ممكن حد يوصفلي الطريق بالتفصيل لأني مش عارفه ولا اي حاجه في مصر الجديده
وده العنوان المطلوب
شارع محي الدين ابو العز متفرع من عبد العزيز عشماوي امام سفارة الإمارات متفرع من شارع الثوره في مصر الجديده
عرض للطباعة
ممكن حد يوصفلي الطريق بالتفصيل لأني مش عارفه ولا اي حاجه في مصر الجديده
وده العنوان المطلوب
شارع محي الدين ابو العز متفرع من عبد العزيز عشماوي امام سفارة الإمارات متفرع من شارع الثوره في مصر الجديده
هو حضرتك جايه منين؟
على العموم هفترض انك جايه من ناحية الجيزه و وسط البلد .... هتاخدى صلاح سالم او كوبرى اكتوبر و تنزلى صلاح سالم ... بعد ارض المعارض هتعدى من تحت كوبرى الفنجرى و جنب الاستاد و طوالى ... هتوصلى انفق العروبه متنزليهوش و تخشى من فوقه يمين ... كده فى الميرغنى هتمشى شويه طوالى و هتلاقى شغل المترو الجديد على اليمين عند كلية البنات و بعديه بشويه كوبرى ما تطلعيهوش و من جنبه يمين كده شارع الثوره ... طوالى هتعدى من تحت كوبرى و بعديه ب 200 متر فى دخله يمين ملكيش دعوه بيها ... اليمين اللى بعده على ناصيته هتلاقى سفارة الامارات (ده شارع حسن افلاطون) ... من هناك اسألى على الشارع اللى انتى عايزاه هتلاقيه متفرع منه ... بس المنطقه كلها صغيره فممكن تشوفى ركنه و تدورى براحتك
بعد كده هتكملى مع صلاح سالم عند القلعه و هتلفى مع الشارع شمال و بعدين يمين هتلاقى نفسك عند حديقة الازهر (على شمالك) و طوالى (مشيخة الازهر على شمالك) ... هتلاقى كوبرى تطلعيه و طوالى هتلاقى كوبرى تانى تطلعيه (هيعدى من تحت كوبرى اكتوبر) و هتلاقى ارض المعارض على اليمين و بعديه هتعدى من تحت كوبرى الفنجرى و طوالى لحد النفق ما تنزليهوش و من فوقه يمين و تكملى زى ما قلتلك فوق
طالما انتي مش من المنطقة دي انا ممكن اوصفلك وصفة اسهل شوية بس ممكن تكون اطول حاجة بسيطة
كملي في صلاح سالم طوالي بعد القلعة زي ما زميلنا محمد سليم قال بالظبط ..... ح تلاقي كوبري الفردوس اللي عند مسجد الشرطة ... تطلعي من فوق الكوبري طوالي .... وبعدين ح تلاقي كوبري العباسية اللي قبل ارض المعارض ... برضه تطلعي وطوالي
بعد شوية ح تلاقي عمارات العبور علي شمالك وبانوراما حرب اكتوبر على يمينك ..... برضه طوالي
لغاية ما تلاقي نفق العروبة اللي عند بيت المخلوع مبارك ..... تقرأي الفاتحة على روح ضحاياه وتنزلي النفق ...
بعد النفق بحوالي 300 متر ح تلاقي مخرج يمين مكتوب عليه طريق السويس أو ش الثورة ( هو اول مخرج بعد النفق ).... تدخلي يمين وتمشي طوالي ولا يمين ولا شمال
ح تلاقي فيه كباري بالعرض معدية فوق الطريق مالكيش دعوة بيها .... طوالي
بعد تاني كوبري من الكباري اللي قولتلك عليهم دول ح تلاقي سفارة الامارات علي يمينك ولها قبة زي ما تكون جامع وعليها علم الامارات ..... وجنبها عربية فول بتاعت واحد اسمه حسن عزوز .... اوعي تاكلي من عنده ..... الفول بتاعة مش قد كدة :N_no[1]:
يعني ببساطة ح تمشي طوالي ف صلاح سالم وتاخدي يمين من طريق السويس اللي بعد نفق العروبة وتمشي حوالي 2000 متر طوالي تبقي هناك ... وهناك تسألي بقى عن الشارع ده لأن محي الدين ابو الوز ده انا اعرف انه ف المهندسين .... لكن مش عارف اللي ف مصر الجديدة بصراحة
الحمد لله على السلامة
النفق بعد عمارات العبور (هتكون على شمالك) و بعد شارع الطيران (هيكون على يمينك)
طبعا وصفة الحاج احمد سليمه تماما و كنت هقول عليها بس مارضيتش عشان اللخبطه ... فى الوصفه دى هتلاقى قصر البارون على اليمين و فى شارع صغير جنبه ... مش ده اللى هتخشى منه ... هتخشى اللى بعده على طول (كأنك هتخشى تانى يمين بعد ما تطلعى من النفق) و هتمشى طوالى هتعدى من تحت كوبرى و هتلاقى عربيات جايه من جنب الكوبرى و بتلف معاكى فى سكتك ... دى الوصفه الاولانيه ... تكملى و تعدى من تحت تانى كوبرى و فى دخله يمين صغيره ملكيش دعوه بيها ... اليمين اللى بعده على ناصيته هتلاقى سفارة الامارات
الله يسلمك يا فندم
الحاج احمد مشرف موضوعي
الف شكر على المشاركه الجميله والوصف السلس ده
انا كده بعد ما اعدي النفق عند بيت المخلوع :tumb: هاكمل وانزل عند بتاع الفول :grin21:
وأسأل على الشارع من هناك
بس ازاي بتاع الفول يقف عند سفارة الإمارات :N_no[1]:
انا كمان عارفه محي الدين في المهندسين وكمان في شارع الثوره في المهندسين حاجه تلخبط
حتى سواق التاكسي افتكر العنوان في المهندسين لما سألته
الف شكر لحضرتك مره اخرى ونورت موضوعي
بصى علشان اللخبطه ... قصر البارون واخد مربع كامل ... الشارع اللى قبله مدخله فوق النفق ... الشارع اللى بعده اللى القصر على ناصيته صغير متدخليهوش ... هتخشى الشارع الواسع اللى بعده (فوق نفق الثوره) و هتلاقى جامع على الناحيه التانيه من صلاح سالم ...