ايه اخبار قطع الغيار في impreza 2011 ؟

**mido1512h** · 09-09-2011 04:10 PM

السلام عليكم
يا جماعة انا حاجز cerato sx smart وكيل اخترت العربية دى بعد تفكير 5 شهور
واحد صاحبى معاه subaru 2005 سألتو كتير قبل ما احجز قالى ابعد قطع الغيار هاتزعلك قوي ومفيش صيانة برا التوكيل و حكالى لما فكر مرة واحدة يجيب تيل فرامل اسبانى الطنابير باظت
بس بردو العربية ثبات و elegance مفيش زيو
المهم اقتنعت بكلام الناس كلها اللى نصحوني ( خليك في الكوري شيك و قطع غيار options وعربية و خلاص هاتأدى المطلوب
بس لما رحت امبارح توكيل كيا و اخدت منهم اسعار بعض قطع الغيار حسيت الفرق مش ممكن يبقي فظيع. ودى list بالاسعار اللى عرفتها امبارح
فلتر هواء 80
فلتر زيت 30
فلتر بنزين 130
بوجيهات 140
تيل امامى 440
تيل خلفى 380
فانوس امامى 850
فانوس خلفى 450+290
مراية 1500
اكصدام امامى 1000
اكصدام خلفى 1150
سنسور باركنج الواحد 500
فلتر تكييف 145
سير مجموعة 260
ياريت رجالة السوبارو في المنتدي اخبار قطع الغيار في impreza 2011 ايه و ياريت لو بالتفصيل
ايه رأيكو انا لسة مش عارف اعمل ايه ؟؟؟؟؟؟؟؟
افكر تانى ولا خلاص اكمل deal
انا نفسي في السوبارو بجد بس خايف من التوكيل بعد ما قاريت مشكلة فا المنتدي عن عربية فيها عيب صناعة و قضية وكلام وكمان ال resale
اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

**khalid_adel** · 11-09-2011 02:49 AM

مش عارف اقولك ايه انا حاسك ميال للسوبارو بس مقلق
بص والله متقلقش هي العربيه والتوكيل محترمين جدا جدا جدا واللي حصل ده حاله فرديه (ممكن تقول ابتلاء-حسد) اي حاجه وده مكتوبله كده كده حيشوفه حتي لو معاه مرسيدس
نصيحه لوجه الله خليك في السوبارو وجربها شهر واحد وبعديها اركب اي سيراتو مع اي حد حتحمد ربنا انك اخترت سوبارو
لو ناوي تبيع قريب يبقى خليك في كيا
لكن بالنسبه لقطع الغيار هي قريبه اوي من كده وان كانت ارخص في حاجات واغلي في حاجات تانيه وده طبيعي ومتنساش انها ياباني 100% كل قطعه فيها
خد برضه شوف اللينك وده وقارن وان كنت اعتقد انها رخصت عن كده كمان
View image: Price comparison with Japanese model1

**mahmoudselim** · 11-09-2011 03:26 AM

.... نقطة اخيرة
انت مينفعش تقارن اسعار قطع غيار ياباني بنظيرتها الكوري
لان العملة الكوري قيمتها اقل بكتير من العملة الياباني( 14 الوون كوري = 1 ين ياباني)
وبالتالي المفروض ان اسعار قطع الغيار الكوري هتكون اقل من الياباني
دا غير عوامل تانية منها الجودة وطرق التصنيع والمواد المستخدمة .

**H_A_T_Em** · 17-09-2011 10:27 PM

حضرتك لو ميال قوي للسوبارو ممكن تاجرها كام يوم كده و تشوف ايهالكلام و بنزينها هيبقي مناسب معاك ولا ايه و بردو ممكن تكلم ابو غالي و تسالهم عللي قطعه قطعه من حيث السعر و التوافر لان فيه حاجات اسعارها بتختلف و انا مش هقدر افيدك قوي للاسف عشان معايا الموديل القبلو و عليك و علي صلاه الستخاره و اعتقد بعد كل الاجراءات دي هتحسن الااختيار بس فعلا الموديل الجديد ده بدا ينتشر جامد مشكله الموديلات بتاعه قبل كده انها كانت بتنزل سنتين فقط يعني عربيتي مثلا ٢٠٠٦ و ٢٠٠٧ بس و القبلو كده بردو ٠٤ و ٠٥ فهي دي الفكره