السيينا وما يعادلها

**ZALABANY** · 15-09-2011 03:06 PM

المشاركة الأصلية كتبت بواسطة albasha

يا راجل قطع غيار وصنايعية السيينا بالميجان
لو بتتكلم عن الميكانيكيه أو قطع الغيار إنزل الحرفيين أو صقر قريش وشوفهم أد أيه

لكن السيينا لازم تركبها بحاله جيده غير كده تتعب وأعتقد ده حال كل العربيات الجديده الموديلات فوق 2000
لازم العربيه تكون مش متهانه علشان تقدر تستمع بيها لأن ممكن تاخد عربيه من واحد كل معرفته بيها إنه يحط المفتاح في الكونتاكت ويدور ويجري يبقي هتتعب معاها ىكتير لأن هتلاقي فيها صيانات كتير وممكن تكون نفس العربيه معاك تعباك ومع واحد صاحبك ممتازه يبقي ده قدرك ونصيبك
وإن شاء الله ربنا يهدي صاحب السؤال السياره المناسبه ليه

انا ما قارنتش السيينا بالميجان كعربية انا بقارنها كسمعه عند الناس

**gazzar91** · 15-09-2011 10:50 PM

المشاركة الأصلية كتبت بواسطة ZALABANY

انا ما قارنتش السيينا بالميجان كعربية انا بقارنها كسمعه عند الناس

هو فعلاً يمكن الميجان مقرفة أكتر من السينا في شغلها
بس في هنا مشكلة... أنا عندي قناعة إن السينا واخدة أسوأ ما في الكوري و أسوأ ما في الأوروبي
عربية معقدة في شغلها و قطع غيارها مش متوفرة (أصلية) و كمان أداء و حش و أمان سئ و قعدة مش مريحة (فرش ناشف قوي و خامته وحشة) خالص و خامات سيئة و على فكرة الدنجل بتاعها بيتعوج بسهولة قوي!!
اللي أقصده... بتشتغل فيها بتتعب قد ايه مقابل ركوبة ايه؟؟
و على فكرة أنا غيرتلها قاعدة عصاية الفتيس الفبر في ورشة رينو.... بقول للصبي اللي كان واقف معايا "شفت حاجة كدة قبل كده؟؟" قاللي "ايه يا شيخ العربية المعقدة دي؟"
بداية الحكاية دي إن قاعدة العصاية الفبر اتكسرت و العصاية مش بتيجي مارشدير
جبنا القاعدة بعد عذاب من دمشق للتوفيقية لحد مالقيناها في التوفيقية.
أربع صواميل قدامي

... أجي أفك ألاقي المسمار بيلف مع الصامولة
جبت الـ workshop manual لقيت إن لازم أفك ...
1. صاجة الشكمان.

2. صاجة كمان تحتها.

3. واحد يفك من فوق و أنا أمسك من تحت.

علشان بس محدش يتهمني بأني بأفور على العربية.... على فكرة دي عربية أعز أصحابي و كنت بنزل في التراب على الأرض بحاول أعملها لوحدي قبل ما أعرف اللي فيها

في رعاية الله

**mohamed_selim** · 15-09-2011 11:22 PM

المشاركة الأصلية كتبت بواسطة gazzar91

ه
عربية معقدة في شغلها و قطع غيارها مش متوفرة (أصلية) و كمان أداء و حش و أمان سئ و قعدة مش مريحة (فرش ناشف قوي و خامته وحشة) خالص و خامات سيئة و على فكرة الدنجل بتاعها بيتعوج بسهولة قوي!!

في رعاية الله

مقدرش اختلف معاك فى موضوع التعقيد .... انا عشان حد يشتغل فى الرادياتير ولا التكييف بفك الوش كله بالاكصدام و الفوانيس !!! و مره كان عندى حاجه فى الكهربا و كان احتمال اغير دينامو و بصيت لقيته تحت الموتور ... ما أظنش انه كان حد هيوصله من غير ما يفك كل حاجه بس ربنا ستر

موضوع القعده ... عربية صاحبك موديل كام؟ انا عندى القعده مريحه و مش فارقه عن عربيات كتير ركبتها

هو الدنجل ده ايه بالظبط؟ معداش عليا الحمد لله

**egyptiandiver** · 16-09-2011 01:27 AM

lanos

**gazzar91** · 16-09-2011 02:34 AM

المشاركة الأصلية كتبت بواسطة mohamed_selim

مقدرش اختلف معاك فى موضوع التعقيد .... انا عشان حد يشتغل فى الرادياتير ولا التكييف بفك الوش كله بالاكصدام و الفوانيس !!! و مره كان عندى حاجه فى الكهربا و كان احتمال اغير دينامو و بصيت لقيته تحت الموتور ... ما أظنش انه كان حد هيوصله من غير ما يفك كل حاجه بس ربنا ستر

موضوع القعده ... عربية صاحبك موديل كام؟ انا عندى القعده مريحه و مش فارقه عن عربيات كتير ركبتها

هو الدنجل ده ايه بالظبط؟ معداش عليا الحمد لله

موديل 2003
و الدنجل ده اللي شايل العجل اللي ورا.... اظبط زوايا على أي 4 wheel alligner و شوف النتيجة بالنسبة لورا هتبقى ايه

في رعاية الله