مقارنه بين سيارت الفئه السعريه 110000 الي 120000

ارجوا من الساده الاعضاء المقارنه بين
1- المتسوبيشي البومه 1600 و hp 121
2-الشقوليه كروز 1600 و 107 hp
3- الانترا 2012 1600 و 130 hp
4-الكيا كارينز 1600 و ؟؟؟ hp
5-المتسوبيشي البومه 1500 و ??? hp
6-النيسان تيدا
7-الفلورنس
( طبعا هذه الفئه السعريه لهذه السيارات قد تتيح هذه الانواع مع اختلاف الاوبشن يعني الكروز و البومه و كارنز هيبقوا اوتومتك في حين الالنترا و البومه و الفلورنس مانسوال) عموما اوجه المقارته هتكون
1- العفشه ونظام التعليق
2- الثبات و وزن السياره الخالي
3- الفرامل
4-التكيف و اداء السياره معه وايهم يعمل بنظام درجات الحراره (تاتش)
5-السعه الداخليه للسياره و الشنطه
6-اداء السياره
7-سعر اعادت البيع
8- متانت و سمك عضم السياره
9-معدل استهلاك البنزين:36_1_37[1]:

مفيش لانسر بومة 1500 الشارك هى اللى بتنزل 1500 بقدرة اكبر من موتور البومة ال 1600

1- العفشه ونظام التعليق لانسر والفلونس عشان دول على نظام multi link خلفى
2- الثبات و وزن السياره الخالي فلونس
3- الفرامل فلونس عشان الطنابير الخلفية disc مش drum زى بقيت الحجات
4-التكيف و اداء السياره معه وايهم يعمل بنظام درجات الحراره (تاتش) اللانسر والتيدا احسنهم والفلونس اسوءهم, مفيش عربية من العربيات دول فى الفئة 110000 الى 120000 فيها تكييف اوتو او تاتش
5-السعه الداخليه للسياره و الشنطه الانترا 2012 وكارنز بفرق كبير
6-اداء السياره لو قصدك التسارع يبقى الانترا
7-سعر اعادت البيع لانسر والانترا والكارينز افضل سعر اعادة بيع
8- متانت و سمك عضم السياره متدقش فى دى عشان تقريبا كله متقارب فى النقطة دى عشان مفيش عربية المانى فى المقارنة

بس تصحيح صغير اللانسر بوما 1600 اوتو ب 116000 تقريبا فتقدر تدخلها معاك فالميزانية, المانول 1600 ب 110000 على ما اتذكر

متشكر للمشاركات السابقه من نحيتي انا بسال علي الكارينز للاسف متهيقلي الناس الي بتقول ان متورها 1600 بقوه 124 حصان الكلام ده مش مظبوط انا اتكلمت مع ناس كتير في الشارع و اكتشفت ان تسارها مش اد كده و التكيف العادي مش اد حجم العربيه علشان كده يبقي العربيه ميزتها الاولي الحجم بالنسبه لاعاده الابيع سعرها محترم بالنسبه لعضمها متوسط مش وحش الثبات صحبي معاه وحده سافر بيها الغردقه جاب 180 السياره ثابته و ان كانت السياره الي معاه خليجي لانه مبيشتكيش من التكيف بصراحه ثلاجه يعني متهيقلي احسن فئه في السياره ده هي الخليجي السعودي علشان التكيف بس للاسف جيبها ب 130000 بالنسبه للوزن خالي مابين 1500 و 1600 كيلو جرام لان في منها اوربي 2000 سي سي بيبقي 1600 كيلو جرام اما بالنسبه لمعدل استهلاك الوقود في تناقد ناس بتقول كويس و ناس بتقول كتير علشان حجمها و متورها القليل عليها
حكمي النهائي (السياره ده اقرب حاجه للفان عائليه مش شبابيه الناجح منها الخليجي علشان التكيف والسحب بس مش عارف الخليجي السعودي بيبدا بكام) هحاول اجيب معلومات عن باقي السيارات الباقيه

بالنسبه لللانسر البومه مش محتاجه كلام ماتور 1600 سي سي قوه 121 حصان السياره تسارعها محترم و من افضل السيارت في المقارنه من ناحيه العضم و الثبات من الاخر حمارت شغل وكفايه انها ياباني عيبها الوحيد شكلها بقالوا كتير في السوق انما هي فنيا من افضل السيارات في المقارنه و شبابيه و عائليه يريت لو حد يعرف معلومات عن شارك مزايا و عيوب يقول و متورها 1500 كام حصان

مطلوب معلومات اكتر علي الفلورنس و الانترا 2012 و المتسوبيشي الشارك و تيدا و الكروز

مقارنة مهمة لفئة تعتبر تتنافس فيها اغلب السيارات

اقتباس:

---

المشاركة الأصلية كتبت بواسطة mohamedalielsayed

بالنسبه لللانسر البومه مش محتاجه كلام ماتور 1600 سي سي قوه 121 حصان السياره تسارعها محترم و من افضل السيارت في المقارنه من ناحيه العضم و الثبات من الاخر حمارت شغل وكفايه انها ياباني عيبها الوحيد شكلها بقالوا كتير في السوق انما هي فنيا من افضل السيارات في المقارنه و شبابيه و عائليه يريت لو حد يعرف معلومات عن شارك مزايا و عيوب يقول و متورها 1500 كام حصان

