عندي مشكلة و سؤال

**hamido46** · 11-09-2011 07:34 PM

بقالي فترة كدة حاسس العربية مش مظبوطة لما أكون واقف مش ماشي أحس أكنها بترعش بس طبعاً أنا بس البحس بيها و بتزيد مع التكيف بردو و هي وقفة .........السؤال بقى أنا ان شاء لله هغير تيل فه هل الأصلي أحسن من الجولد و لا مش فرقة،و هغير زيت فرامل كمان المفروض كم لتر تاخد ؟؟؟؟

**semsem_saad** · 11-09-2011 09:22 PM

المشاركة الأصلية كتبت بواسطة hamido46

بقالي فترة كدة حاسس العربية مش مظبوطة لما أكون واقف مش ماشي أحس أكنها بترعش بس طبعاً أنا بس البحس بيها و بتزيد مع التكيف بردو و هي وقفة .........السؤال بقى أنا انشالله هغير تيل فه هل الأصلي أحسن من الجولد و لا مش فرقة،و هغير زيت فرامل كمان المفروض كم لتر تاخد ؟؟؟؟

أولاً برجلة العربية على السلانسيه ليها كذا سبب ويايرت تبداء بالأسهل والأرخص غير فلتر بنزين....وبعدين
1- البوجيهات وسلوك البوجيهات ودة مش هيكلفك كتير شوف السلوك لو مشققة
2- نظافة البوابة وحساس الأيدل كنترول
ولو مافيش نتيجة عادتا بتكون المشكلة من حساس الأيدل كنترول نفسة فية مشكلة
او أخيرا الرشاشات ....بتلك وعايزة تتغير وده بيبان معاك فى الدواره الصبح وإستهلاك البنزين
وده أكتر هيبان لو حطيت العربية على اسكانر

ثانيا: تيل الفرامل الأصلى طبعا احسن حاجة ...بس لو مافيش إمكانية يبقى التيل الجولد نوع ممتاز زمجرب من فترة ورخيص

**hamido46** · 11-09-2011 10:10 PM

المشاركة الأصلية كتبت بواسطة semsem_saad

أولاً برجلة العربية على السلانسيه ليها كذا سبب ويايرت تبداء بالأسهل والأرخص غير فلتر بنزين....وبعدين
1- البوجيهات وسلوك البوجيهات ودة مش هيكلفك كتير شوف السلوك لو مشققة
2- نظافة البوابة وحساس الأيدل كنترول
ولو مافيش نتيجة عادتا بتكون المشكلة من حساس الأيدل كنترول نفسة فية مشكلة
او أخيرا الرشاشات ....بتلك وعايزة تتغير وده بيبان معاك فى الدواره الصبح وإستهلاك البنزين
وده أكتر هيبان لو حطيت العربية على اسكانر

ثانيا: تيل الفرامل الأصلى طبعا احسن حاجة ...بس لو مافيش إمكانية يبقى التيل الجولد نوع ممتاز زمجرب من فترة ورخيص

لسة عملها صيانة كبيرة من 12 ألف كلو كل حاجة الهي بتبئة موجودة فيه جدول الصيانة اتغيرت فه و الموضوع دة كان موجود بردو أبل الصيانة و الحمدالله هي كويسة فيه فالبنزين جوا البلد بالتكيف بتعمل 12 لتر له كل 100 كلو أنا مندفتش ولا بوابة و لأيدل كنترول انشالله هبقى أندفهم
أنا الحمدالله ميزانية موجودة بس هل فعلن فيه فرء حلو و ولا حاولي 10٪ هو دة أصدي
و شكراً له رد حضرتك

**semsem_saad** · 12-09-2011 01:17 AM

حاول فى أرقب وقت تنظف الأيدل كنترول والبوابة وشوف كدة ....
بالنسبة لتيل الفرامل أنت مش هتحس بقرق كبير بين التيل الأصلى الجى أم والجولد... الأحساس مش ملموس خالص...القصة كلها بتبقى فى العمر الأفتراضى والمحافظة على الطنابير على المدى الطويل ...وبس
بس عموما التيل الجولد ممتاز هاتة وتوكل على الله لاننا كمان بنهلك التيل دة بسرعة من الطرق بتاعتنا ...

**newcar2011** · 12-09-2011 01:43 AM

هات الاصلى بيفرق كتيررررررررررررررررررر خاصه لو انته بتجرى الجولد بوظ ليا طنابير قبل كدة ومن يومها شغال بالاصلى زى الفل

**elpasha1** · 12-09-2011 02:05 AM

نظف البوابة
وبالنسبة للتيل فى نوع اسمة high q ممتاز

**newcar2011** · 12-09-2011 02:22 AM

التيل الاصلى بيقعد معايا سنه المقلد ثلاث او اربع شهور انا يوميا من 100 الى 300 كيلو مشى

**tarek_2005** · 12-09-2011 12:52 PM

الاصلي بيحافظ علي الطنابير الجولد اليومين دول لاحظت انه ناشف شوية وعن نفسي لقيت نوع صيني واخد شهادة ايزو 9001 و 9002 جبته ممتاز بس بدات اسمع ليه صوت خفيف مع الفرامل الشديدة