قرار شراء اكسيل

**wafer** · 13-09-2011 03:40 AM

المشاركة الأصلية كتبت بواسطة lion_heart

و تحت امرك فى اى استفسار

بجد انت مفيش بعد كدة يا مستر قلب الاسد
انا بجد متشكر ليك جدا و انت جبت من الاخر و هاخد بكل الكلام دة ان شاء الله
بس انا في حتة مفهمتهاش اما قلت الميكانيكي يظبط العربية على نوع البنزين اللي هاحطة انا مش فاهم دي يعني قبل ماحط 90 لازم يكون الميكانيكي مظبطها على كدة واللا اية

**wafer** · 13-09-2011 03:47 AM

المشاركة الأصلية كتبت بواسطة al_manara

الاكسيل اعطالها قليلة جدا جدا . عربية مريحة وناعمة (مش مريحة مع المسافات الطويلة)صالونها حجمة حلو جدا والشنطة بتاعتها حلوة . تكيفها حلو لاكن مش تلاجة .
قطع غيار اصلي واستيراد في كل مكان . سهولة الصيانة . وفيها مميزات كتير تانية
بالنسبة للثبات زفت (رايي الخاص ودة مثلا لو جربت هوندا ) وعشان تكون العربية حلوة معاك علي سرعات ركب كاوتش وجنط عريض هايفرق كتير اوي .
استخدام البنزين انا بفضل 92 . والاستهلاك حسب الطريق (من 180 الي 240 كيلو )

وانت بتشتريها خلي بالك اوي من الركب الي تحت ومن فوق ناحية المساعدين . تحت احتمال كبير جدا تلاقيهم ملحومين . المهم من فوق مايكونش فيهم لحام . ومايكونش اللحام من تحت في الشاسية .

طبعا اهم حاجة كمان حالة العربية . اوعا تجيب عربية حالتها وحشة . وربنا يوفقك ان شاء الله

هوا بلنسبة لموضوع الركب دة انا طبعا مفهمش فية بس هوا حاجة خطر اوي كدة يعني و لو العربية لحمة ركب من فوق دي مخدهاش خالص ؟؟؟
بالنسبة لاني اخلي بالي من حالة العربية فالموضوع دة سايبة على الله انا طبعا هكشف و كدة بس الناس خلاص اصلا مبقاش عندها ضمير
انا بحاول ادور على العربية بس تكون تبع حد نعرفة او واحد صاحب حد و الكلام دة عشان يقولي حالتها بامانة لاني بخاف من التجار .. و ربنا يستر .

**wafer** · 13-09-2011 03:49 AM

المشاركة الأصلية كتبت بواسطة lion_heart

عفوا يا فندم
الاكسيل لعلم حضرتك موتورها هوه هواه موتور اللانسر عيون صفية و الاكسيل كانت اخر عربية تحت اشراف ميتسوبيشى و بعد كده هيونداى اعتمدت على نفسها فى التكنولوجيا و كانت اول عربية هى الاكسنت و اكيد الموتور فيها افضل من الاكسنت
الاكسيل اوسع و ممكن تجرب ده وتحس فيها بالراحة
العفشة لو حضرتك جبت المساعدين المونرو ليها هتبقى حاجة تانية

بالنسبة للشكل دى اذواق

و الاهم ثم الاهم ثم الاهم حاااااااااااااااااااااااا ااااااااااالة العربية

و فى الاول و الاخر ياريت صاحب الموضوع يعمل استخارة
و ان شاء الله ربنا يرزقه بالاحسن

ان شاء الله هصلي استخار و ربنا يقدم اللي فية الخير ..
و مستني برضو اشوف حد يكون معاه واحدة او بيفهم فيهم يبقى يجي معايا وانا بشتري

**Lion_Heart** · 13-09-2011 06:23 AM

المشاركة الأصلية كتبت بواسطة wafer

بجد انت مفيش بعد كدة يا مستر قلب الاسد
انا بجد متشكر ليك جدا و انت جبت من الاخر و هاخد بكل الكلام دة ان شاء الله
بس انا في حتة مفهمتهاش اما قلت الميكانيكي يظبط العربية على نوع البنزين اللي هاحطة انا مش فاهم دي يعني قبل ماحط 90 لازم يكون الميكانيكي مظبطها على كدة واللا اية

