ايهما افضل للانوس بطارية 55 ولا70 امبير

**emad_banda** · 09-09-2011 10:17 AM

ايهما افضل للانوس بطارية 55 ولا70 امبير وهل دة بياثر على عمر البطارية

**semsem_saad** · 09-09-2011 12:52 PM

عادتا معظم الناس ومنهم أنا بغير البطارية ل 70 أمبير بتكون أقوى خصوصا لو فية تحميل عليها يعنى لو أنت مركب أجهزة كتير فى العربية زى مثلا كاسيت بسماعات أكبر أو dvd أوإنذار ووحدات رفع أوسينسور وخلافة ...أنظمة الصوت والأمان المتعددة ...إلخ ...يبقى ركب ال 70 أمبير
وفى النهاية ده يرجع لإستخداماتك .....

**elrasy** · 09-09-2011 01:22 PM

55 امبير اكتر من كدة هيكون تحميل زائد

**semsem_saad** · 09-09-2011 02:26 PM

المشاركة الأصلية كتبت بواسطة elrasy

55 امبير اكتر من كدة هيكون تحميل زائد

أستاذى الفاضل ممكن حضرتك تقولى هو هيكون تحميل زائد على أية بالظبط يعنى أية ضرر البطارية ال 70 أمبير واية الأعراض.... أحنا برضوا بنستشير بعض... لأنى تقريبا لاء ده أكيد مركب فى كل العربيات إلى جبتها بطارية 70 أمبير وماكانش فية أى مشكلة بالعكس وأخرهم دايو جوليت من قبل ماأشتريها وغيرت البطارية لمدة سنتين مع العلم أنى ماعنديش أحمال كتير يعنى كاسيت وسماعات بيضاوى ....وأنذار ووحدات رفع وسارينة وبس .؟..
وبعدين لو شخص عندة أحمال زيادة عن طبيعة العربية غلى هى كاسيت سماعات والإضاءة العادية ......
يعنى مركب جى أم وصب وسماعات وdvd وسينسور ...إلخ ...كدة مش هيكون فية تحميل على البطارة ال 55 أمبير هيكون عادى يعنى
طبعا كلنا عارفين أن لو العربية فى حالة التشغيل الدينامو هو إلى بيقوم بالدور والبطارية دورها بينتهى لكن فى حالات التحميل بدون تشغيل بيتهيألى لازم تكون البطارية قوية ....خصوصا ومعظم البطاريات فى السوق مش قد كدة يعنى...
وشكرا للتعاون ....وادينا بنفيد بعض بالمعلومات وطبعا التجارب ..تقبل مرورى

**emad_banda** · 09-09-2011 02:41 PM

وبالنسبة لفترة عمر البطارية

**Sherif Khalifa** · 09-09-2011 03:19 PM

الامبير هوا سعة البطارية
يعنى قدرة البطارية على اخراج 12 فولت لمدة اد اية لعدد اد اية من الاجهزة
معنى كدة ان البطارية ال 70 اميبر هتفضل مدى اطول فى تشغيل اجهزة العربية (فى حالة ان العربية مش دايرة)
الاجهاد هنا هيكون على الدينامو و العربية دايرة
لانة بدل ما يشحن سعة 50 امير مثلا فى ساعتين هيفضل يشحن 70 امبير فى 4 ساعات مثلا و فى نفس الوقت مشغل العربية
فا انا بفضل ال 55 امبير

**محمد الشامي** · 09-09-2011 04:54 PM

البطاريه المناسبه للانوس 55 امبير فقط , بغض النظر عن اي احمال كهربيه زائده موجوده في العربيه (طالما المكنه دايره) , لان قدرة البطاريه هتفرق معاك بس وانت بتدور العربيه , وبعد ما المكنه بتشتغل الأحمال بتاخد كهربتها من الدينامو

وبالنسبه لعمر البطاريه فهو بيكون حسب الاستخدام , يعني العربيات الملاكي مع الاستخدام المعتدل بيكون متوسط عمر البطاريه فيها سنتين مثلا

**MMamdouh** · 09-09-2011 05:07 PM

55 امبير للاسباب السابق ذكرها من الزملاء

MMamdouh

**semsem_saad** · 09-09-2011 08:03 PM

المشاركة الأصلية كتبت بواسطة elrasy

اخى الفاضل
الامبير الزائد عن المنصوح بة من الشركة المصنعة سوف يقلل من العمر الافتراضى للدينامو

طبعا أكيد بعد رأيكم ينصح بالبطارية ال55 أمبير ...لكن عايز أقول أن ال 70 أمبير الموجودة بالسوق ومنذ فترة حتى الأن لم يظهر منها أى أعراض يعنى ماأثرتش على الديناموا مع الإستخدام لمدة سنين ...إلا إذا كان دة على المدى الطويل ............وشكرا للمداخلة

-

الموضوع: ايهما افضل للانوس بطارية 55 ولا70 امبير

LinkBack

أدوات الموضوع

عرض

-

-

-

-

المواضيع المتشابهه

ايهما افضل فى الاداء بالنسبه للانوس

بطارية التيدا الاصليه كام امبير....ولحد كام امبير اركب

افضل بطارية للانوس

افضل نوع بطارية للانوس

ايهما افضل بطارية الجافة ام السائلة

الكلمات الدلالية لهذا الموضوع

المفضلات

المفضلات

ضوابط المشاركة