بالظبط ...... الراجل لما بيطهق و لا بيهمه اي حاجة اصلا ....... في ستات يتفات لها بلاد ........ غير الزن عالودان و طبعا بتبقى فاكرة انها كل ما تقرفه اكتر كل ما يحبها اكتر حاجة غريبة جدا الصراحة ........
عرض للطباعة
دكتور شهدي, خللي بالك عشان منقعش في الغلط
ربنا يفعل ما يريد
يعني ممكن جدا التقي يقع في واحدة مش ولا بد
وممكن جدا المهياص ربنا يرزقه بواحدة ذات دين وعفة
فقد روى مسلم في صحيحه: عن جندب أن رسول الله صلى الله عليه وسلم « حدث أن رجلا قال: والله لا يغفر الله لفلان، وأن الله تعالى قال: من ذا الذي يتألى علي أن لا أغفر لفلان فإني قد غفرت لفلان وأحبطت عملك » .
لا مش لدرجة الاحباط ...
تعالى نتكلم جد :::
أولا ارتباط الرجل و المرأة ده طبيعة خلقها ربنا فينا و هدفها الرئيسي تكوين أسرة صالحة في المجتمع و انتاج أجيال جديدة صالحة لتعمير الأرض بالخير و العدل .
ثانيا علاقتك بمراتك بيحكمها حاجات كتيرة منها انت و هيه متربيين ازاي و طبيعة العلاقة بين والدك ووالدتك و غالبا تلاقي الراجل يطلع زي ابوه و البنت زي امها ( عشان كده بنقول لما تناسب ناسب راجل ليه شخصية في بيته )
ثالثا الخلفية الدينية هيه اللي بتحكم العلاقة بين الرجل و المرأة و الرسول حدد طريقة اختيار الزوجة للمسلمين و أظن برضه ان المسيحيين عندهم طريقة مشابهه معتمدة على ان الاختيار الأفضل يكون اساسه درجة التدين عند الطرفين .
رابعا طبيعة الرجل اللي خلقها ربنا فينا اننا مسؤولين عن الصرف على البيت و حمايته و الاهتمام باموره الخارجية
خامسا طبيعة المرأة انها تهتم بكل ما هوه داخل المنزل و تربية الأبناء و راحة الرجل بعد يوم عمل شاق ... و للأسف الطبيعة دي حصل تشويه ليها نتيجة دعوات المساواة و ان المرأة نصف المجتمع و تحقيق الذات و الكلام الفارغ ده اللي بوظ دماغ الستات بس لو البنت متدينة هتلاقي ان ده مش مأثر كتير عليها .
سادسا العلاقة بين الرجل و المرأة علاقة انسانية ( لا أقصد العلاقة الخاصة , أقصد العلاقة بشكل عام ) بتتأثر بالمؤثرات الخارجية من هموم الحياة و مشاكلها و بتمر بفترات تكون العلاقة قوية جدا و بينهم اهتمام مشترك قوي ( و دي بتكون في بداية الزواج و قبل انجاب اطفال ) و بتمر بفترات فتور و دي بتكون أوقات الأزمات ( مفلس مثلا هقعد أتكلم معاها و أهزر بأنهي نفس !! ) و فترات بتكون عادية هادئة ... و ده بالظبط زي علاقتك باي حد من أصحابك بتمر علاقتك بيه بالفترات دي مع الفارق بين صاحبك و مراتك .
بصفة عامة أقدر اقولك اتجوز و لكن لا تتوقع ان الحياة الزوجية كلها عسل و قشطة و حب ( سيبك من أغاني الحب و الهجايص دي ) لا الحياة الزوجية حياة متقلبة زي الدنيا كده فيها صعود و هبوط و ده عادي جدا و طبيعي لكن احنا اللي بنتصدم لأن غالبا بنكون متوقعين أكتر لأن في بداية الخطوبة بيحصل تجاذب بين الاتنين و ارتباط شديد بيزيد طول الوقت لحد ما يتقفل علينا باب واحد فبنكون برضه متوقعين ان العلاقة مستمرة في الارتفاع و ده مش طبيعي لأ الطبيعي ان العلاقة بترتفع لحد معين و تثبت حواليه شوية فوق و شويه تحت لكن وصولها للصفر معناه طلاق او انفصال ....
الخلاصة عشان طولت عليك ::::
اتجوز لكن لا تتوقع ان الحياة كلها عسل ..... شوية عسل و شوية بصل
قليل من الحب مع قليل من العتاب و كله بيعدي يا صاحبي ..
و دي صورة عشان أوضح كلامي
http://dc280.4shared.com/img/zIc3ToTF/zawag.png
و راجع المواضيع دي هتديلك فكرة برضه عن العلاقة بعد فترة من الزواج :
http://www.nilemotors.net/Nile/190720-a.html
http://www.nilemotors.net/Nile/233575-a.html
http://www.nilemotors.net/Nile/30646-a.html
كل شيء مطبوع علي الجبين،
إﻻلا الزواج
ملطوع علي القفا.
أنيس منصور
طالما هو حديث كبار ، ففي ميزة في الست المصرية والعربية عموما قلما تجدها في غيرها
وهي نظافة البدن
التطهر بصفة عامة ليس صفة غالبة على البشرية واللي بيسافر بره الدول العربية عارف كده كويس
ده على اساس انها مش حاتقول انه منفضلها و ظالمها و مش عامل حساب لمشاعرها و تديها بوز و نكد ازلى اصيل من بتوع الست المصرية
الستات ما بيغلبوش
يا تزن و تتوقع استجابة و برضه حاتقول انه مغلبها و تاعبها و محملها فوق طاقتها علشان مش بيقتنع بسهولة و دماغه ناشفة
يعنى و لا كده نافع و لا كده نافع