الموضوع: قلقان من مروحة الراداتير للشاهين ... هيه المفروض تشتغل امتى وتفصل إمتى ؟؟؟

الأخوة الأفاضل الأعزاء
عندى استفسار
بخصوص مروحة راداتير الشاهين


المفروض انها بتشتغل عند درجة حرارة 90
طيب المفروض تفصل عند درجة حرارة كام ؟

أنا ملاحظ من فترة إنها بتشتغل بعد 90 بشرطة
تقريبا بالقرب من 100
ومبتلحقش تشتغل
ياعنى بتشتغل كام ثانية وتفصل بسرعه
بتفصل عند حوالى 90 أو فوق 90 كمان

وهكذا
تشتغل كام ثانية مبتطولش وبتفصل تانى

زمان كنت ببص على مؤشر الحرارة لما اشوفه عند 90
كانت المروحة بتشتغل فورا وتفضل شغاله فترة
لحد ما المؤشر ينزل تحت 90 بمسافة

ديه مشكلة تريموستات ولا ايه ؟؟؟
مع العلم ان درجة الحرارة لاتزيد عن 100
مهما كان الجو حر



وفيه ملاحظة كمان
بخصوص فيشه مروحة الراداتير
فيشة مروحة الراداتير كانت باظت من حوالى شهرين أو ثلاثة
وغيرتها ودوخت على مالاقيت فيشة زى اللى كانت راكبة
ببص عليها النهادرة لاقيت فيه جزء منها سايح !!!
بس شغاله عادى وبتوصل كهرباء
مع العلم انى النهاردة كمان غيرت فيشه الفانوس الشمال
كان فيه جزء منه سايح


فى انتظار مشاركاتكم
وجزاكم الله خيراً