---

الشارك افضل من البومة فى كل حاجة (الموتور, العفشة, الثبات, التكييف, استهلاك البنزين, وسع الصالون, الكماليات,الشكل الخارجى والداخلى, دة بحكم فرق تكنولوجيا 2008 عن 2004) فيما عدا سعر اعادة البيع لعدم انتشارها زى البومة عشان سعرها عالى ووسع الشنطة البومة تكسب
بس المشكلة انها برة المزانية, سعرها بيبتدى من 135000

السعر ال135000 ده في الاوتوماتك للشارك متهيقلي المانوال اقل بس مش عارف بكام

1- للاسف الكروز و الكارينز الاتنين بحكم غالبيت الناس بطه بلي علشان الماتور قليل علي السياره و الكارينز الافضليه للخليجي علشان التكيف .
2- اللنسر الشارك و التيدا سعر اعادت البيع قليل لعدم انتشارهم و كنت سامع ان الشارك فيها مشاكل في الثبات علشان عيب في الميزان الخلفي
3- الفلونس طلعت تقفيل تركي و مع احترامي لها كسياره بس مش هدفع 120000 في سياره تقفيل تركي هي بس عفشتها كويسه و ثابته و في مشاكل مع تكيقها شويه عربيه اوربيه برده
يعني يتبقي اللنسر البومه و الانترا الجديده و معلش علشان معايا وبترا هدخل الكروز معاهم في التصفيه الاخيره
الانسر 1600 بقوه 121 حصان شكل من 2004 عفشه جيده 09\10عضم تمام 9\10 و ثبات9\10 (ياباني)
الكروز 1600 بقوه 107 حصان شكل من 2009 عغشه كوري جيده 8\10عضم 8\10 وثبات 10\10(كوري)
الالنترا 1600 بقوه 130 حصان شكل من 2011 عفشه ؟؟؟؟؟؟؟ عضم ؟؟؟؟؟؟؟ و ثبات ؟؟؟؟؟؟؟ (كوري)
هي بس اوسع من الكروز و اشيكهم و اقواهم من ناحيه الماتور و التسارع يريت لو حد عنده معلومات عن الالنترا الجديده يكتبها او ينصحني بقيه

اقتباس:

---

المشاركة الأصلية كتبت بواسطة mohamedalielsayed

السعر ال135000 ده في الاوتوماتك للشارك متهيقلي المانوال اقل بس مش عارف بكام

---

للاسف التوكيل الجديد منزلش شارك 2011 مانيول

يا جماعه انا النهارده شفت عربيه كروز اوتومتك في بارك المطار قلت اسئل صاحبها و هو رجل في اواخر الاربعينات فقال عن لسانه انه اولا مهندس ميكانيكي وصف ركوبت السياره اكنها ركوبه للمارسيديس او b.m.w وطبعا استغربت من الوصف فسئلته قلتله ان الماتور 1600 و بيدي 107 حصان رد عليا ان معضم الماكينات في السيارات الالماني بيبقي موتيرها كده و مبتزيدش عن 107 حصان قلته طيب حرق البنزين رد عليا ان الماكينه اصلها امريكي و لكن يجري عليها تعديلات علشان يقلل حرق البنزين علشان تبقي اقتصاديه و ده الي يبين ليه عزم الماتور للاوبترا اكبر من الانترا رغم فرق الهورس باور الناتج وقلي كل السيارات الالماني اول في تاني بتبقي تقيله بس بعد كده ايه تجري بالسياره و انتا ضامن ثبتها سئلته عن الالنترا الجديده اقلي ان مبيحبش الهونداي و بصراحه استغربت رد قلي ان كان معاه الهونداي الشيب قبل الحالي و مع ابنه بس عفشتها مش كويسه و خفيفه علي الارض مع السرعات مقارنتا ب الكروز و في الاخر نصحني اجيب الخليجي منها علشان دورات التبريد فيها بتبقي اقوي و موسيرها اكبر و ده بيساعد علي جعل اداء السياره افضل ناهيك عن التكيف كمان ده كان رايه بمنتها الامانه

