إيه رأيكم في جنط 16 للبومه ؟

**Dawns_Mist** · 10-09-2011 01:13 PM

السلام عليكم يا شباب ...

معايا بومة 2005 خليجي 1600 ..

بفكر أركبلها طقم جنوط 16 .. هل ده هيكون قاسي على العفشة بزيادة ولا مناسب ؟؟ خصوصا إن عربيتي عفشة عادية مش رياضية !!

و لو ركب هل المفروض يكون فيه أي تعديل على العفشه ولا ممكن يركب من غير أي لعب ؟؟

و هل ده ممكن يساعد في زيادة الثبات للعربية لإني بعض الأوقات بقلق من ثبات البومه .. إيه رأيكم ؟

**Samooh_2003** · 10-09-2011 02:35 PM

متابع باهتمام انا بفكر اركب 16 بردو واوقات بفكر في 17 بصراحة بس انا بومة 2010 سوبر اكشن كان معايا 1600 2007 كلاسيك بس كنت مركب جنوط 15 نفس المقاس بس كانت احلى ثبات شوفتو منها عشان كدا جبت 2010 سوبر اكشن فاريت حد يفيدنا ويشرحلنا بالتفصيل لتركيب جنوط مقاسها اعلى ايه الشروط ومميزاتها واضرارها

**prisoner** · 10-09-2011 02:58 PM

لو انت عربيتك 1600 يعنى جنوطك اصلا 15 خد الموقع ده واكتب فى اخر الصفحة الرقم الاساسى بتاعك وتحتيه الرقم المفترض ولو 15 اعتقد لغاية 17 مفيش مشكلة بس العبرة بالمقاي اللى هاتحطه اتفضل وجرب وقوللى
http://www.miata.net/garage/tirecalc.html

**prisoner** · 10-09-2011 03:05 PM

بص انا ظبطلك المقاس لو 17 على اساس ان الكاوتش بتاعك 195/65/15 مش عارف اصلا كده صح والا لا وكلما اقتربت من الصفر سواء بالموجب او السالب يبقى تمام المقاس مظبوط يعنى مثلا لو طلع عندك 0.9 كوكيس لكن لو طلع 0.5 يبقى احسن بكتيير يارب تكون فهمت قصدى والمقاس ده لو مظبوط على ما اعتقد ينفع ال17 واقعد جرب لغاية ماتوصل لمقاس مظبوط وعايز اقولك ان الجنط ال17 بيبقى شكله وهم على البومة شفته قبل كده

**Dawns_Mist** · 10-09-2011 03:14 PM

هو الويب سايت فكرته جميله فعلا ، ألف شكر ليك بريزونر باشا ... بس ياريت لو تعرف بقى كمان كلام ناس متخصصين فهل هيكون فيه تأثير ضار على العفشة و العربية عموما ولا لأ ؟؟

و كويس إنك طمنتني يا سامح باشا إن الجنوط هتزود الثبات بتاعي شوية .. مش مهم تكون ناشفة ، و ممكن كمان أركب طقم عفشة رياضي جديد كامل لو ده هيكون مناسب أكتر مع الجنوط مقاس 16 ، و يا سلام لو ينفع 17 فعلا يبقى بجد كده مية مية ...

**prisoner** · 10-09-2011 03:19 PM

اولا لا شكر على واجب تحت امرك فى اى حاجة ثانيا انا قريت كتيير جدا عن الموضوع ده مش بس كده انا كنت مركب جنوط 15 على العربية ومقاسها اصلا 13 بالعفشة القديمة وقعدت بيها سنة مغيرتش والا ربط حاجة والحمد لله وبعد كده غيرت عفشة ميراح اتحسين الاداء والفرامل علشان لما بسافر وكده وعلى العموم الاحسن ان انت تقرا الموعلومات بنفسك وهتلاقى ناس متخصصة وفاهمة جدا هايدخلوا ياكدوا الكلام وحط فى بطنك بطيخة صيفى وانت جوة نايل موتورز تحياتى

**Samooh_2003** · 10-09-2011 03:41 PM

تسلم جدا على السايت ده اوي بسانا عندي استفسار ومن غير تريقة عشان انا مابعرفش فيهم اوي ايهما مقاس المسؤول عن عرض العجلة والاخر عن الارتفاع عشان انا بفكر في ال هوه رفيع وعريض فانا مش فاهمها اوي

**Samooh_2003** · 10-09-2011 03:44 PM

خلاص فهمتها شكرا ليكم اوي :d

**prisoner** · 10-09-2011 03:46 PM

بص ياسيدى 195 يعنى العرض بتاع العجلة وده يقصد بيه 19.5 سنتيميتر و65 ده الارتفاع عن الارض يعنى 6.5 سنتيميتر وطبعا 15 ده الجنط بالبوصة وكل ما بتزيد فى العرض بيزود الثبات وبيكون على حساب البروفايل اللى هوة الارتفاع والله اعلم

**Samooh_2003** · 10-09-2011 03:51 PM

طيب هوه انا جربت ده لل 17 وياريت تفيدني كدة مضبوط ولا لا هاكون شاكر اكتر ليك اكتر حاجة لقيتها مضبوطة ده 225/45-17 بدل ال 15-64/195 بس هل ده موجود والنسبة طلعت -0.0 %

الموضوع: إيه رأيكم في جنط 16 للبومه ؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مقص العجل للبومه

صيانه 20 الف للبومه 2010

فلتر للبومه وبوجيهات

جنط للبومه

فرش للبومه 2007

الكلمات الدلالية لهذا الموضوع

المفضلات

المفضلات

ضوابط المشاركة