عرض للطباعة
السلام عليكم..
انا عندى لانوس تو لونها سماوى موديل 2005 ..واحد سواق ميكروباص خبط الرفرف اليمين الامامى و عجنه
و كمان خلع الاكصدام الامامى فكسر كل الفبر بتاع المسامير..
واحد سمكرى شافه قالى هات واحد جديد احسن من استعداله..
انا محتاج اعرف لو غيرت الرفرف اليمين و الاكصدام الامامى باتنين استيراد نفس اللون هيكون سعرهم كام؟ و انسب مكان فين؟
و تمنهم كام لو هجيبهم جداد؟ و هل الجديد ده هيفرق فى الجودة عن الاصلى
شكرا جزيلا
بالنسبه للاكصدام سعره استيراد في حدود 400 جنيه بس هتدور شويه على اللون , بدل ما تجيب لون تاني وترش
الاكصدام جديد سعره في حدود 180 جنيه او 200 جنيه على الاكثر (تايواني تقريبا) في ظل زيادة الاسعار , ولكن لا انصحك بيه لان خامته سيئه جدا ومع اول لمسه بيتكسر زي الزجاج
نصيحه : وانت بتشتري الاكصدام الاصلي استيراد لازم يكون ضهر الاكصدام من الداخل فيه اجزاء كتير خشنه او (محببه) , خاصه من خلف المكان اللي بيتعلق عليه رقم العربيه ومن الاطراف , لان في بعض تجار بيبيعوا التايواني مرشوش على انه اصلي , والتايواني بيكون سطحه من الداخل املس جدا زي العاب الاطفال كده
وبالنسبه للرفرف الزملاء هيفيدوك ان شاء الله
انا مركب اكصدام تايوانى زى الفل ومش ناشف طرى ومش بيتكسر وكان ليه تجربه رفرف يمين ورفرف شمال الناس نصحتنى استيراد جبته 250 وحالته زى الفل الرفرف التانى اتخبط اشتريت تايوانى 200 جنيه واكتشفت انه انضف من الاستيراد بكتير وبفكر اغير الاستيراد بواحد تايوانى افضل وتحس ان العربيه فبريكه غير الاستيراد خالص
أنصحك تتعب شوية وتجيب استيراد للرفراف والاكصدام ونفس لون عربيتك وتكون حالتهم كويسة انا عارف انك هتتعب شوية بس هيوفرلك رشهم
متشكر جدا يا على الردود يا جماعة..
تنصحونى الاقى فين فى الحرفيين مثلا الاكصدام و الرفرف الاستيراد؟
الحرفيين مصدر اول ولو بتحب السفر روح بورسعيد وممكن تلاقي في عزبة شلبي بالمطرية او سوسو في الهرم امام سياج او هاشم في شارع العشرين فيصل
مش دايما بينجح الموضوع دة لان درجة اللون مش دايما يتضبط نتيجة عوامل التعريةاقتباس:
المشاركة الأصلية كتبت بواسطة yssryaae
MMamdouh
هات جديد تايوانى ممتاز كدة كدة هترش