نظام التعليق الخلفي ( العفشة ) :
- فليونس ... الأكثر تطورا و راحة للراكبين و متانة في نفس الوقت ( multi-link independent ) على 5 بارات .. مما يعني ثبات و اتزان غير محدود للسيارة و راحة و نعومة ممتازة للراكبين و درجة أمان عالية في أسوأ المواقف.
- لانسر شارك .. ( multi-link dependent ) مع مساحة صغيرة للبارات التي تبدو عريضة و متينة جدا ، فلديك الثبات الممتاز و الراحة المناسبة للراكبين ، يعيبها الارتفاع العالي عن الأرض الذي ربما يعطي البعض مع نظام التعليق السابق الإحساس بخشونة السيارة .
- لانسر بومه .. ( multi-link dependent ) على 2 بار بمساحة كبيرة ولكن مع بارات عريضة و ارتفاع مناسب عن الأرض مع setup لجسم العربية يحتك بالهواء على مساحات واسعة .. مما يعطي للسيارة ثبات جيد و لكن الراكبين في المقصورة الخلفية يشعروا ببعض الخشونة ... نسبة الأمان تعتبر جيدة ولكن تصميم نظام تعليق الشارك يعطي أمان أكبر.
- كيا كارينز .. ( multi-link dependent ) باريات عريضة لتحمل الوزن العالي للسيارة ، و لكن يعيبها اليايات الطرية جدا .. لو كان نظام التعليق تورجن بيم + يايات طرية كما في الكورولا .. كان سيشر الراكب بالراحة المتناهية و لن يؤثر كثيرا في الاتزان لأن المؤثر الأول في اتزان الكارينز هو وزنها و تصميمها .. بالتالي مع نظام كيا كارينز يشعر الراكب بالراحة على الطرق الممهدة أو النصف ممهدة ..أما الطرق القاسية نسبيا على سبيل المثال طريق ترابي داخل القرى ، سيشر الراكب باهتزازات قوية جدا كما لو كان في سيارة جامبو .. لن تشعر بخشونة للسيارة أبدا ولكن سيظل جسمك يهتز ارتفاعا و انخفاضا كما في سيارات الميكروباص ... ولكن تصميم نظام التعليق للكارينز ليس بالسيء كما أنه يعطي متنة و ثبات للسيارة.
- تيدا .. تورجن بيم .. ربما تشعر أنه نظام تعليق متأخر نسبيا في التكنولوجيا ، لكنه مع اليايات الطرية و التصميم المناسب و الارتفاع المناسب و تصميم مسافات التراك الأمامي و الخلفي المتناسق للسيارة يعطيك أداء مثالي جدا جدا خاصة في فئة الهاتش باك .. و ذلك نراه أيضا في سيارات الفيات برافو أو السيات ليون و هي فئات أعلى و مازالت تستخدم نظام التعليق تورجن بيم ، و لكن بتصميم متناسب يطعي الأداء الأمثل.
- كروز .. تورجن بيم .. مريح جدا للراكب ولكن مع وزن الكروز الكبير و المساحات الواسعة للاحتكاك بالهواء كان الأفضل أن يكون نظام تعليق متعدد الوصلات غير مستقل كما في الشارك أو مستقل كما في الفليونس ، و ذلك لزيادة الأمان في حالة مواجهة أي مطبات مفاجئة على الطريق على السرعات العالية.
- إلنترا .. ( multi-link dependent ) متعدد الوصلات غير مستقل .... ربما تقرأ الكلمة فتفاجئ لماذا تأتي الإلنترا في آخر الترتيب بالرغم من تطور نظامها عن الكروز و التيدا !! ولكن يعتبر الـ setup الكامل عموما للإنترا أيا كانت الشكل القديم أو الجديد مع نظام التعليق الخلفي هو الأسوأ في فئتها على الإطلاق !!! فهو مبني على 2 بار ضعيف جدا بمساحة كبيرة و سمك البار الواحد أقل من سمك بار البومة بما يزيد عن 30% و مصمم بدون مراعاة المسافة بين التراك الأمامي و الخلفي مع يايات طرية جدا جدا و وزن ضعيف للسيارة و تصميم لا يهتم بمساحات الاحتكاك مع الهواء!!! قد يشعر الراكب بالراحة المثالية بمعنى الكلمة ... بالفعل إلنترا تشعرك في الركوب براحة السيارات من الفئات العالية جدا ، ولكن ........ ثبات سيء في حالة مطب مفاجئ أو إن كان في الطريق أي عيوب مع السرعة + اتزان سيء بسبب التأثير سلبي لسرعة و مقاومة الهواء على السيارة و ستتأكد من ذلك إن حاولت قيادة السيارة على سرعات عالية في طرق صحراوية مفتوحة مع أي منحنى في الطريق سوف تفاجئ بإحساس بارتفاع السيارة بالكامل عن الأرض!!

الثبات ( أتمنى ألا يرتبط الوزن بالثبات ارتباط كلي و مبدئي ) :
- فليونس ... ليست الأثقل وزنا ، ولكنها الأكثر ثباتا و اتزانا .. ولاحظ أنها هي الأعلى فئة في كل التكنولوجيا .. و أنظمة أمان متطوره ، و الأكثر تطورا في أنظمة التعليق الخلفي ، و أفضل setup للشاسيه مع جسم السيارة ، و أفضل تقييمات أمان أوروبية و هي في كل مواصفات الأمان عموما تناهض بفوارق بسيطة الأوكتافيا و السيفيك و الجيتا ..
- ميتسوبيشي شارك ... ربما تأخذ الترتيب الثالث في الوزن ، لكن مع أنظمة التعليق الخلفي كما شرحنا بالسابق + أنظمة الأمان و الثبات في السيارة مثل ebd و غيره ، و مع اختبارات الأمان العالمية فهي تتفوق على كل مافي فئتها من الكوري إجمالا .. و كل ماقيل عكس ذلك كانت إما إشاعات أو كانت عيوب خاصه ببعض السيارات من توكيل الرواس بسبب خطأ في الميزان الخلفي ولكني لم أجد هذا العيب في أغلب السيارات التي كشفنا عليها شارك كما أني اختبرت السيارة بنفسي اختبار فعلي دقيق مع 3 سيارات أخرى من فئات كوري و ياباني و تفوقت عليهم بالكامل.
- كيا كارينز ... ربما يكون اختياري الثالث في الترتيب مفاجئ .. نعم أقر أن وزن كيا كارينز + نظام التعليق الخلفي المتين هو مايعطي الكارينز هذا الثبات العالي ، و على عكس ماتبدو الكارينز ضخمة بالتالي يتوقع البعض أنها غير ثابتة .. بالعكس ما حدث معي على سرعات 200-210 على الطريق الدولي الساحلي و كلنا نعرف أن الدولي الساحلي به كيرفات صعبة و بعض عيوب الأسفلت ، و كلن العربية أثبتت كفائة عالية جدا جدا معي في اختبار حقيقي صعب على أغلب السيارات في فئتها..فالوزن هو السبب الأول لثبات السيارة فوزنها يتعدى الـ 1600 كيلو و هو الأثقل في المقارنة إجمالا كما أن تصميم الشاسيه و جسم السيارة جيد و ملائم.
- ميتسوبيشي بومه .. كلنا نعرف الثبات العالي لهذه السيارة و لكن فارق العمر و التكنولوجيا ، فتأتي في ترتيبي في المركز الرابع و ذلك لخفة وزنها نسبيا مقارنة بالشارك .
- شيفروليه كروز .. المركز الخامس ، و تصميم جسم السيارة و الشاسيه جيد جدا ولكن كان يجب مع ضخامة الجسم وجود نوع تكنولوجيا في العفشة الخلفية متطور و متين للحفاظ على الثبات أكثر ، فبالرغم من أن وزن الكروز أكبر من وزن البومه إلا أن البومه تتفوق نسبيا و بفوارق بسيطة بسبب تصميم نظام التعليق الخلفي.
- هيونداي إلنترا .. الشكل القديم أو الشكل الجديد ، و مازال العيب قائم في كل إصدارات هيونداي بالكامل ( اللهم إلا الأكسينت شكل 2008 ، و سوناتا 2008 ) فقط لا غير .. أما باقي إصدارات هيونداي عموما هي الأسوأ في الثبات على السرعات العالية و الأخف في الوزن بالمقارنة بكل ما يناهضها ... فلدينا نظام تعليق خلفي ضعيف جدا مع يايات طرية جدا و الوزن خفيف مع عدم مراعات setup جيد لتصميم شاسية و جسم السيارة و حفظ مساحات مناسبة للاحتكاك مع الهواء كما أن أجد أنه كان يجب أن يكون تصميم مسافات التراك الأمامي و الخلفي مختلف كثيرا عما أراه في كل إصدارات هيونداي إجمالا .. فهيونداي دائما ما تهتم بالتسارع ولا تهتم بالأمان ، و هي سمة نراها جلية في كل الإصدارات.

