الموضوع: أسئلة عن دايو سبيرو

المشاركة الأصلية كتبت بواسطة mazens

السلام عليكم جميعا

اخوكم من قسم الأوبل وعايز استشير خبراء الدايو فى كام حاجه كده

انا فيه واحد صاحبى معاه دايو سبيرو 1500 سى سى كاملة اتوماتيك موديل 95

1. ايه الحساسات الموجودة فى العربية دى ومكانها فين فى العربية ؟
2. بالأخص مكان حساس الأيديال والتى بى اس ؟

وفيها مشكله غريبة وهو ان العربية لما بتكون سخنه ويدورها وينقل عصاية الفتيس على الدى أو الار تبطل ؟

وفى الغالب هتكون مشكله ايديال او تى بى اس عايز يتنضف بس موش عارف مكانهم فين شكل الموتور مختلف وزحمة


ويا ريت لو فيه صور للماتور والحساسات

واسف على تعبكم معايا

دى صورة الموتور 1500 سىسى



بالنسبة للحساسات بتكون على البوابة بتاعة العربية

اللى راكبة على المنافولد و من الجانب الآخر واصلة لفلتر الهوا عن طريق الخرطوم الأسود

و فيه نوعين من البوابات فى الاسبيرو اللى فى الصورة دى

و اللى خراطيم المياة الساخنة بتكون فوق

و فيها بلف الايدل بيكون تحت الخرطوم اللى ناحية صدر االعربية أو ناحية سلك الاكسلريتور

أما النوع التانى يتلاقى الخراطيم من تحت و بتلاقى البلف ظاهر من فوق فى نفس الاتجاه

و حضرتك بتفك خرطوم الهوا و تفك البلف (الايدل) بمفك نجمة و تطلعه برة و ترش علية WD40

لغاية ما ينضف و كمان الفيش بتاعته

أما بالنسبة لل TPS و MAP مش بيتنضفوا
بس ممكن تنظف الفيش بتاعتهم

و أى إستفسار تحت أمرك