هل هناك delay فى نقل السرعات سيريون 1.5

**walidfeteha** · 12-10-2008 04:59 PM

(سيريون 1.5 أوتوماتيك)
1- أثناء القيادة العادية داخل البلد فى الرجوع من سرعة عالية الى سرعة منخفضة ثم أضغط على دواسة البنزين بالشكل الطبيعى لزيادة السرعة تدريجيا فيكون هناك تأخير قبل أن تعشق الغيار الماقبل للسرعة ؟ وهذا يحدث غالبا فى السرعات التى تتراوح بين 40-80 كم /س.
2- وهل أنه طبيعى أن السيارة تنقل من الغيار الثالث الى الرابع فقط عندما تزاد السرعة من 80 الى 85 كم /س على عكس باقى الغيارات فهى على الأقل تأخد سرعة 20 كم سرعة مابين نقلة غيار وأخرى؟
أرجو من السادة الأعضاء الإفادة و أعذرونى على أول مداخلة تكون بشكوى وعلى كل حال أنا أتشرف بكونى انضممت لهذل المنتدى الذى هو فعلا ناجح وهادف وقبولكم لعضويتى .......

**أبو عبدالله** · 12-10-2008 05:36 PM

1- دي حالة طبيعية في الأتوماتيك عادي يعني

2- دي برضه حالة طبيعية لأن المقياس لنقل كل نقلة ليس هو انها تعدي 20 كم
وانما المقياس ان العربيه توصل للسرعه المناسبة لها بأقل عدد لفات ماتور واقل استهلاك

وهو ده اللي بيحصل لما بتقرب من 90 كم او 100 كم لأن دي السرعه المناسبة لأفضل اداء مقابل الأستهلاك لأي عربيه

فطبيعي العربيه بتنقل لأخر سرعه علشان تعطي اقل عدد لفات ماتور

**mohamed_rhem** · 12-10-2008 05:46 PM

اولا اهلا بيك في نايل موتورز
ثانيا اهلا بيك في منتدي دايهاتسو
ثالثا حضرتك بتتكلم عن تأخير في استجابه العربيه
ممكن يكون طبيعي جدا زي ما الاخ الفاضل ابو عبدالله تكرم وشرح
وممكن يكون عندك مشكله افتكر لو العربيه معاك بقالها فتره وده تغير يبقي في فعلا مشكله
انما لو لسه شاريها ممكن تكون هو ده ادائها بس افضل تقارنها مع واحده زيها وانت تحكم بنفسك لان التاخير لو لحظي انت بس اللي تقدر تحكم عليه
ابو اياد

**eng_ah_xxxx** · 13-10-2008 09:51 AM

السلام عليكم, أنا أملك سيريون 1500 2008 عاملة حوالى 2300 كم , بالنسبة لموضوع التأخير فى النقلات هو عندى أيضاً وأيضاً الأستجابة للكيك داون متأخرة قليلاً وعلى فكره هذا كلة ظاهر فى 1500 زيادة عن 1300 قليلاً لكن عادى ولا يوجد ما يدعو للقلق