قوة الفرامل :
- فليونس
- شارك
- إلنترا
- كارينز
- كروز
- بومه

التكيف ليس من اختصاصات بحثي ، ولكن تأثير التكييف على السحب هحاول على قد ماقدر مع إني ماجربتش موضوع التكييف ده في كل حاجة .. بس هقولك اللي أنا فاهمه :
- فليونس .. فقط لإن معروف إن الأوروبي عموما لا يؤثر التكييف في السحب .
- إلنترا .. فقط لأنها 130 حصان ، كما إن سحبها في العادي عالي.
- شارك .
- بومه .
- كروز .
- الكارينز هي الأسوأ على الإطلااااااااااااااااق خصوصا في موضوع التكييف مع السحب.

الاتساع الداخلي :
- كارينز .. بلا منافس.
- فليونس.
- شارك .
- بومه.
- إلنترا.
- كروز.

الأداء .. هو أنا مش فاهم يعني إيه أداء ..لكن هعتبر إنك بتسأل عن التسارع :
من 0 - 80 ( إلنترا - بومه - شارك - فليونس - كروز - كارينز )
أعلى من 80 ( فليونس - شارك - بومه - إلنترا - كروز - كارينز )

سعر إعادة البيع لا أهتم به على الإطلاق .. اعذرني ربما يفيدك فيه حد متخصص و متمرس أكتر في السوق.

المتانة ، و سمك الصاج :
- فليونس .. ليس لمتانة و سمك الصاج ، ولكن لعبقرية التصميم ، كما أن نوعية المادة المصنوع منها جسم السيارة مختلف تماما عن الصاج المعتاد ، ولكنه هو الأءمن للسيارة إجمالا.
- كارينز .. الصاج الأكثر متانة في باقي الاختيارات.
- الشارك .. مناسب ولكن ليست في الفورمة المثلى.
- البومة .
- الكروز .
- إلنترا .

آسف للإطالة ، ولكن كنت بحاول أضيف للموضوع وجهة نظر مبرره و منطقية.
وفي انتظار باقي الآراء.
-

الاخ العزيز Dawns_Mist
تحليل اكثر من رائع وخصوصا الجزء بتاع العفشة, فعلا فيه تفاصيل هايلة
اتفق معاك فى كل حاجة معادا التكييف لانه عن تجربة السيارات الاوربية الاسوء فى كفاءة تبريد التكييف ويمكن عشان كدة مبيكونش بيحمل على الموتور فمش بيقصر على السحب
بس عموما شكرا جزيلا على التحليل الهايل

اقتباس:

---

المشاركة الأصلية كتبت بواسطة ironhead

الاخ العزيز dawns_mist
تحليل اكثر من رائع وخصوصا الجزء بتاع العفشة, فعلا فيه تفاصيل هايلة
اتفق معاك فى كل حاجة معادا التكييف لانه عن تجربة السيارات الاوربية الاسوء فى كفاءة تبريد التكييف ويمكن عشان كدة مبيكونش بيحمل على الموتور فمش بيقصر على السحب
بس عموما شكرا جزيلا على التحليل الهايل

---

عندك حق فعلا .. أغلب الأوروبي كفائة التكييف بتاعته أقل بكتير من الياباني .. لكن أنا بس كنت أقصد التأثير على السحب .. حتى أنا أول ما بدأت أتكلم في نقطة التكييف دي .. قولت أنا بهتم بكفائة التكييف قد مابهتم بكفائة العربية ،لكن أنا هتكلم على تأثير التكييف على السحب .. بالتالي الأوروبي صحيح تكييفه مش قوي .. لكنه مش بيأثر على السحب فعلا..
و شكرا على الإطراء الجميل .. أنا بس كنت بحاول أدي الموضوع طابع عملي و علمي شوية لإن المقارنه فعلا مهمة.

