عرض للطباعة
السلام عليكم يا شباب ...
معايا بومة 2005 خليجي 1600 ..
بفكر أركبلها طقم جنوط 16 .. هل ده هيكون قاسي على العفشة بزيادة ولا مناسب ؟؟ خصوصا إن عربيتي عفشة عادية مش رياضية !!
و لو ركب هل المفروض يكون فيه أي تعديل على العفشه ولا ممكن يركب من غير أي لعب ؟؟
و هل ده ممكن يساعد في زيادة الثبات للعربية لإني بعض الأوقات بقلق من ثبات البومه .. إيه رأيكم ؟
متابع باهتمام انا بفكر اركب 16 بردو واوقات بفكر في 17 بصراحة بس انا بومة 2010 سوبر اكشن كان معايا 1600 2007 كلاسيك بس كنت مركب جنوط 15 نفس المقاس بس كانت احلى ثبات شوفتو منها عشان كدا جبت 2010 سوبر اكشن فاريت حد يفيدنا ويشرحلنا بالتفصيل لتركيب جنوط مقاسها اعلى ايه الشروط ومميزاتها واضرارها
لو انت عربيتك 1600 يعنى جنوطك اصلا 15 خد الموقع ده واكتب فى اخر الصفحة الرقم الاساسى بتاعك وتحتيه الرقم المفترض ولو 15 اعتقد لغاية 17 مفيش مشكلة بس العبرة بالمقاي اللى هاتحطه اتفضل وجرب وقوللى
http://www.miata.net/garage/tirecalc.html
بص انا ظبطلك المقاس لو 17 على اساس ان الكاوتش بتاعك 195/65/15 مش عارف اصلا كده صح والا لا وكلما اقتربت من الصفر سواء بالموجب او السالب يبقى تمام المقاس مظبوط يعنى مثلا لو طلع عندك 0.9 كوكيس لكن لو طلع 0.5 يبقى احسن بكتيير يارب تكون فهمت قصدى والمقاس ده لو مظبوط على ما اعتقد ينفع ال17 واقعد جرب لغاية ماتوصل لمقاس مظبوط وعايز اقولك ان الجنط ال17 بيبقى شكله وهم على البومة شفته قبل كده
http://www.nileup.com//uploads/image...82091a3750.png
هو الويب سايت فكرته جميله فعلا ، ألف شكر ليك بريزونر باشا ... بس ياريت لو تعرف بقى كمان كلام ناس متخصصين فهل هيكون فيه تأثير ضار على العفشة و العربية عموما ولا لأ ؟؟
و كويس إنك طمنتني يا سامح باشا إن الجنوط هتزود الثبات بتاعي شوية .. مش مهم تكون ناشفة ، و ممكن كمان أركب طقم عفشة رياضي جديد كامل لو ده هيكون مناسب أكتر مع الجنوط مقاس 16 ، و يا سلام لو ينفع 17 فعلا يبقى بجد كده مية مية ...
اولا لا شكر على واجب تحت امرك فى اى حاجة ثانيا انا قريت كتيير جدا عن الموضوع ده مش بس كده انا كنت مركب جنوط 15 على العربية ومقاسها اصلا 13 بالعفشة القديمة وقعدت بيها سنة مغيرتش والا ربط حاجة والحمد لله وبعد كده غيرت عفشة ميراح اتحسين الاداء والفرامل علشان لما بسافر وكده وعلى العموم الاحسن ان انت تقرا الموعلومات بنفسك وهتلاقى ناس متخصصة وفاهمة جدا هايدخلوا ياكدوا الكلام وحط فى بطنك بطيخة صيفى وانت جوة نايل موتورز تحياتى
تسلم جدا على السايت ده اوي بسانا عندي استفسار ومن غير تريقة عشان انا مابعرفش فيهم اوي ايهما مقاس المسؤول عن عرض العجلة والاخر عن الارتفاع عشان انا بفكر في ال هوه رفيع وعريض فانا مش فاهمها اوي
خلاص فهمتها شكرا ليكم اوي :d
بص ياسيدى 195 يعنى العرض بتاع العجلة وده يقصد بيه 19.5 سنتيميتر و65 ده الارتفاع عن الارض يعنى 6.5 سنتيميتر وطبعا 15 ده الجنط بالبوصة وكل ما بتزيد فى العرض بيزود الثبات وبيكون على حساب البروفايل اللى هوة الارتفاع والله اعلم
طيب هوه انا جربت ده لل 17 وياريت تفيدني كدة مضبوط ولا لا هاكون شاكر اكتر ليك اكتر حاجة لقيتها مضبوطة ده 225/45-17 بدل ال 15-64/195 بس هل ده موجود والنسبة طلعت -0.0 %
