ثاني
بطارية السيارة ما هي الا كما خزان مياه اعلي عمارة
ديناموا السيارة ما هوا لا شبه موتور مياه لتغزية الخزان الي اعلي العمارة السابق الاشارة لها
لو الموتور قوي هيملي الخزان في نصف ساعة ولو ضعيف هيملاه في ساعة
كذلك لو الخزان 100 لتر هيتملي في نصف ساعة لو الخزان 200 لتر هيتملي في ساعة مع ثبات استخدام نفس الموتور
ديناموا اللانوس مصمم علشان يشحن بطارية 55 امبير في فترة معينة لو غيرة البطارية ب 70 امبير مش حيحصل غير انك هتزود مدة الي تحتاجها البطارية للشحن بنسبة 27.2 % مقابل امكانية تشغيل اجهزة السيارة بدون ادارة المحرك لفترة زمنية اطول بنفس النسبة تقريباً
مكتوب فى الماتنويل للسيارة 55
70 امبير عادي جدا يا اخواننا... بالعقل كده... انتو بتقولوا هياثر على الدينامو... معنى كده اني لو فضلت قايد النور او مشغل المكيف هيأثر على عمر الدينامو؟؟ مانا هافضي البطارية والدينامو في حالة شحن مستمر... الكلام عقلانى... والرقم المحطوط 55 ده للحد الادنى
امال تعملوا ايه في بطاريات الـ Deep Cycle اللي ممكن توصل لـ 1000 امبير!!!!
ركب 70 وتوكل على الله بقى لنا 15 سنة بنركب 70 جاف وسايل
أنا ركب 70 جافه النهارده وربنا يستر
بصوا هيس بتنزل من المصنع ببطاريه 55 امبير
الدينامو متصمم على كده
اي حاجة غير كده يبقى فلوس بتترمي على الارض في فرق سعر البطاريه
وفي نفس الوقت ال70 امبير هتبوظ اسرع لانها مش بتتشحن كفايه لان الدينامو مش هيلاحق عليها
انا مبحبش اللعب في العربيات عموما لان كل قطعه في العربيه مش محطوطة اعتباطا ولا بالزوفه
ديه حسابات معقدة ودقيقه جدا لكل جزء فيها
اصلهم مش قاعدين في مصانع العربيات ومعامل الابحاث يلعبوا
كل حاجة محسوبه وفق معادلات معقده
وبلاش فتي الصنايعيه
ال 70 أمبير أصلا بتبقى 62 أمبير بس ، والتجار بيقولوا عليها 70
كلامك صحيح ١٠٠٪ ... حضرتك جبت الخلاصه :)
ناس كتير فاهمه ان كل ما البطاريه زادت للامبير دى ميزه للعربيه ...
البطاريه وظيفتها الوحيده هى تشغيل المارش لتدوير العربيه ..فقط لا غير ... اى بديل للمانيفله القديمه و العربيات دى ما كانش بها بطاريه ...
و بمجرد اداره العربيه ... البطاريه تقلب من اعطاء كهرباء الى اخذ شحن من الدينامو الى شغال بسير ...
لذلك ينصح و يكفى جدا رقم امبير البطاريه الاصليه الى نازله مع العربيه ... يعنى بالنسبه لحاله صاحب الموضوع ٥٥ امبير ..
انا عندى الصنى ٤٥ امبير و البطاريه بتقعد شغاله ٣ سنوات فى المتوسط بدون اى مشاكل ... و شتاء الاسكندريه بارد فى الصباح الباكر ...
تحياتى ...
تحياتى ...
صباح الفل
هو يا جماعه فعلا ال اكتر من 55 ممكن تأثر على الشربون و السيلكونات بتاع الدينامو. بص على المدي الطويل. بس فعليا ال 70 حوالي 62 أمبير مش 70 ده بالنسبة لكلورايد و بالنسبه للفارتا بيبقى 65 أمبير فالفرق مش كتير أصلا و بيبقى غير مؤثر.