نسيت أتكلم عن التيدا في باقي المواضيع غير العفشة ... بالتالي سريعا كده ...

في الفرامل هي التانية مباشرة بعد الفليونس
في تأثير التكييف على السحب هي الثالثة بعد الإلنترا 2012
في الأداء تأتي في الترتيب بعد البومة
في الاتساع الداخلي تأتي في الترتيب بعد البومه
في الثبات تأتي في الترتيب قبل البومه و بعد الكارينز
في المتانة تأتي في الترتيب بعد البومه

يارب أكون موفق في اختياراتي .. و يارب أكون عرفت أفيدكم

اقتباس:

---

المشاركة الأصلية كتبت بواسطة IronHead

1- العفشه ونظام التعليق لانسر والفلونس عشان دول على نظام multi link خلفى

---

اقتباس:

---

المشاركة الأصلية كتبت بواسطة Dawns_Mist

نظام التعليق الخلفي ( العفشة ) :
- فليونس ... الأكثر تطورا و راحة للراكبين و متانة في نفس الوقت ( multi-link independent ) على 5 بارات .. مما يعني ثبات و اتزان غير محدود للسيارة و راحة و نعومة ممتازة للراكبين و درجة أمان عالية في أسوأ المواقف.

---

السلام عليكم

الفلوونس Beam مش Multi-Link

اقتباس:

---

المشاركة الأصلية كتبت بواسطة Hosam_Optrawy

السلام عليكم

الفلوونس Beam مش Multi-Link

---

omg
إحم .. أنا متأسف جدا جدا يا جماعة .. أنا الأمور معايا اختلطت ببعضها فعلا لإني كنت متابع آخر الطورات في فئة الفليونس و المازدا و السيفيك و الجيتا و هكذا .. فنسيت فعلا أراجع التقارير كلها و قوت معلومه غلط ..
فعلا حضرتك صح .. الفليونس فعلا تورجن بيم
يبقى كده المقارنة دي كلها مافيهاش ولا عربية عفشة خلفية مستقله متعددة الوصلات..
و هيكون عندى الأكثر تطورا تكنولوجيا الشارك و البومة و الإلنترا و الكارينز ..
و بكده فليونس هيكون ترتيبها مع التيدا في نظام التعليق الخلفي و راحة الركاب ، لكن حسب التقارير إن نظام التعليق الخلفي في الفليونس هو الأمتن و أضا مريح للراكب ، و مع تصميم الجسم و الشاسيه أعتقد إنها هتفضل متربعه على عرش الترتيب ده في الثبات و الاتزان و الأمان.

بشكر حضرتك جدا على التصحيح المهم ده .. و منتظر رأي الخبراء.

اقتباس:

---

المشاركة الأصلية كتبت بواسطة dawns_mist

نسيت أتكلم عن التيدا في باقي المواضيع غير العفشة ... بالتالي سريعا كده ...

في الفرامل هي التانية مباشرة بعد الفليونس
في تأثير التكييف على السحب هي الثالثة بعد الإلنترا 2012
في الأداء تأتي في الترتيب بعد البومة
في الاتساع الداخلي تأتي في الترتيب بعد البومه
في الثبات تأتي في الترتيب قبل البومه و بعد الكارينز
في المتانة تأتي في الترتيب بعد البومه

يارب أكون موفق في اختياراتي .. و يارب أكون عرفت أفيدكم

---

اسمح لى اعلق على رأى حضرتك فيما اعلمه عن التيدا بما انى امتلكها :
في الفرامل هي التانية مباشرة بعد الفليونس
ربما ...
في تأثير التكييف على السحب هي الثالثة بعد الإلنترا 2012
ربما ...
في الأداء تأتي في الترتيب بعد البومة
اختلف معاك شوية لانه التيدا معروف موتورها اهدأ واقوى من موتور البوما (118 حصان)
في الاتساع الداخلي تأتي في الترتيب بعد البومه
اختلف معاك تماما لانها اوسع من البوما بمراحل بل هى تنافس الكارينز فى الاتساع الداخلى
في الثبات تأتي في الترتيب قبل البومه و بعد الكارينز
اختلف معاك لان البوما اثبت من التيدا على السرعات ما بعد الـ 160
في المتانة تأتي في الترتيب بعد البومه
مش عارف...

اقتباس:

---

المشاركة الأصلية كتبت بواسطة ali_abo_amr

اسمح لى اعلق على رأى حضرتك فيما اعلمه عن التيدا بما انى امتلكها :
في الفرامل هي التانية مباشرة بعد الفليونس
ربما ...
في تأثير التكييف على السحب هي الثالثة بعد الإلنترا 2012
ربما ...
في الأداء تأتي في الترتيب بعد البومة
اختلف معاك شوية لانه التيدا معروف موتورها اهدأ واقوى من موتور البوما (118 حصان)
في الاتساع الداخلي تأتي في الترتيب بعد البومه
اختلف معاك تماما لانها اوسع من البوما بمراحل بل هى تنافس الكارينز فى الاتساع الداخلى
في الثبات تأتي في الترتيب قبل البومه و بعد الكارينز
اختلف معاك لان البوما اثبت من التيدا على السرعات ما بعد الـ 160
في المتانة تأتي في الترتيب بعد البومه
مش عارف...

