السلام عليكم ورحمة الله وبركاته ...

عملين إيه يا بيكرز ..... كله تمام ؟؟؟

بقلكم إيه ,,, حد فيكم يعرف المكنه دي : Kawasaki VN 900 . . . . . . . . . .

أصل أنا النهارده وأنا بدور علي مكنه عند بتوع المكن .... لقيت التحفه الفنيه دي ... أنا كنت أول مره أشوفها ..

ولما طلعت أجربها مكنتش عايز أنزل من عليها بجد من نعومتها و الراحه اللي كنت حاسس بيها .. هي المكنه موديل 2004 و عامله 8000 كم بس .... وحالتها فوق الممتازه ..

بس للأسف لما عرفت سعرها ,,, نفسي أتسدت .... الأخ التاجر طالب فيها 47000 جنيه مصري لا غير .

فهل يا ترا حد يعرف حد معاه واحده بنفس المواصفات و الحاله دي ويكون سعرها أحن وخصوصاً لأخونا اللي في القاهره ,,, عشان الأسعار هنا في إسكندريه مجنونه يا قوطه علي الأخر ....

معلش أنا ديما بتقل عليكم بس أنا مليش غير ربنا سبحانه وتعالي ثم أنتم ... بس ردوا عليا بسرعه أحسن أنا خلاص عايز أجيب المكنه خلال اليومين اللي جيين إن شاء الله .

ولكم جزيل الشكر