بعد ماروحت وشوفت بعينى اللوجان شالت كل الحواجز بينها وبينى :)

**faresattar** · 13-09-2011 04:40 PM

اتوكل على الله وهات الفول .. الاضافات اللي فيها تستاهل تدفع الفرق

**drsemba** · 14-09-2011 12:17 AM

ياجماعة انا مكتئب ...
كنت سايق عربيتنا الادا النهاردة وكالعادة عملتها معايا على الوتوستراد وقطعت والكربراتير عملها المهم اعدت ازق فبها لغاية لما وصلت للمكانيكى اللى بتعامل معاه ودردشت معاه فى حوار اللوجان راح قالى بلاش ارف :( هتجيبها وهتقعد بيها 5 سنين وهتقعد تلطم جنبها ملهاش قطع غيار وان لقيت غالية ومش اى حد بيشتغل فيها من الاخر عربية مقرفة وتقيلة فى بيعها عن الكورى وقالى خدها نصيحة خليك فى الكورى فيرنا او لانوس او لانسر مستعمل احسنلك او كيا سيراتو الشكل القديم.
بجد انا الميانيكى ده اعرفه وبتعامل معاه من زمان وهو شاطر ومحترم وانا بقيت مش طايقه النهارده من اقتناعى باللوجان.
نفسى تردولى على الاتهامات دى بالذات الناس اللى بتصلح بره التوكيللللللللللللللل.
وشكرااااااااااااااااااااا ااااااااااااا

**MOUSTAFA_SAAD** · 14-09-2011 01:41 AM

الميكانيكى عاوز الحاجه اللى حافظها ومش عاوز يغير علشان مايتعبشى نفسه
العربيه مليت البلد ومنتشره بطريقه رهيبه
على فكره انا اعرف ميكانيكى وصاحب ورشة سمكره عندهم لوجان

**drsemba** · 14-09-2011 01:59 AM

ماشى يعنى ده معناه ان كلامه صح؟
انا عايز عربية تفعد معايا سنين ومش اغيرها كمان 5 سنين عشان حوار الميكانيكية وقطع الغيار ده غير ان العربية بقلها كام سنة ومفيش تغير فى فكر تجار قطع الغيار والمكينكية وانا الصراحة مش عندى القرة المادية اللى تخلينى اصلح فى التوكيل كل شوية بمبالغ عالية
افيدونى يا اصحاب اللوجان..........

**MOUSTAFA_SAAD** · 14-09-2011 02:02 AM

كلامه صح فى ايه
انت معاك عربيه منتشره ومع الوقت انتشارها بيزيد يبقى قطع غيار متوفره وصنايعيه حافظاها
انت ناسى اللانوس اول لما نزلت كانت عامله ازاى
برده ماكنشى حد فاهما لكن مع الوقت الامور اتظبطت

انا زيك برده معنديش القدره الماديه على الاصلاح فى التوكيل

**akerima** · 14-09-2011 11:04 AM

ميكانيكي اية يا عمنا اللي انت رايح تسمع منة كلام - العربية اقل عربية في المشاكل في فئتها - ان لم تكن معدومة - قطع غيارها بقت في كل حتة اشي تركي واشي صيني ولسة في انتشار مستمر باذن الله توكيلها من افضل توكيلات مصر كفاية المعاملة والجودة - وبعدين فين العربيات الكوري اللي بيتكلم عنها مخلاص كلة بقي مصري بمكونات صيني

بص من الاخر حتسمع من الكلام دا كتير توكل علي الله ان كنت مقتنع بيها

**Egyzizo** · 14-09-2011 11:35 AM

الميكانيكى صح جزئياً فى ان تكاليف صيانة وقطع غيار اللانوس والفيرنا أقل منها فى اللوجان، بس مش لدرجة (بلاش أرف).

لو الموضوع ده فارق معاك كتير ، خليك هناك.

**DR/WAFEK** · 15-09-2011 10:29 PM

ابن خالى ثقافته كلها من المكانيكيه وكان مخوفينه اوى من اللوجان وكان بتحايل عليا اجيب لانوس طبعا بعد ماجبت اللوجان غير وجهة نظره تماما ونصيحه متثقش فى راى المكانكيه العربيه زى الفل والدليل انتشارها الواسع بالرغم من ان رينو اسم يخوف فى مصر

**drsemba** · 16-09-2011 10:58 PM

شكرا جدا على الردود .....
انشاء الله بامر واحد احد الاسبوع ده هشترى.
ودلوقتى انا فى اختيارين مالهومش تالت بحكم الفلوس وانى عايز اجيبها كاش عشان كدا الافيو خرجت من حساباتى ....
لوجان هاف اوبشن ولا لانوس هاف اوبشن ؟؟؟؟؟
واجيب منين عشان عرفت ان محمد زكى ارخص من سكير ريان....
ارجو المساعدة والرد...
واسف على الاطالة والصداع اللى عملتهولكوا
عن نفسى انا ميال للوجااااااااااان جدااااااااااااااااااااااا اا بس كل اللى قلقنى العربية تعطل وملاقيش حد يصلحها.

**aelhossan** · 17-09-2011 11:56 AM

المشاركة الأصلية كتبت بواسطة drsemba

سوال مهم بعد ما كنت ناوى على الافيو قسط الراجل فى سمير ريان اقنعنى بالوجان هاف اوبشن كاش وكلامه دخل دماغى بس لو قدرت فانا اخرى الهاف وقالى برده على الاسبرانزا 516 وبشكر فيها وقالى ان اللوجان الهاف ب 67000 والفول 71 والاسبرانزا ب 61500 فول اوبشن بس انا مش مصدقه شكله كان مش مركز بس المهم السوال بقا ايه الفرق بين اللوجان هاف وفول اوبشن ياريت لو فى صور اطابلوه الهاف وايه رايكو فى السبرانزا مع العلم انه قالى الاسبرانزا هتجيب عفشة بعد سنتين :)))))
وشكرا
واسف على الاطالة.

انا حبيتها من قبل ما اشوفها

الموضوع: بعد ماروحت وشوفت بعينى اللوجان شالت كل الحواجز بينها وبينى :)

LinkBack

أدوات الموضوع

عرض

-

-

-

-

-

-

المواضيع المتشابهه

هام و خطر جدا....تحذير من الحواجز الأسمنتية على الطريق الدائري

عاوز مساعدة عاجلة بخصوص الحواجز اللي بتتعمل لمنع الركنات

حدث في أوتوماك (ياريتني ماروحت)

شفت بعينى

قلقان اشترى السمارت جربتها وشوفت الاتى

الكلمات الدلالية لهذا الموضوع

المفضلات

المفضلات

ضوابط المشاركة