اولا سمعت قبل كده ناس بتتكلم عن حاجه اسمها تطبيل يعني بيقولوا ان الاسبرانزا بتطبل انا مش عارف معنى الكلمه دي ويقصدوا بيها ايه
ثانيا اقصى سرعه ممكن تجيبها بالاسبرانزا كام يعني في حد قفل عداد السرعه قبل كده؟؟؟؟؟
رجاااء افيدونا
عرض للطباعة
اولا سمعت قبل كده ناس بتتكلم عن حاجه اسمها تطبيل يعني بيقولوا ان الاسبرانزا بتطبل انا مش عارف معنى الكلمه دي ويقصدوا بيها ايه
ثانيا اقصى سرعه ممكن تجيبها بالاسبرانزا كام يعني في حد قفل عداد السرعه قبل كده؟؟؟؟؟
رجاااء افيدونا
واما عن التطبيل فذة كانت مداعبة من الاستاذ خالد ابو النجا--يعنى لا يوجد حاجة اسمها تطبيل --هزار --واما عن موضوع تقفيل عداد السرعة --انا شخصيا لم ولن افعلها --واعتقد ان معظم مالكيها مثلى --معظمنا يريد ان يعود الى بيتة سالما --ولكن وحتى اكون صادقا معك --مرة واحدة لم اشعر وسرحت وانا على الطريق الدائرى وفوجئت ان العداد وصل 140 --وانا لم اقصدها ولم اشعر بها --يعنى تقدر تقول سرحت شوية --
انا مش عارف هل اللي انا بشعر بيه في العربية ده ممكن يتسمي ايه....تطبيل-تسقيف
عموما انا بحس بالكلام ده و اما علي التاني.
العربية مش ناعمة اوي في النقلة من الاول للتاني
بالنسبة للسرعة، معتقدش ان في طريق في مصر يستحمل اكتر من 170-180
انا شخصياً و للحظات جبت 172 علي طريق مصر اسكندرية
يا جماعة صدقونى ما فيش طرق فى مصر تصلح للقيادة بهذة السرعة الخرافية ولا نظام مرور-- ولا قاون يحمى مثل هذة السرعات --دة انت بتسوق ممكن على 40 او 50-وقلقان من غلطات الغير --
بالنسبة للتطبيل فهذه كانت كذبة ابريل التي امتعنا بها الاستاذ خالد ابو النجا وبعد صراع مرير ومناققشات عن التطبيل قال ان دي كذبة ابريل : :evil:
وبالنسبة لموضوع السرعة فقد رأيت شخص ما واعتقد انه اول واحد في مصر يعمل صيانة 250000 كيلو
وقد قال لي انه جاب 205 على الطريق الدولي وكانت العربية ثابتة جدا على كلامة.
205 دي هي كذبة ابريل يا امر مفيش عربية 1600 سي سي ممكن تجيب اكتر من 190 كم /س الا لو تربو
وانا متاكد من اللي انا بقوله واللي مش مصدق يجرب
ممكن عربيات المؤشر يركن بعد ال 170 كم /س و يسجل قرايه اكتر من الواقع
م / تامر نبيل
طب يا باشمهندس تامر انا بالريو اتصورت رادار علي الطريق الدولي الساحلي قبل كمين الحمام شهر 8 اللي فات
عربيتي 1400 2 كامة 16 صباب
ايه رايك بقي
الؤشر ركن ولا الردار لقطني غلط
ومصور امبير العربية بالموبيل وبعتة للناس اللي شككت فيا قبل كدة
ورخصتي اتحبت من اسبوعين 167 بعد ما لمحت الرادار ودوست فرامل لاني كنت ماش اكتر من 180
المواتير الجديدة حاجة تانية خالي غير القديمة
المهندس التكنيكال سبورت في كيا قاللي انه جاب بال عربية زي بتاعتي 210
لا تعليق اكتر من كدة
كريم منير
ليه يا باشمهندس تامر أنا جبت بالفرنا 1600 أتوماتيك 200 يعنى قفلت العداد و كمان بالواجا 1600 أتوماتيك 205 بس ده كان على كوبرى السلام الدولى فوق قناة السويس
و أنا أصلا أتخضيت لما شوفت عداد السرعة جايب الرقم ده :roll:
:lol: 8) :lol:
يا جماعة ارجوكم لا تبالغوا فى القيادة بسرعات كبيرة لان بها خطورة عليكم وعلى غيركم مهما كنتم مهرة فى القيادة قد يكون غيركم اقل خبرة -ومهما كانت السيارات حديثة او كبيرة او صاحبة امكانات عالية ---الاعتدال افضل صدقونى --ولى تجربة افضل عدم البوح بها --ولكنها كانت تجربة مريرة--ربنا يحافظ عليكم جميعا-
