ثبتونى و خدو العربيه علشان حبيت اعمل خير فى يوم ليله القدر

الحكايه و ما فيها انى بعت عربيتى و ليا عمى مسافير فى السعوديه قلى خد عربيتى امشى بيها هى تيوتا كرولا 2010 قلتلو شكرا الكلام ده كان 25 رمضان
يوم 27 رمضان روحت صليت و را محمدجبريل و خرجت قولت نتسحر انا و اصحابى
اتسحرنا و وصلتوهمو انا راجع قدام كارفور المعادى كده على الدائرى لقيت موتسيكل مقلوب كده و واحد مرمى فى نص الشارع و محدش معبرو قلت لازم اشوف فيه ايه الشهامه خادتنى و روحت راكن و نازل نزلت لقيت راجل فى حدود 50 سنه بيتوجع قول منزلت لقيت 3 اتلمو اكنوهم شافو الحادثه و جم
خير خير
حكيت القصه قلولى كتر خيرك و بيتاع طبعا الساعه 3 الفجر
انا معيا مسدس فى العربيه و كان فى ادى بس انا مشكتش خالص لان الراجل كبير
المهم قلولى ممكن نواديه المستشفى
انا قولت اكسب ثواب و بى المره اصلى الفجر بس عملت ناصح و قولت حد شاهد ياجى معيا لايت اتنين قالو نجى معاك
طبعا كل ده فيلم و انا اهبل
ركبنا و راسمو عليا الحوار و انا صدقت
و جينا فى حته كده و لقيت الوريا معاه مسدس ءالى و حاطو فى راقبتى و قالى اقف
قلتلو ليه قلى مفيش هنقلبك بس قلتلو حاضر
وقفت قالى معاك فلوس قولت معيا 200 جنيه
قالى طب انزل قولت انزل يمكن حد يشوفنى و ينقذنى محدش عبرنى
الراجل الكان ميت على الارض قام زى الحصان و طلعلى سكينه طويله كده غالبا سنجه قالى انتا طيب اوى
اه والله قلتلو الله يخليك قالى و علشان كده انا هسيبك تروح
قلتلو ده كرم منك
قالى بس من غير اى حاجه
قلت ازاى قالى كده و راح واخد المحفظه و الموبيل و المفاتيح كولها و 200 جنيه و تيشرت بيتاعى
طبعا كل ده و انا الالى فى راقبتى و مفيش حد فكر يوقفلى على الادائرى هى كانت حته ضلمه جدااااااااااااااااااااااا اااااا و وخدونى ورا العربيه من ناحيه الرصيف
و راح مقلعنى الكوتش و رمى عينو كده شاف المسدس قالى دنتى شقى و خدو هو كمان
و الله كل ده و ماسورت الاى فى راقبتى و كان بيقولى كل كلمه منك برصاصه و برضو هقلبك
انا سكت خالص و سعتها ادن الفجر و الا فرق معاهم طبعا شعورى مش قادر اوصفو
العربيه مش بيتاعتى و معيش فلوس اجبلو غرها اتمنيت اموت بس العمر غالى والله الحمدو الله
راحو ركبين و ادونى 5 جنيه و ضربونى على دماغى بالسنجه دى و جريو بالعربيه و سبونى كده
فضلت قاعد على الرصيف من ادان الفجر لا ساعه 7 او 8 و رواحت
عملت محضر فى القسم
و دى قصتى
الحلقه الجايه هاعرفكو على اكبر عصابه سيارات ملاكى و اجره فى شيكاغو مصر سابقا
قول يا رب

الحمد لله ان انت بخير
وربنا يعوض عليك انت وعمك

بس انت فعلا طيب اوي
النهاردة في مصر لا تقف لحد ولا حتي لو شحاتة قابلتك تقولها الله يسهلك
الدنيا مالهاش امان

والله المستعان
،
،

اقتباس:

---

المشاركة الأصلية كتبت بواسطة syd

الحمد لله ان انت بخير
وربنا يعوض عليك انت وعمك

بس انت فعلا طيب اوي
النهاردة في مصر لا تقف لحد ولا حتي لو شحاتة قابلتك تقولها الله يسهلك
الدنيا مالهاش امان

والله المستعان
،
،

---

دانا ساذج يا كبير ربنا يخليك

ربنا يعوض عليك

انت مش ساذج ولا حاجة انت عملت الصح بس للاسف احنا اللى في بلد غلط ! !

