الموضوع: ايه رأيكم في الكولت يا جماعة

المشاركة الأصلية كتبت بواسطة prisoner

ماشاء الله عربية محترمة بمعنى الكلمة بصرف النظر ان هية متعدلة او لا عربية حلوة جدا وناعمة جدا معايا واحد قريبى عنده ب 93 الشكل القديم بصراحة عربية وهمية ووزنها حلو فى الجرى جرايا ولو كويسة مفيهاش حاجة وبس السربنتينة اللى ناقصة تبقى حكاية واتوماتيك كمان يبقى توكل على الله بس اتاكد منها كويس جدا وبالنسبة بقى لما تيجى تتعدل انا شفتلها مواتير راكبة مش مركبينها فى الكريستالة نفسها اللى هيا نفس الحوض بتاعها بالظبط توكل على الله لو هية كويسة

ألف شكر يا باشا علي ردك بس معلش كان عندي سؤال مش 1300 إتوماتك هاتبقي بطيئة جدا و مش بتاعت شد صح ولا ده في الكولت مختلف و كمان لو ركبتلها السربنتينة وشغلت التكيف هاتبقي بطة و لا انا غلطان في الكلام ده و شكرا يا باشا

المشاركة الأصلية كتبت بواسطة prisoner

لا مش بطة ولا حاجة ليه بقى ال1300 فى الكريستالة مش وحشة خالص ولسة عاملين تحدى الناس اللى راكبة 1300 بتتحدى الناس اللى عندها 1500 فيما فوق هية فعلا عربية قوية وكان معايا المكنة 1300 قبل ما اغير وكنت بشغل التكييف بس متفكرش تشد مع حد كتير وانت مشغل التكييف يستحسن متشدش اصلا لان دلوقتى بقت كل الناس بتسوق اللى بيفهم واللى مش بيفهم مع احترامى للناس جميعا بس انت جايب عربية حقا محترمة والكولت اكيد هتلاقى وزنها اخف من الكريستالة فهاتبقى حلوة ان شاء الله

ألف شكر يا باشا علي ردك و إهتمامك معلش أخر سؤال بالنسبة للسعر ايه رأيك فيه

المشاركة الأصلية كتبت بواسطة prisoner

زى الفل بس مشعارف سعر السربنتينة كام حتى يعنى لو 500 يبقى حلو لو مفيهاش شغل

ألف شكر يا باشا علي إهتمامك

معلش كان عندي سؤال تاني يا باشا بالنسبة للفتيس الإوتو لو باظ لا قدر الله سهل الاقي استيراد منه ولا لازم اغير المكنة كلها ولا ايه

لا قدر الله لو باظ يا باشا
سعره لوحده استيراد من 1000- 1200
و مش بيتغير المكنه
بس انت شكلك مقلق منها
فاكشف عليها كويس جدا
و ليه السربنيتنه ناقصه ؟