ياشباب الثرموستات الـ 80/90 هو اكتر حاجة مناسبة للجو بتاعنا. كنت بركبه زمان في الـ 128 والريتمو وكان شغال زي الفل والمروحة بتشتغل وتفصل مهما كان الجو حر.
ياشباب الثرموستات الـ 80/90 هو اكتر حاجة مناسبة للجو بتاعنا. كنت بركبه زمان في الـ 128 والريتمو وكان شغال زي الفل والمروحة بتشتغل وتفصل مهما كان الجو حر.
أ،ا لحد دلوقتي معرفش الشاهين ثرموستاتها كام بظبط !!
تريموستات الشاهين الأصلى زى ما الاخوة قالوا
92 - 87 ده اللى مكتوب عليها
بس فى الواقع اللى شوفته فى الترموستات القديم لما كان شغال
والتريوستات الجديد اللى لسه راكب النهاردة
بلاقى المروحة اشتغلت فعلا بعد الـ 90 بسنة بسيطه تقريبا 92
وبيطفى قرب الشرطة اللى فى النص بين 50 - 90 تقريبا قرب 70
النهاردة فكيت الراداتير واتفتح واتنظف واتلحم والتريموستات اتغيرت
حاطط ميه من الحنفيه لإكتشاف اى تسريب فى لحامات الراداتير
وبإذن الله بعد يومين تلاته هحط مياه خضرا
من شركة مصر للبترول سعره 19 جنيه
وبسم الله ماشاء الله التبريد بقى مثالى وممتاز
النهاردة بتاع الراداتير مكنش مقتنع بالترموستات 92-87 ومصمم انه غلط على الماتور
واقنع فيه ... مفيش فايده
دوخت السبع دوخات فى البحث عن الكوعه بالتريموستات بتاعها علشان اركبها
ومش لاقيها خالص
معنى كده أن العربية ماشية من غير ثرموستات كوعه ؟؟ ولا ماشية بس بالقديم ؟؟
ولا ماشية بواحد تانية غير ال "87-92"
انا لما اشتريتها مالكها الأول كان شايل منها تريموستات الكوعه
وبتاع الراداتير كان بيقولى صح كده انه متشال
لما قولتله انا رايح ادور عليه واشتريه
كان هاين عليه يضربنى
بيقولى كده هتدمر المكنة
ولما ملاقتهوش فرح فيا قوى
النهاردة لفيت كل محلات الفيات
مفيش عندهم تريموستات الكوعه
وكله بيجزم ان تركيبه غلط
يا سلام !! امال هوا محطوط في الموتور ليه طاه !! :))
انت صح !! :))
بس المشكلة أنك تلاقيه
لاقيته عند واحد
بس مش جديد
استيراد
طبعا مينفعش معايا
مش ضامن انه سليم
لازم يكون جديد واصلى علشان اركبه
كده شكلك مش حتلاقي ،، أنا حنزل اسألك على واحد عندنا في أليكس ،، و انا كده كده ان شاء الله نازل المنصورة قريب !! كمان أسبوعين بالكتير ،، لو لاقيت،، ممكن أشتريه و انا نازلأعدي عليك و اديهولك ... بس انت فين بظبط ؟؟
الله يكرمك ياسمسم باشا
شكرا على مبادرتك وذوقك يا أخى
طنطا تنور والله
أنا فى أول طنطا
عند مصنع تكرير البترول على طريق القاهرة اسكندرية الزراعى
أنا نازل إسكندرية قبلك
ان شاء الله فى نهاية الأسبوع القادم
إبقى إسألى عليها واشرحلى هيه فين فى اسكندرية بالظبط
وياريت تكون فى مكان ميتوهش
علشان انا مش خبير فى شوارع اسكندرية
وكمان الله يخليك إسألى على كتاوت سرعات المساحات للشاهين
وجزاك الله خيرا
تأمرني ،، حسألك و أقولك نظامهم أيه ،، و لو بعد الشر بعيد عليك ،، أنا مستعد أجي معاك بنفسي للمحلات دي !! :)