استاذي الفاضل شكرا علي رد حضرتك
بس يعني ايه الجوان حاسس؟
عرض للطباعة
يعنى اعمل حسابك قدام هتغير الجوان
بص دي حاجه من إتنين ياإما جوان
ياإما مروحة التبريد مش شغاله
بس السبب الأقوى هو جوان
لأنك بتقول إنك بتفتح الغطا ومش بتلاقي ميا
وده معناه إن الجوان بيهرب الميا وبتطلع من الشكمان
نصيحه إبعد عن التوكيل
روح لميكانيكي خبره وثقه هايقولك الصح وتكاليف أقل
شكرا علي تعقيب حضرتك
لكن الحقيقة ان المراوح بتشتغل في ميعادها ( بس في ميكانيكي لفت نظري قالي ممكن وانت بتسوق تبطل ولما العربية تقف تشتغل بس مش صدقته)
ثانيا المية حاليا مش بتنقص يعني كل ما انزل اشوفها بلاقيها ثابتة
والزيت كويس مش طحينة
ومفيش زيت علي المية في القربة
ايه ياجماعة مفيش احتمالات تانية؟
الحمد لله ياجماعة مشكلتي اتحلت النهاردا وحابب اعرفكم لاني توهت كتير فيها علشان لو حد قابلة المشكلة دي
اخدت العربية ورحت لميكانيكي خبرة وقولتله الموضوع من الاول
بص علي حاجتين مهمين
1 - المراوح شغاله علي طول ومش بتفصل
2 - الخرطوم الصادر والوارد من الراديتير واحد فيهم سخن جدا والتاني الي حد ما بارد
كان تشخيصه علي طول ان دا ثرموستات حرارة
وطبعا زي كل الميكانيكية قالي هنشيل الثرموستات ودا للبلاد الباردة فا انا اصريت اني اجيب واحد جديد واركبة
جبت الاصلي ب 35 جنيه زائد جوان ثرموستات ب 5 جنيه
بعد التركيب الحمد لله العربية زي الفل ومفيش اي لخبطه
اتمني ان بجد اي حد يواجه مشكلة زي دي ميروحش ابدا لميكانيكي واحد ........ لا يروح لاكتر من كذا واحد علشان ياخد رايه
لان كذا حد قالي جوان وكنت هفك نصف الموتور اونطه
شكرا ليكم كلكم وخصوصا اللي حاول يساعدني
السلام عليكم