ثانيا اللي فهمتو من الموقع ده انه ياحفظلك على قراءة السرعة عند تغير المقاس دون وجود نسبة خطأ وان كانت اصلا موجودة في الكاوتش الاصلي
في اللي عاوزين نعرفه كمان ويكون رد علمي مقنع تأثير الزيادة في المقاس على كل من العفشة والموتور ( يشمل السحب اكيد ) وهل تاثيرات سلبية على اي حاجة ؟
بالظبط كده ما انا عملتها وبعتهالك الصور اللى عندك بتوضح ايوة كده مظبوط وجرب على 16 علشان فيه ناس رايها ان بروفايل 45 ده قليل ممكن يعملك فقاقيع فى الكاوتش بالرغم من ان فيه ناس كتيرة عاملاه وشكله وهمى على العربية بصراحةاقتباس:
المشاركة الأصلية كتبت بواسطة samooh_2003
شكلا هايكون احسن اكيد بس الاهم من الشكل بالنسبالي كمان التاثير على الموتور والعفشة والجير لو بياثر عليهم ؟
عندك حق يا سامح باشا .. أهم حاجة دلوقتي .. التأثير على العفشة و التحميل على الموتور و غيره من أي تأثير ميكانيكي على العربية.. لإن مجرد تغيير الجنط ده = زيادة وزن على الآكسات و ده ممكن يأثر سلبيا على أداء العربية و عمرها الافتراضي أجمالا .. محتاجين آراء الخبراء
انا قريت موضوع فيما معناه واللي فهمتو منو كان كاتبو marwanelbendary ان انت ممكن تزود مقاس الجنط عن المقاس الاصلي بمقدار 2 بوصة يعني لو الاصلي بتاعك 15 ممكن لحد 17 مع الاخذ في اعتبار تقليل الارتفاع الكاوتش وزي الموقع اللي حطو بريزونر الجميل ده بيعمل معادلة تحققلك تساوي انصاف الاقطار عشان قراية السرعة واللي قالو استاذ marwanelbendary ان زيادة في الجنط هاتديك زيادة في الثبات و السرعة وتماسك فرامل افضل نتيجة للثبات وزيادة الاحتكاك ممكن الفرامل حقيقة بس انا مش فاهم السرعة ده ازاي مع ان اللي كنت اعرفو ان كبر الجنط يقلل التسارع عن المعدل الاصلي الحاجة الاخيرة اللي لسة مش عارفها موضوع العفشة وحد يفهمني كبر الجنط يزيد تسارع ولا يبطأ :D مع ان كان صاحبي معاه سيراتو كوبيه وركبلها جنط لحد 20 ورجع خلاه 19 دلوقتي قالي ماعملتش حاجة وشغال بقالو سنة وشوية بيها غير مرة مساعدين خلفي بس مش عشان جنط انا بشوفو معبي العربية شنط وكل الحفر بتتاكل تقريبا :D ارجو بقة الناس اللي مجربة وخبر اكتر تفيد انشالله
205/60-16
متهيألى ده مناسب جدا للبومه بدون مشاكل
لما حضرتك تيجى تجيب الجنط لازم تراعى ان وزنه يكون اخف من الجنط الاصلى او وزن متقارب ليه مش هاياثر على اى حاجة فى العفشة فعلا هايحسن الفرامل والثبات بشكل كبير ده غير شكله الوهمى بالتوفيق
شكرا ليك بيزنور باشا بصراحة من الناس المشاركة هنا والف شكر ليك مع احترام باقي المنتدى تقريبا بدا بيات شتوي بدري السنة ده
لاشكر على واجب وتحت امرك فى اى حاجة اقدر افيدك فيها ومع احترامى ليك الحمد لله وبفضله كل معلومة كانت عن طريق الناس اللى هنا بس احيانا بيحصل كده من الشغل والظروف بيبقى غصب عنهم معلش صبرا وعذرا الناس هنا كلها واجب بصراحة الفضل فى كل معلومة كانت من هنا ماشاء الله ناس زى الفل زى حضرتك تحياتىاقتباس:
المشاركة الأصلية كتبت بواسطة samooh_2003
تسلم على ذوقك انا بهرج انا هنا من سنتين ونص بس مش النوع اللي بكتب عن حاجة ماعرفهاش مشاهد يعني في الاغلب لا لو حاجة عارفها وبصراحة فيه ناس هنا كتير في قمة الاحترام والذوق وربنا يعين الجميع