تقييم الماتريا

**modykh** · 12-10-2008 11:15 AM

انا مش عارف موضوع مركز الخدمة ده بس ممكن تتأكد بنفسك انك تشوف الانذار مكتوب عليه Daihatsu و يكون ياباني
و بالنسب لل Illuminator انا برده مسألتش عليه
و انا بحط بنزين 92 و ده اقل حاجة العربيات الجديدة بتسمح بيها (علشان العربيات المجهزة للعمل بالبنزين الخالي من الرصاص بيكون فيها مكونات بتبوظ من اقل من 92)
و بالنسبة للايرباج:
انا معايا المانيوال PDF ممكن ابعتهولك EMAIL لأن الموضوع اكبر من حزام, و فيه عوامل تانية كتير بتأثر

**GMakram** · 12-10-2008 08:49 PM

التقييم فعلا ممتاز شكرا انا استفدت منه جدا,كان عندى سؤال هل الماتريا ينصح لها ببنزين 95 ولا ممكن 92؟وهيقصر على العربيه سواء قطع غيار او سحب؟سحب الموتور مش سحب جوايز

**modykh** · 13-10-2008 09:22 AM

كل العربيات فوق موديل 97 (ماعدا الروسي و الفيات التعبان بتاع مصر 128 و الشاهين) فيها محول حفزي داخل الموتور (سبيكة من معادن معينة داخل غرفة الاحتراق) و دي علشان البنزين الخالي من الرصاص يشتغل كويس
السبيكة دي مكتوب في معظم كاتالوجات العربيات ان أقل بنزين مسموح بيه علشان تحافظ عل عمرها هو 92 (حتلاقي الكلام ده مكتوب بوضوح جدا في العربيات الخليجي)
و المفروض انها تعيش لغاية من 15 الى 20 سنة و لكن مش مضمون عمرها بالنسبة لبنزين اقل من كده و خصوصا ال 80
انا لاحظت ان في ناس بتحط للعربيات الانسر بنزين 80 و شفت ان صوتها بقى عالي جدا بعد شوية و بقى سحبها تقريبا زي ال 128
و انا كان عندي تويوتا خليجي قعدت معايا 10 سنين من ما اغير ليها غير سير الكاتينة بس و عملت بيها 300000 كم و الموتور لسه بحالته تماما مع العلم اني كنت باحط 90 (ايام ما كان رخيص) و بعدين 92

**Noha.M** · 13-10-2008 09:23 AM

هي الماتيريا المانيوال الهاف اوبشن كماليتها ايه؟

موضوع جميل جدا :)

**champoo** · 13-10-2008 05:20 PM

المشاركة الأصلية كتبت بواسطة Noha.M

هي الماتيريا المانيوال الهاف اوبشن كماليتها ايه؟

موضوع جميل جدا :)

الهاف ابوشن اعتقد انها بتنقص بس فى انه الكنبة اللى ورا مش بتتحرك علشان توسعى الشنطة و مافيشها abs و الفول ابوشن مانيوال تنقص بس فى ال abs ده كلام على حد علمى و لو فيه غلط حد يصلحلى

**معاذ الشرباصى** · 13-10-2008 05:23 PM

المشاركة الأصلية كتبت بواسطة Noha.M

هي الماتيريا المانيوال الهاف اوبشن كماليتها ايه؟

موضوع جميل جدا :)

مفيش ماتيريا هاف اوبشن خلاص

بطلوا ينزلوها

**Noha.M** · 13-10-2008 05:24 PM

المشاركة الأصلية كتبت بواسطة معاذ الشرباصى

مفيش ماتيريا هاف اوبشن خلاص

بطلوا ينزلوها

مش هينزلو يا معاذ فى السعر شوية بتاع موديل 2008 ؟؟

**معاذ الشرباصى** · 13-10-2008 05:39 PM

المشاركة الأصلية كتبت بواسطة Noha.M

مش هينزلو يا معاذ فى السعر شوية بتاع موديل 2008 ؟؟

2008 سعرها كالاتى

101 الف للمانوال فول اوبشن

108 الف للوتوماتيك فول اوبشن

مو 2009 هتزيد الف و نص

فى عربيتين ماتريا لونهم ابيض لؤلؤى مو 2007, فول اوبشن اتوماتيك معروضين ب 102 الف

------------------------------------------------

ينزلوا صعب شوية

العربية سعلاها اكتر من ممتاز بالنسبة للكماليات اللى فيها

و مفيش عربية غيها الحاجات اللى فى الماتريا و بسعر قريب حتى من الرقم ده

هى يعيبها شكلها, ان مش كل الناس تتقبله بسهولة

**madoo** · 13-10-2008 09:37 PM

يا جمااااااااااااااااااااااا اااااااعه يا جمااااااااااااااااااااااا ااااعه

انا كنت عاوز اسأل على الصاج جامد ويستحمل ولا ...................

وياريت لما ترد تقول هو مثلا زى ايه ؟ يعنى تقول هو مثلا زى صاج العربيه كذا او كذا من العربيات المشهورة وتديله كام من عشره ؟؟؟؟؟؟؟؟؟؟؟؟؟

وانا الميل بتاعى اهو علشان عاوز المانيول بى دى اف

madoo_mayood@yahoo.com

معلش هاتعبك معااااااااااايا

انا خلاص هشترى على شهر واحد اللى جاى ان شاء الله

بس هو فى فرق بين 2009 2008 2007

وكمان انا كنت قاريت فى اخبار السيارات ان موديلات 2009 بنفس سعر 2008

ولو زاد هيبقى فى 2008 فى شهر واحد اللى جاى

**madoo** · 13-10-2008 09:39 PM

انا بقصد ان موديلات 2008 هتبقى موجودة فى شهر واحد لسه

وياريت توضح الفروق بين الموديلات دى فى ايه ؟؟؟؟؟؟؟؟؟؟

الموضوع: تقييم الماتريا

LinkBack

أدوات الموضوع

عرض

-

-

-

-

-

المواضيع المتشابهه

ملاك الماتريا مساعده

الماتريا ما لها وما عليها

لمــــــاذا ينخفض سعر اعادة بيع " الماتريا " ؟ و لا ده السعر الطبيعي ؟

عداد حراره في الماتريا

تقييم للسوران يا خبراء ( تقييم لكفاءة السيارة كسيارة فقط )

الكلمات الدلالية لهذا الموضوع

المفضلات

المفضلات

ضوابط المشاركة