سعر وش الفانوس الخلفي للبومة؟؟؟

**A7medHeaders** · 11-09-2011 01:21 AM

السلام عليكم ورحمة الله وبركاته,,,
كنت عايز أعرف سعر وش الفانوس الخلفي للبومة (الأصلي وغير الأصلي) ..
واحد كان قاللي انه بـ 45 جنية بس لونه بيغير بعدها بفترة قليلة .. فيا ريت لو حد عارف أسعاره ايه وبتتباع فين يفيدني .. أنا من الزقازيق بالمناسبة .. وربنا يجزيكم كل خير..

**IronHead** · 11-09-2011 10:00 AM

يا ريس وش الفانوس ده اسوء اختراع عملوه, مفيش كام شهر وتلاقى لونه اتغير وبقى شاكله جنب الاصلى الى فالناحية التانية عرة, لو مش عايز تدفع فلوس كتير شوف فانوس كامل تايوانى هيهمل فى حدود 200 جنيه ولونه هيغير برده بس بعد فترة طويلة ومش هيغيير اوى زى الش لوحدو, وطبعا احسن حاجة تسوف فانوس اصلى استيراد لان فعلان الاصلى ثمنه فيه

**hamada_amg** · 11-09-2011 12:41 PM

بص ياباشا وش الفانوس للبومه بالزات بيغير بعد شهر و يمكن اقل جدا نصيحه ليك
هات فانوس تايوانى نوعه ديبو جميل جدا و شبه الاصلى و محدش بيعرف يفرقه عن الاصلى للعلم

و تمنه الخلفى منه 175 هو بس بيكون الاضاءه بتاعته افتح من الاصلى عشان كده شيل اللمض بتاعته و ركب لمض الفانوس الاصلى المخلوع و لو قدر الله و اتكسر مش هتزعل عليه لانه برده متين و مش سهل الكسر

و لونه مش بيغير بقاله معايا حتى الان اكثر من 3 شهور