الشكر لله
حكاية البنزين بتتلخص ان الميكانيكى بيوطى كهربة العربية لو هتشتغل على 80 و العكس لو على 90 او 92 و ده عشان الموتور ميسقفش (كركرة) (و موضوع التسقيف ده مضر للموتور) و انته ماشى بالعربية

**beshomilan** · 14-09-2011 12:07 AM

حضرتك شوف كده الموضوع ده
http://www.nilemotors.net/Nile/200679-96.html

**beshomilan** · 14-09-2011 12:16 AM

وياريت تحدد بردو الامكانيات بتاعتك يعني لو 35 الف ممكن تفكر ف الاكسنت احسن كتير من الاكسل في كل حاجه سواء تكيف او عشفه او موتور والشكل

اتفق معك تماما وانا معايا الاكسيل وبقول الاكسنت افضل اكيد

ثبات العربية مش كويس بعد ال 120 كم

انا جبت بيها 150 وكانت كويسة بس مش ممتازة وللعلم عربيتى بدون جنوط

انا كمان استغربت من الكلام عن ان الاكسنت -الموديل القديم اقوى من الاكسل- لانى ركبت الاتنين وحسيت ان الاكسنت ورق- وهى فعلا اختفت من السوق ولحقوا نفسهم بالالنترا والماتركس ومعاهم القيرنا- اللى مش مقتنع بيها ابدا - لكن الاكسل فعلا كان فيها لمسه يابانى وتحس ان العربيه زلطه فكرتنى بالريجاتا

الاكسنت ورق؟؟؟امال الاكسيل ايه؟؟ :)
انا من ملاك الاكسيل وعايز ابيعها عشان هى كلينكس معاد تصنيعه وعربيتى فابريقة كلها مش رشة غير رفرف واحد بس..حضرتك دور كده فى النت وهتعرف ان الاكسيل اسوء عربية فى تاريخ هيونداى من حيث البودى والصاج وتقييم صاجها 3 من 10 فى اختبارات التصادم الاوروبيه بينما الفيرنا بتتخطى ال 6 من 10
ولو حضرتك شايف ان الاكسنت اختفت دى وجهة نظر خاصة بحضرتك
ولو حضرتك الاكسيل بتفكرك بالريجاتا فأكيد مش فى الصاج خالص لان الفرق شاسع
الاكسيل افضل عربية اعتمادية جدا جدا انما الصاج لو ريحت بأيدك هيدخل لجوه وترده من جوه بأيدك زى منا بعمل فعربيتى

**samcar** · 14-09-2011 12:37 AM

المشاركة الأصلية كتبت بواسطة beshomilan

اتفق معك تماما وانا معايا الاكسيل وبقول الاكسنت افضل اكيد

انا جبت بيها 150 وكانت كويسة بس مش ممتازة وللعلم عربيتى بدون جنوط

الاكسنت ورق؟؟؟امال الاكسيل ايه؟؟ :)
انا من ملاك الاكسيل وعايز ابيعها عشان هى كلينكس معاد تصنيعه وعربيتى فابريقة كلها مش رشة غير رفرف واحد بس..حضرتك دور كده فى النت وهتعرف ان الاكسيل اسوء عربية فى تاريخ هيونداى من حيث البودى والصاج وتقييم صاجها 3 من 10 فى اختبارات التصادم الاوروبيه بينما الفيرنا بتتخطى ال 6 من 10
ولو حضرتك شايف ان الاكسنت اختفت دى وجهة نظر خاصة بحضرتك
ولو حضرتك الاكسيل بتفكرك بالريجاتا فأكيد مش فى الصاج خالص لان الفرق شاسع
الاكسيل افضل عربية اعتمادية جدا جدا انما الصاج لو ريحت بأيدك هيدخل لجوه وترده من جوه بأيدك زى منا بعمل فعربيتى

