انا عارف اني دوشتكوا قبل كدة بموضع الماسورة و الفلتر .
بس انا بعمل حاجات في الحرفيين حاليا و عايز اخلص كله مع بعضه
الفلتر الاصلي بتاع العربية كان راكب علي الشمال ( ناحية الراكب ) في الكبوت و بياخد الهواء البارد من فتحة ماشية من مكانه الي تحت الرفرف ( و الكارتيرة ) فوق العجلة على طول .
حاليا انا شلت كل ده و مركب فلتر سيموتا مكان الفلتر الاصلي بماسورة الفلتر الاصلي ( و لكنها قصيرة جدا ) و الفلتر بيسحب هوا كدة من فوق الموتور علطول و لقيته حارق حتة و مسيحها من عزل الكبوت .
فعايز اعمل ماسورة علشان تقرب الفلتر من مكان فتحة الهواء البارد .
مين يعملها في الحرفيين او خارجها ؟ و هل اعملها PVC ولا Stainless ?
و تقريا كدة في حدود كام .
---------------------
بالنسبة للEXHAUST
ماهي ائمن طريقة لتعديله ؟ و لازم يطلع صوت زيادة في الIDLE ?
يعني انا مش من هواة صوت الموتور علي الفاضي ... زي كل ال128 الي بشفوهم في مصر . فهل لو اتعمل تعديل في علبة الشاكمان لازم تعمل صوت اعلي عند الوقوف ؟
والسؤال .. هل تكبير او اللعب عامة في حجم علبة الشاكمان بيحسن الاداء و لا الصوت فقط ؟؟
انا مش عايز العب في ال EXHAUST كله .. حسيبه STOCK انا عايز بس تعديل بسيط في الشاكمان .
برضه ياريت عند مين ؟؟؟ لو التعديل " ايجابي" مش بس صوت و في RANGE كام .
الفكرة من الموضوع كله اني اعلي بال 83 حصان الي في سيارتي الي مثلا 90 - 93 بتعديلات بسيطة
علشان كدة كدة .. حركب الموتور ال 1800 ان شاء الله .. بس مستني اكمل بالعربية شوية كيلوهات و في كام حاجة ناقصة في الموتور الجديد وصيت واحد عليهم .
شكرا مقدما ! و اسف للازعاج!
المفضلات