ماتضايقش نفسك او تلوم نفسك على تصرفك ده لانك عملت خير

وربنا هيعوضك وحقك لو ماخدوش في الدنيا هتاخده اضعاف مضاعفة في الاخرة ان شاء الله

لا حول ولا قوة الا بالله
متقلقش اخى الحبيب انت هتاخد حقك منهم يوم القيامه ان شاء الله ان الله لا يخفى عليه شىء فى الارض ولا فى السماء هتاخد حقك متقلقش
لا تحزن ابدااااا انت الكسبان والله بس انت مش حاسس
شده وهتزول بعون الله

مش عارف اقولك ايه
انته اتصرفت بحسن نيه واكيد ربنا هيعوضك ان شاء الله
ربنا يعوض عليك

لا حول ولا قوة الا بالله .... الجمد لله ...

انت اتصرفت صح ... فى الموف الاول واتصرفت صح فى الموقف التانى ... وتفكيرك سليم

ربنا يعوضك ....

الحمدللة على سلامتك بس الزمن دة مش بتاع شهامة

لا حول ولا قوة الا بالله
ربنا يعوض عليك

وينتقم منهم :@

اقتباس:

---

المشاركة الأصلية كتبت بواسطة madoo_600

ربنا يعوض عليك

---

يا رب

اقتباس:

---

المشاركة الأصلية كتبت بواسطة ahmod

انت مش ساذج ولا حاجة انت عملت الصح بس للاسف احنا اللى في بلد غلط ! !
الحمد
لله
ماتضايقش نفسك او تلوم نفسك على تصرفك ده لانك عملت خير

وربنا هيعوضك وحقك لو ماخدوش في الدنيا هتاخده اضعاف مضاعفة في الاخرة ان شاء الله

---

هاخدو فى الدانيا باذن الله

اقتباس:

---

المشاركة الأصلية كتبت بواسطة ramynabilpop

لا حول ولا قوة الا بالله
متقلقش اخى الحبيب انت هتاخد حقك منهم يوم القيامه ان شاء الله ان الله لا يخفى عليه شىء فى الارض ولا فى السماء هتاخد حقك متقلقش
لا تحزن ابدااااا انت الكسبان والله بس انت مش حاسس
شده وهتزول بعون الله

---

يا رب بس هاجبها باذن الله

اقتباس:

---

المشاركة الأصلية كتبت بواسطة mohamed_e36

مش عارف اقولك ايه
انته اتصرفت بحسن نيه واكيد ربنا هيعوضك ان شاء الله
ربنا يعوض عليك

---

ؤبنا يخليك

اقتباس:

---

المشاركة الأصلية كتبت بواسطة tigernet

الحمدللة على سلامتك بس الزمن دة مش بتاع شهامة

---

والله معارف يا صحبى الزمن الغلط و لا احنا الغلط

لا اله الا الله ولا حول ولا قوة الا بالله , هى الدنيا جرى فيها ايه ؟؟ ربنا يعوضك خير فى الدنيا والآخرة . و متزعلش على حاجة ربنا بيقطع من هنا و يوصل من هنا ....
ربنا يهدى الناس كلها يا رب ....

اقتباس:

---

المشاركة الأصلية كتبت بواسطة Waelemam2008

لا حول ولا قوة الا بالله
ربنا يعوض عليك

وينتقم منهم :@

---

يا رررررررررررب

اقتباس:

---

المشاركة الأصلية كتبت بواسطة myself112

لا اله الا الله ولا حول ولا قوة الا بالله , هى الدنيا جرى فيها ايه ؟؟ ربنا يعوضك خير فى الدنيا والآخرة . و متزعلش على حاجة ربنا بيقطع من هنا و يوصل من هنا ....
ربنا يهدى الناس كلها يا رب ....

---

الحمد لله ربنا يخليك على شعورك

حمدلله علي سلامتك يااخي وربنا هيعوضك خير "وعسي ان تكرهوا شيئا وهو خير لكم" شكرا ليك علي تحذيرنا وان شاء الله ربنا يعوضك بالعربية ترجع او باحسن من كده دنيا وآخرة...ايهاب

اقتباس:

---

المشاركة الأصلية كتبت بواسطة windsofchange

حمدلله علي سلامتك يااخي وربنا هيعوضك خير "وعسي ان تكرهوا شيئا وهو خير لكم" شكرا ليك علي تحذيرنا وان شاء الله ربنا يعوضك بالعربية ترجع او باحسن من كده دنيا وآخرة...ايهاب

