الموضوع: كابوت فايبر

اعتقد ان صعب الفكره دى اوى لان الفايبر لو اتخبط بيتقطم على طول فا انت لو مش لاقى الكبوت بتاعك حاول تدوخ عليه تانى لحد ما تلاقيه وعلى فكره لو اتعمل فايبر لو حد سند عليه يبقى باىباى

مكن تعمل الكابوت فيبر و لكن مش بنفس جودة الكاربون فايبر
الفيبر العادي زي بتاع الأكصدام ممكن ينفع و لكن لازم يكون أتخن علشان بيكون عليه حمل كبير في مقاومة الهوا
و عادي جدا
البويا بتمسك فيه عادي زيه زي الأكصدام

ممكن فيه موضوع اعلاني عن بسام فيبر
أتصل بالراجل و أسأله كدا
بس للعلم ..... لازم بيتعمل للحاجات دي مقويات في النص علشان مقاومة الرياح
يعني بيمسك عادي من المشابك بتاعته من الخلف و الأمام زي الصاج بالظبط
و لن هانضيف عليه مشبكين في النص كمان .

المشاركة الأصلية كتبت بواسطة ghamrawy

اشكركم جدا يا جماعة على الردود
بالنسبة للكاربون فيبر انا للاسف مش باطيق شكله و لا لونه
هى النية انه يكون بخامة زى خامة الاكصدامات وفيه دعامات من جوه علشان يتحمل لو حد ريح عليه و ياخد و يدى و البوفيه ماتطلعش منه بسهولة
حاسأل بسام و اجرب

علشان تبقى عارف
عمره ما هايكون زي الصاج و لو حد ريح عليه هايبان فيه بسرعة و خصوصا لو حد قعد عليه
أي يكن (كاربون فيبر أو فيبر عادي ) بس الكاربون فيبر أقوى في التحمل .
شوف لو الأماكن اللي بتروحها عشوائيات و الناس بتريح على العربيات عادي و ممكن تقعد عليها يبقى بلاش أحسن و هات الصاج على طول

و أبقى قلنا بسام قالك أيه و التكلفة كام ؟

المشاركة الأصلية كتبت بواسطة أبومعاذ

للتوضيح ....الكاربون فايبر أقوى من الصاج و أخف و عشان كدا بيكون أغلى

اللي أعرفه يا أبو معاذ
أن علشان الكربون فيبر يكون أقوى من الصاج لازم يكون نفس الوزن و الحجم المصنوع منه الصاج و بكدا فقدنا الميزة الأساسية اللي بندفع فيها الثمن الغالي للكاربون فيبر و هي الوزن .

و الصاج أقوى طالما أتقل ... التخانة أقوى
و كمان بيبان في التثبيت اللي بيكون من كل مكان لتثبيته في مكانه نظرا لخفة وزنه و عدم قدرته على مقاومة الهوا الزائد بدون تثبيت قوي بعكس الصاج .
هو هنا هاناخد مميزات تانية من الكاربون فيبر و هي خفة الوزن و السلاسة مع الخبطات الخفيفة خالص .

دي صورة لمتسابق على عجلة مصنوعة من الكاربون فيبر
و خلي بالك دي صورة واحد محترف في سباق رسمي

[img2]http://1.bp.blogspot.com/_V54WWNeyyp4/TAfWT1tAcwI/AAAAAAAACVk/klrdw7k2Ou0/s1600/crash+1.jpg[/img2]

المعلومات دي جمعتها من فترة كبيرة علشان كنت بفكر في كبود للجين 2 كاربون فيبر و عرفت معلومات مزهلة عنه في الفترة دي .
و في النهاية ............... الله أعلم بكل شئ

انت مش لاقي الكابوت بتااعك ولا اية بالظبط