اوجه الشبه والاختلاف بين الفيكترا بي1 وبي2
-البي1 من سنه 96 الي 99 اما البي2 فمن سنه 2000 الي 2003
-من حيث الشكل الفرق في الاتي
-البي1 اكصداماتها ليها رموش سودا اما البي2 فالاكصدام كله بلون السياره
-البي1 فانوسها الامامي زجاج و جزئين اما البي2 فباغه مضاده للكسر
-الفانوس الخلفي للبي2 فاميه اما البي1 ف3 الوان مميزين(احمر-ابيض-اورانج)
-البي1 ليها لطاشات ورا العجل اما البي2 ليها عتب رياضي (اوريجنال)ومالهاش لطاشات)
-فانوس الاستوب اللي ورا الزجاج الخلفي لتحت في البي1 ولفوق في البي2
-الكنبه الخلفيه في البي 2 ليها 3 مخادع راس اما البي1 فمخدعين فقط
-في اختلاف بسيط جدا في الشنطه الخلفيه في مكان تثبيت النمره
-اقصي سرعه لكل الموديلات 220كم الا البي2 ال2000 سي سي (الاوروبي) 260كم
-ال1600 كله رمزه علي باكيتات الابواب جي ال اس اما ال2000 سي سي فرمزه سي دي وفي منه موديل كمالياته عاوزه موضوع بحاله (حلم كل اوبلاوي) رمزه سي دي اكس
-باكيتات الابواب في البي1 لونها اسود اما البي2 فبلون السياره
-كل البي1 والبي2 المانوال موتورها واحد من 96 الي 2003 1600 سي سي سنجل كام 8 صباب 75 حصان(الموتور الاسود)
-البي1 الاوتوماتيك نزلت بنفس الموتور بس 2000 سي سي واعتقد 110 حصان
-البي2 الاوتوماتيك نزل منها موتورين بتكنولوجيا جديده اسمها ايكوتك اختصار (اكونوميكال تكنولوجي) 16 صباب دوبل كام 1600 سي سي و2000 سي سي وده بيطلع 137 حصان
-نيجي بقي للعفشه .البي1 جنوطها مقاس 14 -4 مسمار اما البي2 فمقاسها 15-5 مسمار
-الاسكاترا وعماويد الميزان والعفشه عموما كلها واحد الا ال2000 سي سي فالمساعدين الاماميين اقوي واعرض من ال1600 علشان طبعا وزن الموتور
+نسيت اقولك علي حاجه ..موتور الفيكترا ايه ال1600 سي سي هو نفسه اللي في البي ال1600 برده مع اختلاف بسيط في لون وش التاكيهات وفتحه فايظ بخار الزيت ومكان قربه الميه..
هسيب مواصفات الفيكترا ايه لاخونا طناني والدكتور هلالي وسعيد وباقي الرجاله
المفضلات