الموضوع: فكره بسيطه ( يمكن تساعد اى حد اتسرقت عربيتو )

ربنا يحفظنا جميعا يارب
ويا رب اللى عربيتو اتسرقت يلاقيها

دا توضيح ونصائح بس ياجماعه
يمكن تساعد بإذن الله

- ياريت اللى عربيتو اتسرقت يقول مواصفات مميزه(فى الموضوع المخصص الى متثب هنا فل المنتدى او فى صفحات الفيس بوك ) ( خبطه او تكحيتها او مركبلها عتب او جزء مكسور فى اكصدام او ازاز مشروخ اى حاجه مميزه بقدر الامكان حتى ولو جوا العربيه مركب فرش مميز حد كان راسملو بمسمار حاجه على الكابوت او فانوس مكسور سقف فيه نقره اى حاجه )

- ويا ريت اللى اتسرق منو نمر العربيه يحطها بردو بحيث لو اتمسكت اكيد متعلقه على عربيه مسروقه

لان اللى بيسرقو بيعملو يا (على حد علمى)

- يكونو سرقين نمر و يعلقوها بدل نمر العربيه الاصليه

- يا بيرشو العربيه فل العربيات القديمه غالبا
( بس اعتقد مش بالذكاء اللى يخليهم يسمكروها يعنى اعتقد وش لون تانى و خلاص فممكن تلاقى نفس الخبطات( تكحيتات بس لون متغير )

- طبعا يا المتداول ياخد منها الكاوتشات والنمر ووووو ويرميها فى اى طريق فاضى
( وياريت اع حد يبلغ عن اى عربيه فور انو يشوفها مثلا يعنى عربيه مركونه الصبح فى طريق سريع (مش لازم الدائرى يعنى ) و محدش واقف جنبها او حد واقف جنبها بس شكلو مريب

(مثلا اعرف عربيه اتوجدت من لون حوض الموتور (بعد اما اتشك فى اللى راكبها )
رشها من برا بس زى ما هى بتكحيتاتها ) )

- يعنى بردو اللى يشوف عربيه مركونه او ماشيه فى حته معينه و لون الدواخل غير الخوارج و خصوصا العربيات الجديده بردو يبلغ ( او مثلا خبطه جامده شويا و البويه نضيفه )
- واى حد يشك فى اى عربيه يقول بردو
يعنى شاف مثلا واحد زي سواقين الميكروباص( واخدلو غرز فى وشو ) راكب عربيه سيراتو ( يقول شافها فين )

- ونقطه للى اتسرق او متسرقش
اى حد يعرف ورشه دهان او صاحب ورشه او اى علاقه بدهان العربيات يحاول ينشر فكره ان قبل ما اى عربيه تترش
يشوف بطاقه اللى سايقها و رخصه العربيه
ويتاكد من الملكيه


بالنسبه للتدوير واكتر حل يكون فعال بإذن الله( راى مش اكتر )

انا شايف انو لازم موقع على النت مخصص زى كونتاكت كارز كده يكون نفس نظام كونتاكت كارز بالملى
يعنى بدل قسم المستعمل و قسم الزيرو
يكون قسم للمسروقات( وفيه بحث بالموديل و و )
و قسم للعربيات اللى اتوجدت او مشكوك فيها ( يعنى ينفع تعمل بحث بالموديل والنوع و و )
ويكون ينفع تحط صور و و

بدل متشوف مليون عربيه
لاأ
انت تدور سواء على عربيه اتسرقت او لاقيتها ببحث بسيط
و الموقع دا هيتشهر بإذن الله ( بس لازم يكون منظم زى كونتاكت كارز )

ومن الكلام دا بناشد اداره المنتدى او اى حد بيفم فى موضوع المواقع و خلافو
انو يحاول يعمل الموضوع دا ( يعنى ممكن جزء من منتدى نيل موتورز يخصص لكده و يكون فيه بحث ومش لازم اعضاء مسجلين و هكذا يعنى يكون فيه كل التسهيلات لوضع المعلومات )

لكن مش فى صوره منتدى او موضوع مثبت
يعنى بالظبط زى كونتاكت كارز
وانا اضمن لأى حد مع دعايا كويسه للموقع يكسب منو كمان و يحط اعلانات لشركات تأمين و شركات سيارات و بيبسى و فودافون ( و هيكسب وهيتشهر ) على الاقل من كتره الناس اللى اتسرقت (الموضوع زايد عن حدو )

لان الموضوع بقا صعب جدا يعنى صفحه على الفيس مليانه حاجات متلخبطه و لازم تقرا تلتميت صفحه عشان تشوف كل العربيات و صفحه مش عارف فين و صفحه فين ( انا مش اقصد لا اهانه او تخبيط فل المنتديات بس بالظبط كده زى الموقع دا مثلا نايل موتورز متخصص عربيات سهل جدا تجيب اى معلومات فى اى حاجه تخص العربيات عشان كده هو احسن منتدى )
فاما يتعمل حاجه متخصصه للسرقات بس و تكتسب شهره
اللى اتسرق هايخد اكبر قدر من الاستفاده من الاستعانه بالنت

طبعا لو اداره المرور عملت الموضوع دا بدل شهاده المخالفات( واعرف مخالفاتك على النت) مثلا
تعمل الموقع دا و يكون فيه قسم خاص بالشكاوى و طلب البحث عن السيارات و و و و وتبدأ بحث جدى عن كل المسروق وفى نفس الوقت تحط العربيات اللى اتوجدت (لان اعتقد عربيات كتير اتوجدت فى امكان بعيده ومن غير نمر مثلا فا صعب تعرف صاحبها )
ف اى حد ضابط او مسؤل او يقدر يوصل الفكره دى يا ريت يساعد الناس

انا كاتب الكلام دا كلو كا رايي و عايز بجد اساعد كل الناس اللى اتسرقت لان فعلا متضايق جدا من الوضع دا
فالى يفهم الكلام وبطريقه او بأخرى او الكلام دا خلاه يفكر فى حاجه تفيد الناس ياريت ميبخلش ويفيد

ان شاء الله يارب اى حد اتسرق يلاقى عربيته و ربنا يعوضو عنها خير ان شاء الله

واللى سرقها يتعاقب اشد العقاب
و ادعو ربنا يهدى الحرامىه و يتوبو
او يموتو و ربنا يكفينا شرهم

( ملحوظه يا ريت محدش يحط عربيتو هنا و يقول عليها لان فيه موضوع مخصص ومثبت لكده )