أوبل استرا 2004 - 1600- عاوز رأيكم

**markoky** · 09-09-2011 11:13 AM

في استرا 2004 - 1600 cc - عاملة 60000 كلم . معروضة للبيع
وأنا نفسي اركب من زمان قوي الأوبل - بس في ناس كتير قوي حزرتني منها وبالذات البرازيلي .
أنا رحت اجرب العربية مشيها حلوه قوي - بس مثلا الفرامل حجرت تحت رجلي بعد ما اتحركت ب 20 متر كده ( وده ممكن يكون جلد مستر أو المستر نفسه ) - وسحب العربية مش حلو . بس لما دست على ال S - ماكنتش عارف اوقفها . ولمبة الشك انجن برده منورة وعداد الحرارة مش شغال.

فـقلت اروح لمقار في المهندسين يكشف على العربية ويقولي في إيه

بس في ناس أصحابي قوللي إن العربية دي بتجيب كنترول على طوول وابن عمي مهندس في توكيل ياسين الي عند كوبري الحرفين وقال لي كل يوم في استرا برازيلي بتجي تغير وحدة كنترول

لو سمحتوا حد يقولي الكلام ده بجد ولا إيه

أنا عايز أروح آخد العربية دي أصلها نضيفة قوي يا رجالة - بس طبعا بعد ما أروح مقار يقول فيها ا ه

**eska** · 09-09-2011 11:38 AM

واضح ان فيها مشاكل ...متشوف واحدة غيرها احسن ؟

**markoky** · 09-09-2011 12:08 PM

المشاركة الأصلية كتبت بواسطة markoky

في استرا 2004 - 1600 cc - عاملة 60000 كلم . معروضة للبيع
وأنا نفسي اركب من زمان قوي الأوبل - بس في ناس كتير قوي حزرتني منها وبالذات البرازيلي .
أنا رحت اجرب العربية مشيها حلوه قوي - بس مثلا الفرامل حجرت تحت رجلي بعد ما اتحركت ب 20 متر كده ( وده ممكن يكون جلد مستر أو المستر نفسه ) - وسحب العربية مش حلو . بس لما دست على ال s - ماكنتش عارف اوقفها . ولمبة الشك انجن برده منورة وعداد الحرارة مش شغال.

فـقلت اروح لمقار في المهندسين يكشف على العربية ويقولي في إيه

بس في ناس أصحابي قوللي إن العربية دي بتجيب كنترول على طوول وابن عمي مهندس في توكيل ياسين الي عند كوبري الحرفين وقال لي كل يوم في استرا برازيلي بتجي تغير وحدة كنترول

لو سمحتوا حد يقولي الكلام ده بجد ولا إيه

أنا عايز أروح آخد العربية دي أصلها نضيفة قوي يا رجالة - بس طبعا بعد ما أروح مقار يقول فيها ا ه

في واحد صاحبي معاه أوبل بيقولي إن الحاجات الي في العربية دي ممكن تكون الكنترول ابتدى يجيب يا أما حاجه في الضفيرة

**markoky** · 09-09-2011 12:11 PM

المشاركة الأصلية كتبت بواسطة eska

واضح ان فيها مشاكل ...متشوف واحدة غيرها احسن ؟

طيب هي فيها مشاكل ولا الاسترا عموما
يعني كده فعلا ممكن تكون كنترول

**eska** · 09-09-2011 04:42 PM

المشاركة الأصلية كتبت بواسطة markoky

طيب هي فيها مشاكل ولا الاسترا عموما
يعني كده فعلا ممكن تكون كنترول

مش هعرف افيدك قوي يا باشا ....بس انا كنت اقصد ان العربية اللي معروضة عليك دي هي اللي فيها مشاكل من وصفك لحالتها وشوف واحدة تانية بس حالة احسن
بالنسبة للاسترا انا بسمع كتير ان الموديلات التقفيل المصري عموما بيظهرلها مشاكل ودي اللي هي ال1600 موديلات من اول 2002 تقريبا
انت لو عايز حاجة 1600 متشوف الكورسا موديلات 2004 -2006 ولو عايز حاجة واسعة شوف الفيكترا 99
وربنا يوفقك

**إبراهيم المصرى** · 09-09-2011 05:21 PM

الاسترا عموما عربيه محترمه جدا بالاخص التقفيل الالمانى 1200 سى سى والتقفيل البرازيلى 1600 سى سى مش وحشه اعتقد انها زى الفل وحمالة اسيه لان في واحده مع شخص اعرفه مش بيشتكى منها خالص بالعكس ماشاء الله عليها بيسافر بيها كتير جدا مطروح رايح جاى يمكن اسبوعيا وساعات يجى من مطروح على بور سعيد على الدولى الساحلى وعمرها ما اقصرت