يا جماعة اذا على السرعة كل عربية في مواصفاتها الفنية مكتوب السرعة القصوى للمحرك في افضل ظروف التشغيل
وفي شوارع افضل من عندنا ميت الف مرة
واللي مش مصدق يرجع لكاتالوج سيارته
استاذ عبد الرحمن انا حاليا معايا بروتون واجا وفورد فوكاس
اقصى سرعة في البروتون طبقا للمواصفات الشركة 184 عادة و 180 اتوماتيك واقصى سرعة جبتها على طريق العين السخنة الذي يعد انعم طريق في مصر 175 كم / س
ودي تجربتي
تامر نبيل
انا معاك يا بشمهندس تامر انما ممكن تجيب بيها اكثر بكثير يعني العربية ال 1600 ممكن تجيب ال 200
وثانيا انا قلت ذكر عن فلانانه عمل كده
مش انا والله
وانا فى التوكيل قابلت واحد بيشتغل ضابط فى السويس و أكد ليه انه جاب فعلا 205 ك بعربيه سبيرانزا 516 فى طريق السويس و كانت ثابته جدا
ايهاب بدر
من الكلام اللي شفته فوق جالي تصور كده ان ممكن أمبير السرعه بيدي سرعات وهميه ولكن سرعه الماتور الفعليه لاتزيد عن ال190 كمان بالنسبه للرادار فالمعروق في كل العالم ان اي جهاز في نسبه خطأ وهي تختلف من جهاز لاهر وهيا في الرادار ممكن متوسط 10في الميه لأني كنت في السعوديه وكنت قاعد ما ظابط سعودي وبيقؤلي لما يكون السرعه محدده على طريق 100 مثلا فنحن لانضبط السيارات اللي ماشيه 105 لا نبدأ نضبط السيارات اللي ماشيه 110 فما فوق خشيه ان يكون ده الخطأ بتاع الرادار فنظلم الناس وطبعا ده موش موجود في مصر لأني لما وقفت في الكمين نتصور 94 وحاولت افهم الضابط الكلام ده قالي لا احنا الرادار بتاعنا مفهوش error خالص :lol: رغم أني متأكد أن الشركه المصنعه كاتبه عليه -+10%.
فى اوروبا الوضع قد يكون مختلف بعض الشىء السرعات تبداء من 15 ك--فى الطرق الموازية للطرق التى بها اصلاحات --مرورا ب 30 ك -وهذا للطرق التى تقع داخل مجتمعات سكنية -ثم 50 ك- للطرق الرئيسية فى المناطق السكنية --ثم 60 ك- و70 ك- و80 ك-فى الطرق المحيطة او الموصلة للقرى --وبعد ذلك 90 ك- و100 ك- و120 ك-للطرق السريعة ---القانون يسمح لك ب 5 ك- زيادة يعنى مثلا لو كنت تقود على سرعة 105 ك- والسرعة المفروضة -100 -ك لا تكون مخالف ولكن لو كنت تقود على سرعة 106 او اكثر --لابد من ان تدفع الغرامة كاملة على ال 6 ك- الزيادة ---والتسعيرة فى اغلب دول اوروبا بالكيلو متر --واعتقد نها 7 ايورو بالكيلو--اما الطرق التى بها اعمال اصلاحية --ومفروض تمشى فيها على سرعة 15 ك- لو افترضنا ان الرادار لقطك وانت ماشى على سرعة 16 ك- يعنى كيلو واحد زيادة لابد ان تغرم ايضا وتكون الغرامة تقديرية --ولا دخل بالكاميرات المستعملة --فى زيادة او نقصان معدل السرعة --القانون هو الذى يعمل --
يا باشمهندس تامر انا عربيتي مكتوب علي السايت 178
لكن ده باقص حمولة للعربية
واما كانو عاملين المؤشر لغاية 220 ليه
منظر يعني ولا كمالة شكل
:?: :?: :?: :!: :!:
مافي عربيات كتير بينزل الامبير بتاعها لغاية 180 بس :idea:
الاخ اللى بيسال على تقفيل العداد انا معايا اسبيرانزا 1600 وقفلت عدادها على طريق الكريمات وكانت سرعة العربية 205 كم والعربية كانت عايزة تجرى اكتر بس انا مرضيتش اقرص عليها علشان الار بى ام كان عالى ومعدى الخط الاحمر !!!
على فكرة انا وصلت الى 205 والعادى 180 بالسبرانزا ال620