الموضوع: الرجاء المساعده في تركيب سماعات هاي فاي باناسونيك

المعلومات الى حضرتك جايبها ناقصه يا افندم لازم معلومات اكتر عشان الناس تفيدك

غالبا ينفع ان شاء الله

بس ممكن ليها مشاكل لانها مصصمه للبيت مش للعربيه
و بعدين هتسمع صوت مش زى اللى بتسمعو فل البيت
و استهلاكها للبور هيكون كبير و هتأثر على البطاريه لو اشتغلت بكامل قدرتها (فياريت تكون عارف استهلاكها اد ايه)

دلوقتى لازم تجيب حبه معلومات عن السماعات ان امكن عشان تستفيد
يكون احسن لو معاك ال مواصفات كامله
المقاومه 6 دى كويس
اغلب الجى امات بتشغل من 4 ل 8 اوم
مش فاهم انا input دا ال 100 وات ايه
يعنى peak ولا rms ؟
و هى كام وات peak ‎ ؟
لانو لو rms 100
يعنى ممكن جى ام 700 وات اتنين شانل يقوم بالواجب
معرفش بقا ايه 50 دين دى

بس فيه نقطه دلوقتى السماعه الوحده فيها صب ووفر
و وفر
و تويتر

لو هتتحط فل الشنطه
يبقى تفتحها و توصل الصب بس( لانو مش هتسمع منهم حاجه غير لو هتشغلها والشنطه مفتوحه )
لو هتحطها جوا العربيه يبقى شغل كلو

بالتوفيق يا افندم

اولا مش لازم يكون الجى ام نفس قدره اللى موجود فل الكاسيت
يعنى يا زيو يا اقل منو مفيش مشاكل
انما لو اكبر يحرقو

تمام كده انا شوفت المواصفات وان شاء الله اى حد بيفهم هيساعد بردو

دلوقتى اولا ال امبليفير اللى كان راكب كان بيطلع 50 watt RMS‏ للسماعه الواحده
عند 6 اوم

اغلب الجى امات المتوفره اصلا كده (غير الحاجات الكبيره)

يعنى انت كده مثلا مش محتاج غير ال 350 وات اتنين شانيل او 300

دا مثلا(فى حدود ) بيطلع ‏50‎ او 60 WAT RMS ‎‏ عند 4 اوم
ف 6 اوم بيكون اققل شويا

يعنى انت دلوقتى عايز تعمل الصح قبل ما تجيب اى جي ام اتفرج عليه و اقرا مواصفاتو
هات حاجه يا 50 او 60 RMS ‎‏ بالكتير عند 4 اوم فل الشانل الواحده
وتجيبو اتنين شانل

عندك سونى وسيمفونى و كينود اللى مشهورين سعرهم مثلا فى رانيج ال 300 جينه ( بقالى كتير مسألتش الناس هنا تفيدك فل الاسعار اكتر منى )

نيجى للسماعه هى 100 وات RMS ‎‏ ‏ فجايه مظبوطه تمام
يعنى فانظمه العربيات الجيى ام قدرته لازم تكون تلتين قدره السماعه
ولو فل الصبات بتكون نص قدرته ( الموضوع تقريبى يعنى مش لازم 50 فل الميه بالظبط لانك فى نظام العربيه بتختار انت الجى ام براحتك و بتراعى النقطه دى بالاضافه انك بتتحكم فى الواتات الىى خارجه من الجى ام بتقللها وتعليها يعنى لو هو بيطلع 60 انت ممكن تققللو شويا )

واعتقد انت لحد 70 وات ار ام اس فل الامان
لان السماعد اصلا شغاله لحد 100 وات

نيجى بردو دلوقتى السماعه اتنين واى انا كنت فاكر الجزء اللى مش باين من الخشبه تويتر
( والسماعات دى قديمه اعتقد ) رينج التردادت مش كامل يعنى (جودتو مش هتكون زى السماعات الجديده‎بس فرق صغير
وكمان اتنين واى
يعنى الرينج المسموع من 20 ل 20000 هرتز

السماعه دى من 48 ل 22000
فكده انت فى اجراء من البيز العميق جداااا مش بتكون واضحه ( بس طبعا بيز زى الفل )

واللى احب اقولهولك ان سماعات العربيه مثلا البيضاوى بتبقى 80 او 100‎ rms
واعتقد كمان انا ديما سماعات العربيه بتكون اقوى من سماعات البيت
لان البيت دايما الضوضاء اقل

فدلوقتى متعرفش تحكم على جودتها
بس الموضوع يستحق التجربه
لانو ممكن يكون حلو جدا
لانو مش السماعات متتصممه للاستخدام المنزلى مش داخل العربيه
فيهتعمل اداء جيد يا تعمل اداء وحش


و عندى فكره بردو قبل ما تدخل فل الحوار
لو تعرف اى حد من اصحابك مركب جى ام 300 او 350 او فل الحدود دى
جرب عندو السماعات
لو اشتغلت تمام يبقى اشطه

واى استفسار تانى انا تحت امرك

المشاركة الأصلية كتبت بواسطة roland_yamaha

متشكر جدا لحضرتك يا استاذ احمد وع المعلومات الجامدة دي هحاول اروح برضو لواحد جنبي بتاع كاسيتات سيارات واشوف رأيه ايه
وسبب ان الكاسيت باظ اني وصلت عليه الاورج بتاعي وبتاع واحد صاحبي يعني اورجين مع بعض والحمد لله علي كل شئ بس صعبان علي السماعات

طب ما انتا كده بردو ممكن تصلح الكاسيت كمان
( يعنى كده هتلاقيها حاجه هيفه اوى )
اصل اغلب الكاسيتات من الاوفر لود الفيوز اللى جواها بيتحرق(فيها نظام امان زى فيوزات العربيه كده )
ودا بيتغير وامرو سهل يعنى شوف اى محل تصليح الكترونيات جنبك ووديهولو
او جرب تفكو بنفسك و دور على فيوز
الاجهزه القديمه كان الفيوز حته ازاز كده (على شكل انبوبه ) جواه الجزء اللى بيتحرق
و هتلاقى مكتوب جنب الجزء بيتحمل اد ايه
( انا بقولك على اساس انك ممكن تجرب ادام كده كده مفيش امل بالنسبالك او لو مش عايز توديه لحد يصلحو )
وحتا لو هتركب السماعت فل العربيه
هى كده كده بسهوله تشغلها فل البيت لو صلحت الكاسيت وتنزلها فل العربيه اما تحب

بالتوفيق ان شاء الله