---

بالنسبة للاتساع الداخلي .. ممكن يكون كلامك صح لإني برضه ماعاشرتش التيدا كتير يعني هما مرتين بس على السريع كده .. بالنسبة للثبات على السرعات العالية أنا معايا بومه و بحبها لكن ليا بعض التعليقات على ثباتها ، ولكن أنا هصدق كلامك و نقول إن البومه أفضل من التيدا على السرعات العالية بحكم إنك مجرب أكتر مني التيدا و البومه برضه مع بعض ..
لكن اللي أنا واثق منها كويس جدا .. إن الأداء البومه أفضل ..
سيبك من الكلام عن عدد الأحصنه لإنك عارف كويس إنه مش ده بس العامل المؤثر على التسارع ، لإننا لو هنتكلم بالأحصنه ... ليه أنا بخيط السيراتو كل مرة بالبومه ؟؟؟ مع إن السيراتو 124 و البومه 109 !!!
و ليه الإلنترا الـ117 حصان مش بتعرف تتكلم ولا كلمة مع المازدا الـ 107 حصان ؟؟؟
خلي بس الكلام بعدد الأحصنه ده في الآخر لما التجارب العملية و باقية العوامل تبقى متوزانه شوية .. في الطلعة و بعد تجارب كتير و ده مش كلامي لوحدي .. البومه بتطلع قبل التيدا و بتعديها ... ممكن على السرعات العالية تجميع التيدا يكون أحسن فعلا معاك حق .. لكن قبل الـ 100 كم صعب أوي التيدا تعدي البومه حسب مانا شوفت ..
و عموما مش هنختلف .. إحنا بنقدم رؤية للناس حسب معرفتنا و خبراتنا ، و دي وجهة نظرك و دي وجهة نظري .. و الموضوع ده موضوع تقديري شوية مش موضوع علمي بحت يعني بالتالي فيه مساحة للرؤية الشخصية و ده أنا معترف بيه و بستقبله بصدر رحب .. و بجد أنا متشكر إنك برضه دعمت رأيي في نقط كتير ..

اقتباس:

---

المشاركة الأصلية كتبت بواسطة dawns_mist

بالنسبة للاتساع الداخلي .. ممكن يكون كلامك صح لإني برضه ماعاشرتش التيدا كتير يعني هما مرتين بس على السريع كده .. بالنسبة للثبات على السرعات العالية أنا معايا بومه و بحبها لكن ليا بعض التعليقات على ثباتها ، ولكن أنا هصدق كلامك و نقول إن البومه أفضل من التيدا على السرعات العالية بحكم إنك مجرب أكتر مني التيدا و البومه برضه مع بعض ..
لكن اللي أنا واثق منها كويس جدا .. إن الأداء البومه أفضل ..
سيبك من الكلام عن عدد الأحصنه لإنك عارف كويس إنه مش ده بس العامل المؤثر على التسارع ، لإننا لو هنتكلم بالأحصنه ... ليه أنا بخيط السيراتو كل مرة بالبومه ؟؟؟ مع إن السيراتو 124 و البومه 109 !!!
و ليه الإلنترا الـ117 حصان مش بتعرف تتكلم ولا كلمة مع المازدا الـ 107 حصان ؟؟؟
خلي بس الكلام بعدد الأحصنه ده في الآخر لما التجارب العملية و باقية العوامل تبقى متوزانه شوية .. في الطلعة و بعد تجارب كتير و ده مش كلامي لوحدي .. البومه بتطلع قبل التيدا و بتعديها ... ممكن على السرعات العالية تجميع التيدا يكون أحسن فعلا معاك حق .. لكن قبل الـ 100 كم صعب أوي التيدا تعدي البومه حسب مانا شوفت ..
و عموما مش هنختلف .. إحنا بنقدم رؤية للناس حسب معرفتنا و خبراتنا ، و دي وجهة نظرك و دي وجهة نظري .. و الموضوع ده موضوع تقديري شوية مش موضوع علمي بحت يعني بالتالي فيه مساحة للرؤية الشخصية و ده أنا معترف بيه و بستقبله بصدر رحب .. و بجد أنا متشكر إنك برضه دعمت رأيي في نقط كتير ..

---

التيدا حصيح 118 حصان بس ده ال gross الصافى (net) بتعها يعمللو 106 حصان على اعتبار ان فى 10% فرق فى احسن تقدير مبين ال gross و ال(net)
البومة 122 gross يعنى تقريبا 109 (net)

ما شاء الله . معلومات لا تقدر بثمن . جزاكم الله كل خير

انا رأى الشارك ثم البومه او التيدا

مازال اليابانى بيقدم تكنولوجيا اعلى و امان اكترو عمر اطول

معلومات جميله جدا خصوصا اني حيران في شراء عربيه

بعد اذنكم يا جماعة .. إيه سعر العربية ده كلها دلوقتي ؟؟

فكر في الميجان3 الهاتشباك

اقتباس:

---

المشاركة الأصلية كتبت بواسطة Dawns_Mist

نظام التعليق الخلفي ( العفشة ) :
- فليونس ... الأكثر تطورا و راحة للراكبين و متانة في نفس الوقت ( multi-link independent ) على 5 بارات .. مما يعني ثبات و اتزان غير محدود للسيارة و راحة و نعومة ممتازة للراكبين و درجة أمان عالية في أسوأ المواقف.
- لانسر شارك .. ( multi-link dependent ) مع مساحة صغيرة للبارات التي تبدو عريضة و متينة جدا ، فلديك الثبات الممتاز و الراحة المناسبة للراكبين ، يعيبها الارتفاع العالي عن الأرض الذي ربما يعطي البعض مع نظام التعليق السابق الإحساس بخشونة السيارة .
- لانسر بومه .. ( multi-link dependent ) على 2 بار بمساحة كبيرة ولكن مع بارات عريضة و ارتفاع مناسب عن الأرض مع setup لجسم العربية يحتك بالهواء على مساحات واسعة .. مما يعطي للسيارة ثبات جيد و لكن الراكبين في المقصورة الخلفية يشعروا ببعض الخشونة ... نسبة الأمان تعتبر جيدة ولكن تصميم نظام تعليق الشارك يعطي أمان أكبر.
- كيا كارينز .. ( multi-link dependent ) باريات عريضة لتحمل الوزن العالي للسيارة ، و لكن يعيبها اليايات الطرية جدا .. لو كان نظام التعليق تورجن بيم + يايات طرية كما في الكورولا .. كان سيشر الراكب بالراحة المتناهية و لن يؤثر كثيرا في الاتزان لأن المؤثر الأول في اتزان الكارينز هو وزنها و تصميمها .. بالتالي مع نظام كيا كارينز يشعر الراكب بالراحة على الطرق الممهدة أو النصف ممهدة ..أما الطرق القاسية نسبيا على سبيل المثال طريق ترابي داخل القرى ، سيشر الراكب باهتزازات قوية جدا كما لو كان في سيارة جامبو .. لن تشعر بخشونة للسيارة أبدا ولكن سيظل جسمك يهتز ارتفاعا و انخفاضا كما في سيارات الميكروباص ... ولكن تصميم نظام التعليق للكارينز ليس بالسيء كما أنه يعطي متنة و ثبات للسيارة.
- تيدا .. تورجن بيم .. ربما تشعر أنه نظام تعليق متأخر نسبيا في التكنولوجيا ، لكنه مع اليايات الطرية و التصميم المناسب و الارتفاع المناسب و تصميم مسافات التراك الأمامي و الخلفي المتناسق للسيارة يعطيك أداء مثالي جدا جدا خاصة في فئة الهاتش باك .. و ذلك نراه أيضا في سيارات الفيات برافو أو السيات ليون و هي فئات أعلى و مازالت تستخدم نظام التعليق تورجن بيم ، و لكن بتصميم متناسب يطعي الأداء الأمثل.
- كروز .. تورجن بيم .. مريح جدا للراكب ولكن مع وزن الكروز الكبير و المساحات الواسعة للاحتكاك بالهواء كان الأفضل أن يكون نظام تعليق متعدد الوصلات غير مستقل كما في الشارك أو مستقل كما في الفليونس ، و ذلك لزيادة الأمان في حالة مواجهة أي مطبات مفاجئة على الطريق على السرعات العالية.
- إلنترا .. ( multi-link dependent ) متعدد الوصلات غير مستقل .... ربما تقرأ الكلمة فتفاجئ لماذا تأتي الإلنترا في آخر الترتيب بالرغم من تطور نظامها عن الكروز و التيدا !! ولكن يعتبر الـ setup الكامل عموما للإنترا أيا كانت الشكل القديم أو الجديد مع نظام التعليق الخلفي هو الأسوأ في فئتها على الإطلاق !!! فهو مبني على 2 بار ضعيف جدا بمساحة كبيرة و سمك البار الواحد أقل من سمك بار البومة بما يزيد عن 30% و مصمم بدون مراعاة المسافة بين التراك الأمامي و الخلفي مع يايات طرية جدا جدا و وزن ضعيف للسيارة و تصميم لا يهتم بمساحات الاحتكاك مع الهواء!!! قد يشعر الراكب بالراحة المثالية بمعنى الكلمة ... بالفعل إلنترا تشعرك في الركوب براحة السيارات من الفئات العالية جدا ، ولكن ........ ثبات سيء في حالة مطب مفاجئ أو إن كان في الطريق أي عيوب مع السرعة + اتزان سيء بسبب التأثير سلبي لسرعة و مقاومة الهواء على السيارة و ستتأكد من ذلك إن حاولت قيادة السيارة على سرعات عالية في طرق صحراوية مفتوحة مع أي منحنى في الطريق سوف تفاجئ بإحساس بارتفاع السيارة بالكامل عن الأرض!!