انا الاكسيل اللى باتكلم عنها موديل 98 كورى - والصاج معقول جدا مقارنه بالاكسنت القديمه - ما عرفش لو فى اكسيال مصرى حال الصاج ايه- طبعا صاج اى عربيه قديمه اقوى من الجديد المقارنه مع الريجاتا فى انها موتور جيد ونعومه معقوله - الريجاتا كنت اقول دايما ان موتورها ممكن يفرتكها- نفس الكلام حسيته فى الاكسل- لكن اللى مش ممكن اقول انها اعتماديه هى الاكسنت القديمه كنا بنبقى اتنين - اوزان ماشاء الله فى العربيه وبعد ال 90 كنا بنحس ان العربيه - كانت زيرو- كنا بنحس انها حتقلب بينا
ممكن يكون تكيفها احسن من الاكسل- لكن فى المجمل - عربيه تعبانه- وممكن حضرتك تقف نص ساعه فى شارع وتعد العربيات الاكسنت والاكسل اللى حتمر - الاكسنت القديم تقريبا اختفت-

انا حاسس ان مشاكل عربيتك هى اللى كرهتك فى الموديل- اعتقد لو وضبتها شويه حتكتشف انها عربيه جيده

**modo88** · 14-09-2011 04:22 AM

المشاركة الأصلية كتبت بواسطة beshomilan

اتفق معك تماما وانا معايا الاكسيل وبقول الاكسنت افضل اكيد

انا جبت بيها 150 وكانت كويسة بس مش ممتازة وللعلم عربيتى بدون جنوط

الاكسنت ورق؟؟؟امال الاكسيل ايه؟؟ :)
انا من ملاك الاكسيل وعايز ابيعها عشان هى كلينكس معاد تصنيعه وعربيتى فابريقة كلها مش رشة غير رفرف واحد بس..حضرتك دور كده فى النت وهتعرف ان الاكسيل اسوء عربية فى تاريخ هيونداى من حيث البودى والصاج وتقييم صاجها 3 من 10 فى اختبارات التصادم الاوروبيه بينما الفيرنا بتتخطى ال 6 من 10
ولو حضرتك شايف ان الاكسنت اختفت دى وجهة نظر خاصة بحضرتك
ولو حضرتك الاكسيل بتفكرك بالريجاتا فأكيد مش فى الصاج خالص لان الفرق شاسع
الاكسيل افضل عربية اعتمادية جدا جدا انما الصاج لو ريحت بأيدك هيدخل لجوه وترده من جوه بأيدك زى منا بعمل فعربيتى

طبعا ياباشا من غير كلام الاكسنت احدث وانعم واحسن كتير
وكدا انت امين وعندك امانه لانك من ملاك الاكسيل ومتحيزتش ليها زي كتير من الاعضاء اللي ممكن تضلل اي حد عايز يشتري لمجرد انه مقتنع بعربيته

المشاركة الأصلية كتبت بواسطة samcar

انا الاكسيل اللى باتكلم عنها موديل 98 كورى - والصاج معقول جدا مقارنه بالاكسنت القديمه - ما عرفش لو فى اكسيال مصرى حال الصاج ايه- طبعا صاج اى عربيه قديمه اقوى من الجديد المقارنه مع الريجاتا فى انها موتور جيد ونعومه معقوله - الريجاتا كنت اقول دايما ان موتورها ممكن يفرتكها- نفس الكلام حسيته فى الاكسل- لكن اللى مش ممكن اقول انها اعتماديه هى الاكسنت القديمه كنا بنبقى اتنين - اوزان ماشاء الله فى العربيه وبعد ال 90 كنا بنحس ان العربيه - كانت زيرو- كنا بنحس انها حتقلب بينا
ممكن يكون تكيفها احسن من الاكسل- لكن فى المجمل - عربيه تعبانه- وممكن حضرتك تقف نص ساعه فى شارع وتعد العربيات الاكسنت والاكسل اللى حتمر - الاكسنت القديم تقريبا اختفت-

انا حاسس ان مشاكل عربيتك هى اللى كرهتك فى الموديل- اعتقد لو وضبتها شويه حتكتشف انها عربيه جيده

