الموضوع نام كده ليه عايزين الموضوع ده مرجع كل اللي يعرف حد مايبخلش
عرض للطباعة
الموضوع نام كده ليه عايزين الموضوع ده مرجع كل اللي يعرف حد مايبخلش
يا ريت لو فى حد فى اسكندرية يقول الاماكن يا رجالة
بصراحة ال اتعاملت معاه واستريحتله هو المهندس صلاح في المطرية استاذ فعلا
اسعاره اقل شوية من التوكيل بس مش رخيص اوي برضه لكن خبرة ومعتمد من التوكيل
بصراحة انامقدرتش انزل عن الاوروبي
و كان عندي ستروين ودلوقتي لسه شاري 307----وكمان الحمدلله ربنا وفقني في عربيه حلوه برغم انها غالية شويه بس محتاجه شغل صيانة بس.....يعني البيجو من الاخر
المهندس صلاح عنوانه : 1 شارع اللواء حسن مرسي النجار متفرع من شارع المطرية ناصية المطافئ ( بين ميدان السواح وميدان المطرية )
تليفونه : 22827567
فكرة الموضوع هايلة يا باشا ... ممكن لو تقدر توصفلي أروح لفريد شوقي ده إزاي من شارع ذكر حسين من عند مسجد السلام ؟ اللي أعرفه إني لو كملت فيه على طول بوصل الحي العاشر بس معرفش حاجة أكتر من كده ... و هو بيبقى زحمة ولا فاضي ؟
و لو تعرف مثلا بيغير بيكات الكربيراتير بكام ؟ و ظبط التاكيهات أو الكهربة أو التقسيمة يتكلف كام مثلا ؟ عشان أنا محتاج اظبط الموتور لإنه بيخرف و بياكل بنزين قوي 100 كيلو في الصفحة والعربية سحبها ضعيف و بتهبب البوجيهات على طول
انا والله مش هعرف اوصفلك بس هحاول ارفع صورة خريطة عمتا لو انتا تعرف سوق السيارات هو عند سوق السيارات لو وصلت هناك اسأل بس عن بنزينة كار جاز وطبعا يوم الجمعة الطريق زحمة جدااااا عشان السوق والحد طبعا قافل بالنسبة للاسعار انا مش عارف الحاجات اللي عندك تتكلف كام بس هو اسعاره مش غالية يعني ان شاء الله مش هتتكلف كتير.