---

الحمد الله بس المشكله ان العربيه بيتاعت عمى

ان شاء االله ربنا يعوضك بالى احسن من كده ويوفقك فى انك ترجع حقك ان شاء الله

لا حول ولا قوة الا بالله
مش عارف اقلك اية
بس اقلك ربنا هايجاازيك خيير انشاء الله

حمدالله علي سلامتك

ربنا يلطف بينا جميعا

قدر الله و ماشاء فعل
اللهم اجره فى مصيبته و اخلف له خيرا منها امين
انت اللى عملته ده الفطره السليمه للاى انسان وبعدها انسااااااان للى هيعمله لما يلاقى حد فى مشكله وعايز يعمل خير و يساعدوا وما تندمش على اللى انت عملتوا ما تعرفش الخير فين و ربنا مخبيلك ايه
العالم دى بيتفننوا انهم ازاى ينصبوا و ازاى فى نفس الوقت بطريقه غير مباشره تخلى الناس ما تعملش خير خلاص هنبقى زى اوروبا اللى يقع جنبك ما تقولوش مالك و لا تقرب منه تخاف يلبسك مصيبه
بس ارجع و اقول لازم ما نتخلاش عن فطرتنا و هى مساعدة الاخرين عند الحاجه لانى ده و اللهى اللى فاضل الايام دى انى كل واحد يحس بأخوه
وقلبى عندك والله المستعان

لا حول ولا قوة إلا بالله

اللهم اجرك فى مصيبتك وأخلفك خيرا منها

تحب تقول إيه للناس اللى بتشكك فى الإنفلات الأمنى

وبيقولوا ان كل ده كلام فارغ

ومفيش تثبيت ولا حاجه

والطرق فى منتهى الأمان !!!!!

اقتباس:

---

المشاركة الأصلية كتبت بواسطة elawany13

تحب تقول إيه للناس اللى بتشكك فى الإنفلات الأمنى

وبيقولوا ان كل ده كلام فارغ

ومفيش تثبيت ولا حاجه

والطرق فى منتهى الأمان !!!!!

---

نقولهم خليكو عايشين ف الكيكة ...

لصاحب الموضوع ... أن الله لايضيع أجر المحسنين ... جزاك الله خيرا علي حسن نواياك ...
وحقك هتاخده إن شاء الله ف الدنيا والأخره ... كن علي يقين أن حقك لم يضيع ...

لاحول ولاقوة إلا بالله

ربنا يرزقهم بمصيبه من عنده

ويرزقك عوضا عن عربيه قريبك خيرا منها

بس معلش هوه فيه جزء تانى للموضوع زى مابتقول

والله حزنت لما قريت الكلام دا
ولكن اقولك
( ما عندكم ينفذ و ما عند الله باق )
( و عسى ان تكرهوا شيئا و هو خير لكم )
تاكد انه خير من الله.... لعل الحسنات اللى هتاخذها منهم يوم القيامة تدخلك الجنة او ترفع درجتك

حسبى الله ونعم الوكيل
يعنى المفروض لما الاقى واحد مرمى فى الشارع ادوس عليه واكمل طريقى ؟

ربنا يرجعلك حقك ان شاء الله وهما بقي يصرفو كل مليم خدوه علي صحتهم ان شاء الله ويكون نار في اجسادهم باذن الله

انا برده اتسرقت قبل كده بس بيتي هو اللي اتسرق بس الحمد لله متحطتش في نفس موقفك ومش عارف لو كنت موجود كنت عملت ايه بس ساعات بقول لنفسي مستحيل اعديها كده وياقاتل يامقتول وخصوصا زي مابتقول ان كان معاك مسدس

انت ليه مخديش الفاتيح اول لما نزلوك وطلعت تجرى
هو اخره لو مبلبع او قتال قتلة هيضرب طلقتين وان كنت اشك انه ممكن يعمل كدا لان الصوت هيلم امة لا اله الا الله
واهم نصيحة لو معاك مسدس صوت او حى مطلعوش غير لو انت متأكد انك هتضرب فعلاً لكن تطلعه ادام بلطجى حتى لو معاه سنجة يبقى انت كدا بتستفزه لاخر درجة زممكن لا قدر الله الموضوع ينتهي مش كويس

فيه موضوع هنا فى المنتدى زي database كدا لكل العربيات اللى اتسرقت حط عربيتك لعل وعسى

ربنا يعوضك خير و بجد انت انسان محترم فى زمن قل فيه الاحترام

اقتباس:

---

المشاركة الأصلية كتبت بواسطة razini89

حسبى الله ونعم الوكيل
يعنى المفروض لما الاقى واحد مرمى فى الشارع ادوس عليه واكمل طريقى ؟

---

مش قادر اقولك ايوا لانى بكدا بنهى عن المعروف
بس بيتهيألى فى الظروف اللى احنا فيها دي الافضل انك متقفشى ابداُ واتصل بالاسعاف 123 او بلاغات حوادث الطرق 0121110000 وبكدا تبقى ضمنت نفسك واجدت الثواب كمان