الثبات ( أتمنى ألا يرتبط الوزن بالثبات ارتباط كلي و مبدئي ) :
- فليونس ... ليست الأثقل وزنا ، ولكنها الأكثر ثباتا و اتزانا .. ولاحظ أنها هي الأعلى فئة في كل التكنولوجيا .. و أنظمة أمان متطوره ، و الأكثر تطورا في أنظمة التعليق الخلفي ، و أفضل setup للشاسيه مع جسم السيارة ، و أفضل تقييمات أمان أوروبية و هي في كل مواصفات الأمان عموما تناهض بفوارق بسيطة الأوكتافيا و السيفيك و الجيتا ..
- ميتسوبيشي شارك ... ربما تأخذ الترتيب الثالث في الوزن ، لكن مع أنظمة التعليق الخلفي كما شرحنا بالسابق + أنظمة الأمان و الثبات في السيارة مثل ebd و غيره ، و مع اختبارات الأمان العالمية فهي تتفوق على كل مافي فئتها من الكوري إجمالا .. و كل ماقيل عكس ذلك كانت إما إشاعات أو كانت عيوب خاصه ببعض السيارات من توكيل الرواس بسبب خطأ في الميزان الخلفي ولكني لم أجد هذا العيب في أغلب السيارات التي كشفنا عليها شارك كما أني اختبرت السيارة بنفسي اختبار فعلي دقيق مع 3 سيارات أخرى من فئات كوري و ياباني و تفوقت عليهم بالكامل.
- كيا كارينز ... ربما يكون اختياري الثالث في الترتيب مفاجئ .. نعم أقر أن وزن كيا كارينز + نظام التعليق الخلفي المتين هو مايعطي الكارينز هذا الثبات العالي ، و على عكس ماتبدو الكارينز ضخمة بالتالي يتوقع البعض أنها غير ثابتة .. بالعكس ما حدث معي على سرعات 200-210 على الطريق الدولي الساحلي و كلنا نعرف أن الدولي الساحلي به كيرفات صعبة و بعض عيوب الأسفلت ، و كلن العربية أثبتت كفائة عالية جدا جدا معي في اختبار حقيقي صعب على أغلب السيارات في فئتها..فالوزن هو السبب الأول لثبات السيارة فوزنها يتعدى الـ 1600 كيلو و هو الأثقل في المقارنة إجمالا كما أن تصميم الشاسيه و جسم السيارة جيد و ملائم.
- ميتسوبيشي بومه .. كلنا نعرف الثبات العالي لهذه السيارة و لكن فارق العمر و التكنولوجيا ، فتأتي في ترتيبي في المركز الرابع و ذلك لخفة وزنها نسبيا مقارنة بالشارك .
- شيفروليه كروز .. المركز الخامس ، و تصميم جسم السيارة و الشاسيه جيد جدا ولكن كان يجب مع ضخامة الجسم وجود نوع تكنولوجيا في العفشة الخلفية متطور و متين للحفاظ على الثبات أكثر ، فبالرغم من أن وزن الكروز أكبر من وزن البومه إلا أن البومه تتفوق نسبيا و بفوارق بسيطة بسبب تصميم نظام التعليق الخلفي.
- هيونداي إلنترا .. الشكل القديم أو الشكل الجديد ، و مازال العيب قائم في كل إصدارات هيونداي بالكامل ( اللهم إلا الأكسينت شكل 2008 ، و سوناتا 2008 ) فقط لا غير .. أما باقي إصدارات هيونداي عموما هي الأسوأ في الثبات على السرعات العالية و الأخف في الوزن بالمقارنة بكل ما يناهضها ... فلدينا نظام تعليق خلفي ضعيف جدا مع يايات طرية جدا و الوزن خفيف مع عدم مراعات setup جيد لتصميم شاسية و جسم السيارة و حفظ مساحات مناسبة للاحتكاك مع الهواء كما أن أجد أنه كان يجب أن يكون تصميم مسافات التراك الأمامي و الخلفي مختلف كثيرا عما أراه في كل إصدارات هيونداي إجمالا .. فهيونداي دائما ما تهتم بالتسارع ولا تهتم بالأمان ، و هي سمة نراها جلية في كل الإصدارات.

قوة الفرامل :
- فليونس
- شارك
- إلنترا
- كارينز
- كروز
- بومه

التكيف ليس من اختصاصات بحثي ، ولكن تأثير التكييف على السحب هحاول على قد ماقدر مع إني ماجربتش موضوع التكييف ده في كل حاجة .. بس هقولك اللي أنا فاهمه :
- فليونس .. فقط لإن معروف إن الأوروبي عموما لا يؤثر التكييف في السحب .
- إلنترا .. فقط لأنها 130 حصان ، كما إن سحبها في العادي عالي.
- شارك .
- بومه .
- كروز .
- الكارينز هي الأسوأ على الإطلااااااااااااااااق خصوصا في موضوع التكييف مع السحب.

الاتساع الداخلي :
- كارينز .. بلا منافس.
- فليونس.
- شارك .
- بومه.
- إلنترا.
- كروز.

الأداء .. هو أنا مش فاهم يعني إيه أداء ..لكن هعتبر إنك بتسأل عن التسارع :
من 0 - 80 ( إلنترا - بومه - شارك - فليونس - كروز - كارينز )
أعلى من 80 ( فليونس - شارك - بومه - إلنترا - كروز - كارينز )

سعر إعادة البيع لا أهتم به على الإطلاق .. اعذرني ربما يفيدك فيه حد متخصص و متمرس أكتر في السوق.

المتانة ، و سمك الصاج :
- فليونس .. ليس لمتانة و سمك الصاج ، ولكن لعبقرية التصميم ، كما أن نوعية المادة المصنوع منها جسم السيارة مختلف تماما عن الصاج المعتاد ، ولكنه هو الأءمن للسيارة إجمالا.
- كارينز .. الصاج الأكثر متانة في باقي الاختيارات.
- الشارك .. مناسب ولكن ليست في الفورمة المثلى.
- البومة .
- الكروز .
- إلنترا .

آسف للإطالة ، ولكن كنت بحاول أضيف للموضوع وجهة نظر مبرره و منطقية.
وفي انتظار باقي الآراء.
-

---

بس ليَّا تعليق بسيط الالنترا الجديده 2012
torsion beam
الشارك الشاسيه بتعها هو نفسه دودج كاليبر كرايسلر سبيرنج ميتسوبيشي اوتلاندر جييب كومباس واكثر صلابه عن بومة 56% ده رابط موضوع انا كنت عمله
http://www.nilemotors.net/Nile/247389-a.html