الموضوع: شهادة حق لل م.خالد بتوكيل السبع

في البداية أتقدم بخالص الشكر والتقدير للمهندس/ خالد مهندس الاستقبال بتوكيل السبع وكذا كل العاملين بهذا الصرح الكبير.

معي سيارة نيسان تيدا 2007 اوتوماتيك، ظهرت بها مشكلة كاالتالي بها مشكلة تفاصيلها كالتالي:

1- لمبة تشيك كانت منورة من حوالي شهر ورحت كشفت على العربية برة التوكيل وتم الغاء المشكلة علما بان السيارة كانت لا توجد عليها اي اعراض نهائيا لاقبل اللمبة وبلا بعدها.
2- اللبمة نورت تاني من اسبوعين وبردو رحت كشفت تاني (هههههههههه) ولغيت ال error.والمهندس بتارع الفحص قالي ان دي غالبا مشكلة في البوابة بس هو مش عرف يؤكد او لا (اكيد ياجماعة جهاز الفحص اللي برة التوكيل غير مؤهل لفحص السيارة).
3- المهم ظهرت عندي مشكلة من 4 ايام وهي وانا ماشي على سرعة من 30 - 40 كم بلاقي لمبة تشيك تنور ومفيش استجابة نهائيا لدولسة البنزين( بس الموتور شغال) .
4- تختفي المشكلة فور غلق الكونتاكت واعادة التشغيل
5- المرة دي حكّمت عقلي بقة،واتصلت بالسبع وحجزت معاد ورحت واستقبلني الخلوق المهندس خالد(حقا انه رجل يستحقالتقدير)، قام بص على العربية ووصف لي الحالة بشكل عام ودخلها للفحص.
6-نسيت اقول ان وانا رايح للسبع وماشي بالعربية لم ارى او الاحظ اي مشكلة والعربية ماشية ذي الفل.
المهم تم الفحص (بس مش عرف اقول للأسف ولا لحسن حظي) لم يستدل الكمبيوتر على اي عطل نهائيا، وقابلت مهندس الفحص وقالي هاطلع اجربها ومعايا كمبيوتر الفحص، وراح جربها ورجع وقالي مفيش حاجة والكمبيوتر لا يعطي اي مشكلة.
8- قلت له طيب سيبني اجربها انا يمكن رجلي فيها عفريت واطلع ال error ، وطلعت وهريت العربية وبردة مفيش حاجة والعربية كويسة.
9- رجعت تاني للتوكيل ومش عارف اقول اية ( محتار-جزين-فرحان) بس اتفقنا اجرب العربية تاني وارجع لهم فور ظهور المشكلة تاني.


تفتكروا عربيتي فيها اية يا شباب ، أنا كدا لعبتها كل الألعاب , كيكة على العالي وكيكة على الواطي ، وكشف برة التوكيل وكشف جوة التوكيل

متابع بأهتمام