ربنا يعوضك خير

ولا تحزن وأحتسبها عند الله .....وتأكد أن ربنا كريم وهيعوضك فى الدنيا والاخرة

ربنا يفرج همك وكربك ويرزقك من حيث لاتحتسب

وكلنا أخوة هنا لو عايز اى مساعدة فى اى حاجة احنا تحت أمرك

لا اله الا الله ربنا يعوض عليك وكويس ان انت تمالكت اعصابك ان كل ده يحصلك بس انا عايز اقولك حاجة مع اختلاف الاراء والمشاركات اللى قريتها طبعا انت عملت الصح ولانك فعلا طيب والكلمة دى مش عيب واكيد علشان انت كده انت متوقعتش سوء النية انا بقى من قبل الثورة بمراحل وسنين كتيرة كنت بسمع عن حوادث مشابهة كده كتيير وفى البيوت كمان علشان عارفين ان فيه ستات بيوت كتيير موجودين والرجالة فى اشغالهم والاطفال افنا بقاللى فترة كبيرة لما انتشرت مواضيع النصب والاختتطاف واللى بسمعه ده وانا مبقفش لحد بعربيتى ومتوقع سوء النية فى اى وقت منبه على مراتى متفتحش الباب لحد خالص حتى لو ست كبيرة وتقولك عايزة اشرب مياه والا بتاع الغاز ولا بتاع الكهرباء ولا اى حد خالص كل ده ليه علشان احمة نفسى واسرتى من الحوادث المشابهة ومؤمن جدا بقدر ربنا سبحانه وتعالى بس لازم ناخد احتياطنا بالكامل نعمل اللى علينا والله ساعات ناس كتيرة تشاورلى ومنهم ناس كبيرة فى السن وابقى بتقطع من جوة ونفسى اقف وحاسس بيهم لكن بخاف يحصل حاجة مش متوقعة وعارف انه تفكير غلط بس لازم اعمل كده بس اللى بقدر عليه انى اوقف الطريق علشان الناس الكبيرة تعدى والاطفال والستات وربنا يستر علينا كلنا ويرحمنا اللهم امين

لا حول ولا قوة الا بالله. الناس دى مش ها تتعظ الا لو الشعب هو اللى قام عليهم. الناس دى فعلا اجبن خلق الله، ايام اللجان الشعبية كانوا جبنا جداااااا.

لا تحزن يا صاحبى وثق ان ربك ها يجازيك كل خير فى الدنيا والاخرة والحمدلله اهوه حاسس من كلامك انهم مسكوا الناس دى وان العربية قريب ها ترجع.

لا حول ولا قوة الا بالله. الناس دى مش ها تتعظ الا لو الشعب هو اللى قام عليهم. الناس دى فعلا اجبن خلق الله، ايام اللجان الشعبية كانوا جبنا جداااااا.

لا تحزن يا صاحبى وثق ان ربك ها يجازيك كل خير فى الدنيا والاخرة والحمدلله اهوه حاسس من كلامك انهم مسكوا الناس دى وان العربية قريب ها ترجع.

اللهم ااجره في مصيبته واخلفه خيرا منها
انا لله وانا اليه راجعون
ربنا يعوض عليك ويخلف عليك خير

انته اخدت العربيه وبعتها وقلت لينا القصه الحلوة دى -------------- عموما دة قدرك وربنا ان شاء الله هيعوضك المهم الصبر وان شاء الله جزاءك كبير عند ربنا والحمد لله انه لم يصبك مكروة وتاكد ان الناس دى هتاخد عقابها يمهل ولا يهمل

الحمد لله ان الواحد بيلاقي اللي بينصحه
والدي دايما مع اني متجوز ومخلف لكن دايما يقولي اوعي تقف لحد كبير او صغير حتي لو شرطه الا اذا كان في كمين ولا حاجه زي كده

مراتي من اول الثوره وهي مش بتفتح لحد حتي بتاع النور والمياه ياما جارتنا بتدفعله او بيحط الوصل وانا لما اروح ابقي ادفعله

المهم انت بخير وربنا يعوض عليكم

لا حول ولا قوة الا بالله
ربنا يعوضك خير و الحمد لله انك طلعت سليم مع ناس زي دي كان ممكن يصفوك و انت واقف
ولا يرمش لهم جفن .
قدر الله و ماشاء فعل و ربنا يجازيك كل خير علي نواياك الطيبه .

ربنا يجيرك فى مصيبتك
سبحانك اللهم وبحمدك ، أشهد أن لا إله إلا أنت أستغفرك وأتوب إليك