سيريون أو ماتريكس

**mohamed_rhem** · 18-09-2011 03:27 PM

المشاركة الأصلية كتبت بواسطة samyyousef

السلام عليكم
أيهما أفضل سيريون أم الماتريكس مستعمل اوتوماتيك من 2006 الى 2009
من حيث النعومة و الراحة في القيادة و سعر قطع الغيار و اعادة البيع
و لكم مني جميعا كل الشكر

اولا انا من ملاك السيريون وركبت ماتريكس فقط للتجربة ومش حقدر افيدك بخصوصها قوي بالنسبة لقطع الغيار

من حيث النعومة تتفوق سيريون سواء 1300 او 1500 بجدارة

من حيث الراحه سيريون اكثر راحه خصوصا في السفر

من حيث سعر قطع الغيار ده نقطه في صالح الماتريكس والكوري كله وطبعا عمره الافتراضي اقل

من حيث اعادة البيع اعتقد متساويين لان الاتنين حيبقوا مستعملين

اضف الي سيريون الامان ويتمثل في 4 نجوم في اختبارات التصادم الاوربيه وعدد 2 ايرباج

مزودة ب abs وطبعا ياباني 100% خامات وتقفيل

**mohamed_rhem** · 20-09-2011 10:21 AM

المشاركة الأصلية كتبت بواسطة samyyousef

السلام عليكم
أحب أن أشكرك على اهتمامك و موضوعيتك في الرد
حضرتك قررت انه بالنسبة للراحة السيريون أفضل
هل هي أفضل في القاعدة بالنسبة للطوال ذوي الأوزان, انا لم اركب اي من السيارتين لكن أتخيل ان الماتركس أعلى, أرجو إفادتي . انا مقتنع تماما أن معايير الأمان في الياباني أفضل و قطع غيارها معمرة, لكن أنا أعاني من الجلوس في معظم السيارت و ابحث عن سيارة لا أنحني في الدخول و الخروج منها بشكل متعب
و لك مني كل التقدير

سيريون حققت المعادلة الصعبة ده

شكلها صغير جدا لكن واسعة جدا من جوا والابواب ما شاء الله فيها رحابة

علي فكرة انا طولي 182 سم وفي اكتر من 15 سم لسه بيني وبين السقف

وركبها واحد صاحبي اطول مني وضخم ومكنش مصدق انه عارف يدخل ويخرج منها بسهوله

مع العلم انه عنده نوبيرا وكرولا 2007

انت هتحتاج زيارة لاحد فروع ديهاتسو وتركب العربية وتحكم بنفسك وده اللي انا عملته قبل ما اشتري