الموضوع: تتجوزي واحد متجوز ؟

المشاركة الأصلية كتبت بواسطة syd

ما هو لو نسيب الكتب الحمرا ونرجع للمصحف والقرآن " صالح ذكي من مسلسل الريان"

انا مش متهيألي واحد عاقل وربنا كرمه واتجوز انه يكررها تاني واي حد اتجوز تاني لآزم يتكشف علي قوة وسلامة عقله

الجواز زي عود الكبريت بيشط مرة واحدة بس وانت وبختك يا يولع يا ينط في وشك

اعقلوا يا جماعة

واتناقشوا بالراحة

انت لو خطبت واحدة وحسيت انها مش بتحبك او قابلتك وحش فمرة هتسيبها وكرامتك تنقح عليك وتقول انا لا يمكن اتجوز واحدة مش طايقاني
يبقي ليه تغصب علي واحدة تعيش معاك كرهاك او خلاص نفستها شالت منك ، ما ينفعش ما يمكن تسمك او تدبحك وتقطعك وتحطك في اكياس ،

ما الطيب احسن

وبعدين بالله عليك يا مؤمن انت بترجع من شغلك الساعة كام ؟؟ دانت مراتك بتشوفك بالعافية يعني بالكتير ساعتين منهم ساعة قاعد بتتاوب وعايز تنام

عندك انت بقي وقت تروح تخطب وتحب ويتشرطوا عليك وهات نجف وهات سجاد واجهزة وتشطيب وعفش وسفر واولاد من جديد وحمل ومتابعة وسبوع وشمع وووووووووو

اتقي الله

هي مرة

يا صابت يا خابت

والله المستعان
،
،

الزميل الفاضل:

اجعل مرجعيتك في نمط تفكيرك وتقييمك للامور الى ماقال الله وقاله الرسول صلى الله عليه وسلم

وليس للاهواء والاراء والانطباعات الشخصية

ممكن انت ظروفك ما تسمحش ......... الدين الاسلامي مبيفرضش عليك تتجوز اثنين او اكثر

لاكن غيرك ليهم الحق في التحرك زي ماهم عايزين طالما الشرع مديهم الحق ده

ولا ناوى تعمل تشريع جديد وتفرضه على المسلمين؟!

أخي الكريم...

بعيدا عن الإنفعالات...

رجاء مراجعة الأيات قبل إدراجها بالمشاركة لأن كلام الله لا يؤخذ بالمعنى أو بالشبه.

المشاركة الأصلية كتبت بواسطة syd

ولكن "أتؤمنون ببعض الكتاب وتكفرون ببعض" صدق الله العظيم

أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ۚ


وزي ما قال فأضربوهن

وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ


قال وعاملوهن بالمعروف

وَعَاشِرُوهُنَّ بِالْمَعْرُوفِ ۚ

،

وجزاكم الله خيرا...

المشاركة الأصلية كتبت بواسطة SYD

اعوذ بالله ايه الي انت بتقوله دة ؟؟؟

ليه يعني ؟؟

انا شايف الموضوع سخن اوي والناس بتتخانق مع بعض
وبعدين هو لو لم تكت معي فانت ضدي

هتستفيد ايه حضرتك لما الناس تتجوز او تطلق ؟؟ او ما تتجوز خالص ؟؟؟

انت فتحت موضوع مغلق من زمان اوي عند الستات

كنت افتحه في الأربعينيات ولا الخمسينيات

لكن في 2011 الأراء كلها ضد التعدد

وبعدين انا بقول واقع
لو انت مش عايشه يبقي انت حاجة غريبة
لكن هاتلي النهاردة موظف حكومة وبيروح الشغل وبيزوغ الساعة 12 وقاعد في البيت من 12 الظهر لحد الساعة 7 الصبح لما ينزل تاني