اولا لو موتور الاكسيل لانسر عيون صفيه فاللعلم الاكسنت والاكسل كانو التكنولوجيا بتاعتهم ياباني من شركة ميتشوبيشي ومتور الاكسنت قريب جدا من الانسر البطه
ثانيا اي عربيه ف الدنيا ركبت فيها حد ورا لازم بتهبط ودا موجود حتي في موديلات السنه
ثالثا عربيه مش تعبانه ولا حاجه بالعكس تقارن بلانوس اللي من نفس فئتها
رابعا نقطة الوقوف ف الشارع دي بجد مضحكه جداا بص ياريس الاكسيل ظهرت كام سنه؟ تقريبا من 94 ل 98 يعني اربع سنين بس تفتكر اختفت ليه ومعدتش نزل امتداد لاسمها؟بمعني يكون فيه اكسيل موديلات احدث واشكال تانيه؟
الاكسنت ظهرت 98 وقعدت لغااااااايه 2006 يعني قعدت 8 سنين مع ان الفيرنا ظهرت 2004 بس فضلت الاكسنت بينتجوها لغايه 2006 مع الفيرنا ودا لنجاحها
ولو الاكسنت مش اعتماديه زي مابتقول وصاج ورق ومناسبه الوقوف ف الشارع
تفتكر بقا عدد التكسيات الاكتر الاكسنت ولا اكسيل؟
ونقطه كمان دي بكام ودي بكام اصلا؟
الاكسيل كنولوجيا قديمه كلها كربيايتر بعكس الاكسنت ال 1500 انجكشن
الاكسيل علي واير دبرياج عكس الاكسنت دبرياج زيت
ياريت ياجماعه يبقا فيه امانه لما حد يسال ويتقال المعلومه بجد عشان محدش تفكيره يشتت
احنا هنا عشان نساعد اخوتنا للصح مش عشان نتحيز لعربيتنا وننصح الكل بيها
سلامي للجميع

**Lion_Heart** · 14-09-2011 03:42 PM

المشاركة الأصلية كتبت بواسطة modo88

طبعا ياباشا من غير كلام الاكسنت احدث وانعم واحسن كتير
وكدا انت امين وعندك امانه لانك من ملاك الاكسيل ومتحيزتش ليها زي كتير من الاعضاء اللي ممكن تضلل اي حد عايز يشتري لمجرد انه مقتنع بعربيته

دى امانة و كل واحد له وجه نظر و المطلوب هو نقلها بموضوعية للافادة
مش مجرد كلام و سفسطة

اولا لو موتور الاكسيل لانسر عيون صفيه فاللعلم الاكسنت والاكسل كانو التكنولوجيا بتاعتهم ياباني من شركة ميتشوبيشي ومتور الاكسنت قريب جدا من الانسر البطه

عفوا اكسل كانت اخر عربية بتكنولوجيا و اشراف ميتسوبيشى
و ده سهل تتاكد منه و على فكرة فى حاجة مالكى الاكسل يعرفوها ان لو لاقدر الله حصل حاجة فى الفتيس بيتغير على طول بفتيس لانسر عيون صفية او كولت
اى قطعه غيار زى الكبالن او خلافه موجود منها اليابانى كمان اللى هو بتاع لانسر
بصراحة معرفش اذا كان الاكسنت كده و لا لا

ثانيا اي عربيه ف الدنيا ركبت فيها حد ورا لازم بتهبط ودا موجود حتي في موديلات السنه
ثالثا عربيه مش تعبانه ولا حاجه بالعكس تقارن بلانوس اللي من نفس فئتها

رابعا نقطة الوقوف ف الشارع دي بجد مضحكه جداا بص ياريس الاكسيل ظهرت كام سنه؟ تقريبا من 94 ل 98 يعني اربع سنين بس تفتكر اختفت ليه ومعدتش نزل امتداد لاسمها؟بمعني يكون فيه اكسيل موديلات احدث واشكال تانيه؟

على فكرة الاكسيل من 91 ل 98 مش من 94

الاكسنت ظهرت 98 وقعدت لغااااااايه 2006 يعني قعدت 8 سنين مع ان الفيرنا ظهرت 2004 بس فضلت الاكسنت بينتجوها لغايه 2006 مع الفيرنا ودا لنجاحها

