شيرى a11 أرجو المساعدة

**Hesham** · 13-09-2011 03:06 PM

السلام عليكم ورحمة الله
والله يا جماعة أنا عجبانى الشيرى a11 وقريت معظم الموضوعات فى القسم والكلام مشجع الى حد كبير. سؤالى الأول عن الفتيس الاوتوماتيك وخصوصا انى زهقت من سواقة المانوال ومصر ان العربية اللى اشتريها تكون اوتوماتيك، هل فيه مشاكل معينة فى الفتيس وهل هو اوتوماتيك فقط ولا استيبترونيك وهل لا قدر الله لو باظ تماما ايه الموديلات اللى ممكن تركب مكانه ؟ أما سؤالى الثانى فهو عن قطع الغيار عامة وخصوصا فى اسكندرية هل متوفرة ولا لأ وكمان فين مكان مركز الخدمة فى اسكندرية. أشكركم مقدما

**YahiaAshraf** · 13-09-2011 10:14 PM

قطع الغيار متوفره الى حد ما
بس موجوده متقلقش

بالنسبه للفتيس
فى منهم اوتوماتيك عادى
و فى منه استبترونيك اللى هى اعلى فئه

العربيه بسم الله ما شاء الله

و كمان الموتور بتاع منى كوبر اصلى للعربيه
العفشه المانى و ممتازه
العربيه مكوناتها معظمها المانى مش صينى
كانها المانى تقفيل صينى
عربيه قويه و ممتازه
و توكل على الله

**ahmed2801** · 16-09-2011 09:37 AM

المشاركة الأصلية كتبت بواسطة hesham

السلام عليكم ورحمة الله
والله يا جماعة أنا عجبانى الشيرى a11 وقريت معظم الموضوعات فى القسم والكلام مشجع الى حد كبير. سؤالى الأول عن الفتيس الاوتوماتيك وخصوصا انى زهقت من سواقة المانوال ومصر ان العربية اللى اشتريها تكون اوتوماتيك، هل فيه مشاكل معينة فى الفتيس وهل هو اوتوماتيك فقط ولا استيبترونيك وهل لا قدر الله لو باظ تماما ايه الموديلات اللى ممكن تركب مكانه ؟ أما سؤالى الثانى فهو عن قطع الغيار عامة وخصوصا فى اسكندرية هل متوفرة ولا لأ وكمان فين مكان مركز الخدمة فى اسكندرية. أشكركم مقدما

التوكيل ف اسكندرية عفيفى موتورز بجوار مرور مرغم والعربية جميلة كل كهربتها وعفشتها جولف المانى والموتور فورد اسكورت 99 - توكل على الله

**Hesham** · 16-09-2011 12:01 PM

أنا متشكر جدا جدا جدا لردودكم يا جماعة والكلام فعلا مشجع جدا وبالنسبة للاستاذ أحمد بما انك من ملاك العربية لو امكن تفدنى فى متوسط اسعار الحالات الممتازة على شرط تكون اوتوماتيك مش مانوال وجميع الكماليات.
شكرا مرة تانية وجزاكم الله كل خير

**ahmed2801** · 17-09-2011 11:12 PM

المشاركة الأصلية كتبت بواسطة Hesham

أنا متشكر جدا جدا جدا لردودكم يا جماعة والكلام فعلا مشجع جدا وبالنسبة للاستاذ أحمد بما انك من ملاك العربية لو امكن تفدنى فى متوسط اسعار الحالات الممتازة على شرط تكون اوتوماتيك مش مانوال وجميع الكماليات.
شكرا مرة تانية وجزاكم الله كل خير

الحقيقة يا استاذ/هشام اللى يفيدك فى موضوع الاسعار و الاتوماتيك وقطع غيارها الاستاذ طارق السيد علشان عنده 2005 اتوماتيك وراكبها وعنده خبرة فيها لكن انا عندى 2007 كاملة مانوال

**Hesham** · 18-09-2011 08:50 PM

استاذ طارق واستاذ أحمد انا متشكر جدا على المعلومات الممتازة وجزاكم الله كل خير. انتوا خلتونى متحمس للعربية جدا وان شاء الله قريب أنضم ليكم واشترى a11 باذن الله. بس لما اشترى ان شاء الله حاوجع دماغكو بالأسئلة لانى أكيد لازم استفيد من خبرتكم فى العربية.

**ahmed2801** · 19-09-2011 02:15 PM

المشاركة الأصلية كتبت بواسطة Hesham

استاذ طارق واستاذ أحمد انا متشكر جدا على المعلومات الممتازة وجزاكم الله كل خير. انتوا خلتونى متحمس للعربية جدا وان شاء الله قريب أنضم ليكم واشترى a11 باذن الله. بس لما اشترى ان شاء الله حاوجع دماغكو بالأسئلة لانى أكيد لازم استفيد من خبرتكم فى العربية.

انا تحت امرك فى اى سؤال وكذلك الاستاذ طارق نيابة عنة بعد اذنة طبعا والعربية معايا من اربع سنين - البيت ف القاهرة والشغل ف البحر الاحمر راس غارب وادارة الشركة ف الاسكندرية يعنى مقديها سفر والحمدلله العربية عمرها ما خذلتى ابدا ولا وقفت ف الشارع والحاجات الفاضية دى انزل الصبح بعد الفجر اركب وادور واسافر وربنا يديمها علينا نعمة يارب