اعتقد حضرتك لازم تحترم اراء الغير

الموضوع مفتوح للنقاش ومن الرجالة اكثر من الستات

انا مش بغير شرع ربنا ولا هحط شرع جديد

ولكن "أتؤمنون ببعض الكتاب وتكفرون ببعض" صدق الله العظيم

زي ربنا ما قال مثني وثلاث ورباع
قال فواحدة

وزي ما قال فأضربوهن
قال وعاملوهن بالمعروف

هات حضرتك تفسير الأيات واسباب النزول ولو في ايات ناسخة او واضعة وبعد كدة تتكلم مش بتعمل زي "ولا تقربوا الصلاة"

ربنا ماقالش الزواج فرض يبقي هيحكم علينا بالتعدد
طب انا مش عايز اساسا وحتي لو كانت بالتي هي مين ابقي كفرت بشرع ربنا

اتقي الله
وربنا يسامحك علي رأيك فيا

والله المستعان
،
،

هداك الله وغفر لك

بتستخدم الايات في غير محلها... وبتستخدم ايات خاصة بوصف حال اليهود في وصف اخيك المسلم

وبعد ده كله بقيت انا الجاني والمهاجم والذي ارفع شعار "لو لم تكت معي فانت ضدي"

ربنا ماقالش الزواج فرض يبقي هيحكم علينا بالتعدد
طب انا مش عايز اساسا وحتي لو كانت بالتي هي مين ابقي كفرت بشرع ربنا

جبت منين الكلام ده؟

حضرتيك قريت المشاركة بتاعتى اصلا... انا لم اتهمك بشيء بل كلامي كان واضح انك حر في نفسك
عايز تتجوز او لا الشرع بيسمحلك........ هو حضرتك بتبتكر كلام انا مقلتهوش وبعدين تهاجمني بيه؟!!!

وده نص المشاركة:

ممكن انت ظروفك ما تسمحش ......... الدين الاسلامي مبيفرضش عليك تتجوز اثنين او اكثر

لاكن غيرك ليهم الحق في التحرك زي ماهم عايزين طالما الشرع مديهم الحق ده

واضح انك عكست الادوار

كمان هل تعبت نفسك وقريت التفسير اللى كان محطوط في اللينك (في مشاركتي السابقة في نفس الموضوع)

التوفيق بين قوله تعالى: { فإن خفتم ألا تعدلوا } وقوله: { ولن تستطيعوا أن تعدلوا } - موقع مقالات إسلام ويب

وبعدين انا بقول واقع
لو انت مش عايشه يبقي انت حاجة غريبة
لكن هاتلي النهاردة موظف حكومة وبيروح الشغل وبيزوغ الساعة 12 وقاعد في البيت من 12 الظهر لحد الساعة 7 الصبح لما ينزل تاني

حضرتك عملت مسح احصائي لموظفي الحكومة في مصر ولا ده رأى اجتهادي منك؟

بالمناسبة شكرا على الوصف "يبقي انت حاجة غريبة" ممكن اكون كائن فضائى وانا مش واخد بالى؟!

اعتقد حضرتك لازم تحترم اراء الغير

ياريت حضرتك تجرب لمدة 3 دقائق انك تبدل الادوار معايا وتخيل اني انا اللى كتبت المشاركة الطويلة دي وبوصفك فيها..... لو صدقت مع نفسك هتعرف كويس مين بيحترم الاخرين

انت فتحت موضوع مغلق من زمان اوي عند الستات

الظاهر حضرتك ماقراتش اول بوست .......... مش انا اللى فتحت الموضوع وان كنت وبوضوح أؤيد التعدد... وشكرا لصاحب الموضوع على اعطائى الفرصة لذكر رأيى

ايا يكن انا معنديش وقت اكتر (عذرا) عشان ااستفيض اكتر

وياريت اخي الفاضل انك تعتبر كلامي مجرد نصح من اخ لك ... لك ان تقبله ولك ان ترفضه

هدانا الله واياكم الى مايحب ويرضى