العملية دى ليها حسابات تانية طالما فى اقبال بيسيب المنتج على الرغم من توقفه فى كوريا
زى الاكسيل توقفها فى كوريا لحد 95 و لكن ما بعد ذلك مصرى
و كمان فى الخارج الفيرنا اسمها كان اكسنت
و الحركة دى لسة بتتعمل فى دول افريقية و بعض دول امريكا اللاتينية فملزالوا بينتجوا البيجو 504 و البيتلز

ولو الاكسنت مش اعتماديه زي مابتقول وصاج ورق ومناسبه الوقوف ف الشارع

صاج العربيتين و العربيات الحديثة ورق

تفتكر بقا عدد التكسيات الاكتر الاكسنت ولا اكسيل؟

ممكن دى نقطة تتاخد للاكسيل ان اصحابها ما بيفرطوش فيها و يبيعوها انها تاكسى
خاصة ان فى الوقت ده تيسير فكرة القروض و احلال تاكسى العاصمة كان بيساعد على كده فاكيد اللى كان بيعمل قرض او يشترى هيشترى زيرو مش مستعمل

ونقطه كمان دي بكام ودي بكام اصلا؟

يعنى ايه ؟؟؟؟؟؟؟؟
دى بقالها كام سنة و دى بقالها كام سنة
يعنى عاوز تساوى انتاج 2005 ب انتاج 97 مثلا ؟؟؟!!!
لكن اما الاتنين يكونوا قريبين من بعض فى السعر دى معناها ايه ؟؟؟؟؟

الاكسيل تكنولوجيا قديمه كلها كربيايتر بعكس الاكسنت ال 1500 انجكشن

على فكرة فى اكسل انجكشن كمان مش كربيراتير بس
و الاكسنت ال 1300 كلها كربيراتير حتى لو 2006
و التكنولوجيا القديمة دى فيها اكبر ميزتين
تستعمل بنزين 80 بدون قلق و كمان اى ميكانيكى يشتغل فيها
مش محتاجة كشف بالكمبيوتر او سكانر او حساسات مش عارف ايه

الاكسيل علي واير دبرياج عكس الاكسنت دبرياج زيت

فى عربيات احدث من الاكسنت و دبرياج واير !!!

ياريت ياجماعه يبقا فيه امانه لما حد يسال ويتقال المعلومه بجد عشان محدش تفكيره يشتت
احنا هنا عشان نساعد اخوتنا للصح مش عشان نتحيز لعربيتنا وننصح الكل بيها
سلامي للجميع

يارييييييييييييييييييت

فى الاول و الاخر دى راحة نفسية للى هيركب العربية و حساباته و طلباته فى العربية من وسع وراحة ز توفر قطع الغيار و صيانة و بنزين
و ياريت تجرب كل عربية قبل ماتشتريها عشان تحس سواء بالراحة او النعومية عند الركوب
و زى ما قلت قبل كده اهم شىء حاااااااااااااااالة العربية و ماتستعجلش فى الشراء
وفقك الله لما فيه الخير

**samcar** · 16-09-2011 04:53 AM

على فكره الكاربيرتير- فى الايام دى ميزه- ولاحظت ان فى ناس طالبه اكسيل بالذات علشان الحكايه دى - زى اللى بيطلبوا لانوس علشان فيشة الاوكتان - السر طبعا بنزين 80 - انا مستغرب الناس اتعصبت ليه كل واحد لعربيه- انا قلت راى من واقع تجربه - للعربيتين- وتجربه شراء- واراء صنيعيه- هم اللى نصحونى بالاكسل- رغم انهم شغالين فى العربيتين- وبصراحه- اشتريت الاكسيل - عربيه تانيه للمشاوير التعبانه والطرق المكسره- ولوفر البنزين- الاكسنت - ركبتها زيرو سنه 99 وب ا صراحه انا وصاحبها- كنا قرفانين منها جدا - واول ما المشروع اللى كنا جيبنها على ميزانيته ما خلص- بعناها بخساره حوالى 18الف وماكانتش كملت 60 الف كيلو - جايز يكون نزل موديل احدث بعد كده منها - لكن دى كانت كارثه