مشروع تيشيرتات لم يقدر له النجاح

**wahba87** · 09-09-2011 04:06 PM

السلام عليكم

اصحابى عملوا مشروع تيشيرتات ثورية معمولة للسياح

و قدر ربنا ان المشروع منجحش بعد ما طبعوا كمية , يمكن عشان السياحة مش ماشية , مع ان ربنا يعلم ان خامة التيشيرتات من اجود الخامات

الحمد لله على كل شئ , دلوقتى هم عايزين يبيعوا الكمية اللى طبعوها , و دى التصميمات :

حجر رشيد - Rosetta Stone

Pyramids

Pharaoh

ممكن حد يكون له طريقة فى تسويق التيشرتات دى , خصوصا ان خامتها عالية الجودة.

يوجد كمية من جميع المقاسات لكل تصميم

المكان : مصر الجديدة و مدينة نصر - القاهرة

سعر التيشيرت : 50 جنيه

**tarekmomo** · 09-09-2011 04:23 PM

الصور مش واضحة

**wahba87** · 09-09-2011 04:30 PM

الصور :

حجر رشيد - Rosetta Stone

Pyramids

Pharaoh

**vagus2000** · 09-09-2011 08:01 PM

الكميات اللي موجودة اد ايه؟ والسعر النهائي

**wahba87** · 09-09-2011 08:58 PM

المشاركة الأصلية كتبت بواسطة vagus2000

الكميات اللي موجودة اد ايه؟ والسعر النهائي

ممكن حضرتك تبعتلى نمرتك على الخاص و هخلى صاحب المشروع يكلم حضرتك

**tananybasha** · 09-09-2011 11:46 PM

لازم تنسق مع الأدارة

**MASERATI** · 10-09-2011 02:10 AM

السلام عليكم و رحمة الله و بركاته

أنا متهيألى أن التيشيرتات دى قطن مصرى 100% و أى حاجة Egyptian cotton بره بيكون عليها اقبال, أنا عندى اقتراح هاااااااااااااااااايف هأقولك عليه و أنت مش خسران حاجة , ماهى كده كده السوق واقف و التيشيرتات معاكوا.

صور التيشيرتات شوية صور أوضح و أحسن و حط اعلانها على المواقع دى:

www.ebay.com

www.ebay.ca

www.ebay.co.uk

و قبل ماتحدد سعر للتيشيرت, اعرف بالتحديد تمن ارساله كطرد الى أميركا و كندا و انجلترا, كااااااااااااااااام و ضيف السعر ده على ال50 جنيه اللى أنت طالبهم و حط سعر التيشيرت بالدولار الأميركى لأميركا و بالدولار الكندى لكندا و الجنيه الاسترلينى لبريطانيا كل واحد فى الموقع بتاعه.

الكلام ده على أساس أنك هتقعد فى بيتكم عادى جدا و لما ينطلب منك تيشيرت فى كندا أو أميركا أو انجلترا, تقوم مادد ايدك و واخد تيشيرت من اللى عندك و باعته على عنوان المشترى فى كندا أو أميركا أو بريطانيا كطرد عادى جدا من أى مكتب بريد مصرى و كده كده, أى حاجة داخلة أميركا أو كندا أو بريطانيا, لو عليها ضرايب, اللى بيشترى هو اللى بيدفع.

أهى محاولة و أنت مانتش خسران حاجة.

أنا مش عارف أنك تبيع عالمواقع دى بتبقى ازاى بالظبط, بس أكيد هتلاقى كل الشروط و الضوابط و التفاصيل مكتوبة بوضوح.

اللى جاب الفكرة دى فى دماغى, أن فيه تجار فى الأقصر بيبيعوا ملابس داخلية رجالى قطنية فى أميركا على موقع www.ebay.com بالطريقة دى.

ابقى طمننا عملت ايه.