عرض للطباعة
العوامه عندى بايظه و مش عارف احسب الدنيا ماشيه ازاى بحط بنزين بالبركه بفول و خلاص بس امبارح دخلت افول اخدت 55 لتر و عمرها ما عملتها معايا كانت بالكتيير اوى تاخد 25 لتر مش عارف المرة دى فتحت جامد معايا لدرجه انى افتكرت ان التانك عندى اتخرم و نزلت تحت العربيه اشوف لو فى تسريب او ان العدادات فى البنزينه بتخرف يا ريت حد يقولى هى بتاخد كام
حضرتك التانك المفروض 45 لتر
وفي تانك احتياطي بياخد حوالي 7 لتر
اجمالي 52 لتر بالأحتياطي
تلاقي المكنة كانت بتزود عليك هوا كمان
يعني طرمبة المحطة مش مظبوطة بتطلع هوا مع البنزين وبالتالي بتعد لترات بزيادة ومع التفويلة عملت حوالي 3 لتر بزيادة
وبردو عشان ما نظلمش حد ممكن يكون الأحتياطي 10 لتر ودي تبقي معلومة جديدة
بس الي نعرفه انه 7 لتر
انتظر ردود الأعضاء لتأكيد المعلومة
والله المستعان
،
،
المشكله ديه كانت معايا
اولا انا معايا ابيزا 94 وبردو العوامه مكانتش شغاله ومكنتش بعرف هيا فيها بنزين ولا مفيهاش
المهم مره فولت لحد الزور بتاع التانك اخدت 50 بالاحتياطى ولقيت انها بتنقط بنزين من الفايظ طبعا من يوميها وانا بقيت احط بنزين كل 300 كيلو مثلا وكمان كنت بحط لحد ما المسدس يفصل ولو المسدس بايظ ومش بيفصل بقولو حط ب 49.5 علشان اديلو 50 جنيه وده لحد ما اروح البنزينه الى انا عارف ان مسدسها بيفصل
ولحد دلوقتى وانا شغال كده رغم انى صلحت العوامه :d
على فكره ممكن يكون حد كان مفول ابليك والعداد متصفرش وانت كملت خلى بالك بعد كده
ممكن اعرف حضرتك صلحتها ولا غيرتها؟ ومنين وظبطت معاك علي طول لأن اللي اعرفه ان العوامة وعداد البنزين متوافقين مع بعض وجبت كذا عوامة واجربهم الفول يديني ايمتي والعكس يبقي مش العوامة الصح وربنا يكرم واصلحه ان شاء اللهاقتباس:
المشاركة الأصلية كتبت بواسطة matrix012
يا زيلافي باشا هو ياريت متحطش بنزين بالبركة وتصفر عداد الرحلات اللtrip وتمشي مثلا كل 400 كيلو وتفول بنزين بالاحتياطي يعني عشان تقلل مرات دخول البنزينة كمان يعني متخليش يبقي فالتانك اقل من الربع عشان تحافظ علي طرمبة البنزين اللي بيبردها البنزيناقتباس:
المشاركة الأصلية كتبت بواسطة alzelafy
مشكورين جميعا و الاستفادة للجميع طبعا
والله يا باشا انا روحت لناس كتير كل واحد بيعمل اى حاجه وبياخد الى فيه القسمه وخلاص بس فى واحد روحتلو بالصدفه علشان اظبط عندو كهربة الاشارات وقولتلو على الموضوع ده فتح وقعد شويه انا قولت سيبو زى الناس الى قبلو لحد ما قالى جرب كده لقيت المؤشر بيطلع الحمد للهاقتباس:
المشاركة الأصلية كتبت بواسطة windsofchange
بس فى عيب صغير هوا ان المؤشر عندى مش صحيح يعنى نصف التنك فى العداد يعنى صفر بنزين ولما بفول المؤشر بيكسر الفول فى العداد من الاخر تقدر تقول انو مرحل بس احسن من مفيش