بقالى سنين بدفع تامين و انا برخص العربية اى وجة الاستفادة؟

**atamim** · 13-05-2008 10:20 AM

السلام عليكم ورحمه الله و بركاته

اى وجة الاستفادة من التأمين لما بنجدد ترخيص العربية؟

انا مثلا كل التصليحات بعملها على حسابى حتى لو خربشة فى البوية طيب التأمين دورة اى بس لو العربية اتقلبت و مات الى فيها ولا اى بالظبت ؟

كمان كل مرة بندفع تأمين و معملتش اى حاجة بالى فات يعنى كل مرة يروح عليا ولا من حقى طالما مطالبتش التامين باى حاجة مفروض يتجدد او يرجعولى اى حاجة مش معقول اسمية تامين انا حاسس انه ضريبة او رسوم و خلاص

**MMamdouh** · 13-05-2008 12:06 PM

التامين دة عشان لا قدر الله خبطت حد واتصاب او مات... شركة التامين تدفع عنك تعويض لورثة المتوفى

MMamdouh

**MMamdouh** · 13-05-2008 12:16 PM

ربنا ما يكتب عليك استفادة منه... ولا تجربتة

و على اخر الشهر حبقى اقولك على التجربة

MMamdouh

**MMamdouh** · 13-05-2008 12:36 PM

المشاركة الأصلية كتبت بواسطة atamim

كدة فهمت نوع التأمين دا بس والدى كان عندة عربية من 28 سنه و انا اشتريت عربية يعنى بقالنا 29 سنه بندفع التأمين دا

ايه المشكلة؟؟

MMamdouh

**sab3aawy** · 13-05-2008 04:22 PM

هذا التأمين ليس تأمين على السيارة لكن اسمه "تأمين اجبارى ضد اصابة الغير"

وبمقتضاه يحق لأى شخص اصابته سيارة او ورثة اى متوفى فى حادث سيارة مطالبة شركة التأمين المومن على السيارة لديها بتعويض محدد مسبقا حسب حالة الإصابة

فى الدول المحترمة يوجد نوع آخر من التأمين اسمه: تأمين اجبارى ضد اتلاف ممتلكات الغير ، وهو سبب قوى لاحترام قوانين المرور فى الدول المحترمة ،لأنه فى حالة حدوث حادثة يقوم التأمين باصلاح سيارة الغير مخطئ من واقع الحساب التأمينى للمخطئ، وعلى ذلك فإن من يحوى ملفه التأمينى عددا كبيرا من مطالبات الغير نتيجة لحوادث يكون هو المخطئ فيها ترتفع القيمة التأمينية على سيارته بشدة، مم يدفع الناس لتلافى التسبب فى حوادث حتى لا ترتفع قيمة التأمينات المطلوبة منهم

**Nile_Storm** · 13-05-2008 04:26 PM

المشاركة الأصلية كتبت بواسطة grgabra

حسب كلام رئيس هيئة الرقابة على التأمين فى مصر من كذا شهر
هذا التأمين اجبارى ، يُصرف فى الحال 35000.00 جنيه للمتضرر (إصابه أو وفاة) تانى يوم الحادثة فوراً ، وبعد ذلك يقوم المتضرر برفع دعوة قضائية إن أراد ،
هذا هو القانون لكنه غير مُفعل

ده كلامه شخصياً

معتقدش :D:D:D

**MMamdouh** · 13-05-2008 04:30 PM

المشاركة الأصلية كتبت بواسطة grgabra

حسب كلام رئيس هيئة الرقابة على التأمين فى مصر من كذا شهر
هذا التأمين اجبارى ، يُصرف فى الحال 35000.00 جنيه للمتضرر (إصابه أو وفاة) تانى يوم الحادثة فوراً ، وبعد ذلك يقوم المتضرر برفع دعوة قضائية إن أراد ،
هذا هو القانون لكنه غير مُفعل

ده كلامه شخصياً

كلامة غلط

صرف التامين لا يتم الا بعد رفع دعوى مدنية على شركة التامين بعد صدور حكم نهائى فى الدعوة الجنائية ضد الجانى او التصالح بين الجانى والمجنى علية او ورثتة اذا توفى المجنى عليه اثر الحادث

MMamdouh

الموضوع: بقالى سنين بدفع تامين و انا برخص العربية اى وجة الاستفادة؟

LinkBack

أدوات الموضوع

عرض

-

-

-

-

-

المواضيع المتشابهه

امبارح و انا برخص :)

حوار سمعته عن عربيات برخص التراب

حد يعرف ترخيص العربية 3 سنين يتكلف كام

عايز اامن على العربية حد يعرف شركة تامين ؟؟

ميكانيكى ممتاز مجربة سنين والا اتوكيل عشان العربية لسة ف الض

الكلمات الدلالية لهذا الموضوع

المفضلات

المفضلات

ضوابط المشاركة