تانك الابيزا 98 كام لتر

**alzelafy** · 10-09-2011 05:41 AM

العوامه عندى بايظه و مش عارف احسب الدنيا ماشيه ازاى بحط بنزين بالبركه بفول و خلاص بس امبارح دخلت افول اخدت 55 لتر و عمرها ما عملتها معايا كانت بالكتيير اوى تاخد 25 لتر مش عارف المرة دى فتحت جامد معايا لدرجه انى افتكرت ان التانك عندى اتخرم و نزلت تحت العربيه اشوف لو فى تسريب او ان العدادات فى البنزينه بتخرف يا ريت حد يقولى هى بتاخد كام

**SYD** · 10-09-2011 08:29 AM

حضرتك التانك المفروض 45 لتر
وفي تانك احتياطي بياخد حوالي 7 لتر

اجمالي 52 لتر بالأحتياطي

تلاقي المكنة كانت بتزود عليك هوا كمان

يعني طرمبة المحطة مش مظبوطة بتطلع هوا مع البنزين وبالتالي بتعد لترات بزيادة ومع التفويلة عملت حوالي 3 لتر بزيادة

وبردو عشان ما نظلمش حد ممكن يكون الأحتياطي 10 لتر ودي تبقي معلومة جديدة
بس الي نعرفه انه 7 لتر

انتظر ردود الأعضاء لتأكيد المعلومة

والله المستعان
،
،

**ashoub** · 10-09-2011 08:30 PM

على فكره ممكن يكون حد كان مفول ابليك والعداد متصفرش وانت كملت خلى بالك بعد كده

**windofchange** · 10-09-2011 10:59 PM

المشاركة الأصلية كتبت بواسطة matrix012

المشكله ديه كانت معايا
اولا انا معايا ابيزا 94 وبردو العوامه مكانتش شغاله ومكنتش بعرف هيا فيها بنزين ولا مفيهاش
المهم مره فولت لحد الزور بتاع التانك اخدت 50 بالاحتياطى ولقيت انها بتنقط بنزين من الفايظ طبعا من يوميها وانا بقيت احط بنزين كل 300 كيلو مثلا وكمان كنت بحط لحد ما المسدس يفصل ولو المسدس بايظ ومش بيفصل بقولو حط ب 49.5 علشان اديلو 50 جنيه وده لحد ما اروح البنزينه الى انا عارف ان مسدسها بيفصل
ولحد دلوقتى وانا شغال كده رغم انى صلحت العوامه :d

ممكن اعرف حضرتك صلحتها ولا غيرتها؟ ومنين وظبطت معاك علي طول لأن اللي اعرفه ان العوامة وعداد البنزين متوافقين مع بعض وجبت كذا عوامة واجربهم الفول يديني ايمتي والعكس يبقي مش العوامة الصح وربنا يكرم واصلحه ان شاء الله

**windofchange** · 10-09-2011 11:01 PM

المشاركة الأصلية كتبت بواسطة alzelafy

العوامه عندى بايظه و مش عارف احسب الدنيا ماشيه ازاى بحط بنزين بالبركه بفول و خلاص بس امبارح دخلت افول اخدت 55 لتر و عمرها ما عملتها معايا كانت بالكتيير اوى تاخد 25 لتر مش عارف المرة دى فتحت جامد معايا لدرجه انى افتكرت ان التانك عندى اتخرم و نزلت تحت العربيه اشوف لو فى تسريب او ان العدادات فى البنزينه بتخرف يا ريت حد يقولى هى بتاخد كام

يا زيلافي باشا هو ياريت متحطش بنزين بالبركة وتصفر عداد الرحلات اللtrip وتمشي مثلا كل 400 كيلو وتفول بنزين بالاحتياطي يعني عشان تقلل مرات دخول البنزينة كمان يعني متخليش يبقي فالتانك اقل من الربع عشان تحافظ علي طرمبة البنزين اللي بيبردها البنزين

**alzelafy** · 11-09-2011 05:38 AM

مشكورين جميعا و الاستفادة للجميع طبعا

**matrix012** · 11-09-2011 10:29 AM

المشاركة الأصلية كتبت بواسطة windsofchange

ممكن اعرف حضرتك صلحتها ولا غيرتها؟ ومنين وظبطت معاك علي طول لأن اللي اعرفه ان العوامة وعداد البنزين متوافقين مع بعض وجبت كذا عوامة واجربهم الفول يديني ايمتي والعكس يبقي مش العوامة الصح وربنا يكرم واصلحه ان شاء الله

والله يا باشا انا روحت لناس كتير كل واحد بيعمل اى حاجه وبياخد الى فيه القسمه وخلاص بس فى واحد روحتلو بالصدفه علشان اظبط عندو كهربة الاشارات وقولتلو على الموضوع ده فتح وقعد شويه انا قولت سيبو زى الناس الى قبلو لحد ما قالى جرب كده لقيت المؤشر بيطلع الحمد لله
بس فى عيب صغير هوا ان المؤشر عندى مش صحيح يعنى نصف التنك فى العداد يعنى صفر بنزين ولما بفول المؤشر بيكسر الفول فى العداد من الاخر تقدر تقول انو مرحل بس احسن من مفيش