طاااالع فى ال bm جديد وعاايز افهم يارجااااالة !؟

**elwaa_2007** · 14-09-2011 11:52 AM

بعد تحية كبيرة لحضراتكم رجالة bmw وبعد التحية لكل المشرفين هنا فى منتدى nilemotors احسن منتدى فى مصر

احب اعرفكو بقصتى انا شاب فى مقتبل العمر وحب ال bmw دة عندى من اول مرة فى حياتى شوفت فيها bm معدية جمبى بصراحة كنت بحب اتفرج على ال bm وادور على صورها وكمان اشووف فيديوهتها عربية تبهر بصراحة بكل موديلاتها بس عندما ياتى ذكر ال bm الاقى الناس كلها ذى حلاتى كدة بتقول العربية دى جبارة او دى صاروخ لكن محدش فاهم بجد هى عبارة عن اية من جوة تفاصيلها امكانياتها قوتها وحاجات كدة كتير فروحت انا قولت مفيش غير رجالة nilemotors هما اللى يرسونى على الليلة كلها
وعشان مطولش فى الكلام على حضراتكم ...
انا دلوقت قررت انى لازم اركب bm والحمد الله ربنا مدينى استقرار الفترة دى ونفسى احقق حلم امتلاك سيارة جميلة ذى كدة وبصراحة انا بحب الفئة التالتة 316 318 320 بفضلهم عشان الحجم كويس مش بحب الحجم الكبير بتاع الفئة الخامسة ولا الهاتش بتاع الاولى
روحت دخلت على nilemotors اما الاقى موضوع شامل عن اى واحدة فيهم سواء 316 318 320 مفيش خالص قعدت بقى اخود ملحوظة من هنا على معلومة من هنا وخلاص بس بردوا فى حاجات كتير انا مش فاهمها وكمان عشان انا مش عايش فى القاهرة والاسكندرية مفيش توكيل او معرض اروحلو حتى
من الاخر انا هكتب كل عربية وكام سؤال تحتيها وياريت تخدمو اخوكو وتساعدونى على قد متقدرو عشان اوصل لقراار صح فى الاخر

اولا مين افضل 316 ولا 318 ولا 320 واية الفروق بالظبط ؟؟ وسعة الموتور بالنسبة لكل واحدة فيهم وعدد
الاحصنة مع العلم انى هشترى مستعمل من 2006 حتى 2009 فى حدود 190 الى 200 الف

bmw 316i:
بتنزل ب start stop button دايما ولا لا ؟
بتنزل ب idrive ؟
فيها زينون ولا لا ؟
هل هى فعلا 115 حصان !!!!! انا بستغرب جدا من الموضوع دة يعنى ابقى راكب bm وتعدى جمبى النترا 2010 تطلع منى عشان 120 حصان على كدة النترا 2012 130 حصان تعدى جمبى مشوفهاش اصلا ؟!؟!؟!؟!
اية هيا الامكانيات الاساسية والكماليات اللى موجودة فيها ؟؟ عنى دايما احسها فاضية لما اشوفها من غير idrive ؟؟
اية رايكو فى كلامى هل انا ليا حق انى اقرر ان 316 متستهلش ؟! انا عارف طبعا انها bm وجبارة ولا تقارن مع شى فى حاجات كتير عوامل امان وشكل وماركة بس حسسها فاضية كماليات ؟

bmw 318i:
معرفش عنها اى حاجة اصلا ولا اعرف اذا كانت بتزل فى الموديلات دى ولا لا ؟!

ياريت التوضيح مع نفس الاسئلة اللى سبق ذكرها قبل كدة و فى 316 ؟؟

bmw 320:
بصراحة حاسس انها وحش الوحووش بس ليا كام سؤال كدة ؟
بالنسبة للزينون وال idrive وال start stop button ؟؟
وحاجة كماان بردوا ساعات اشوفها فى الكبووت فيها خطيين فى النص كدة وساعات لا ليية طيب اية الفرق مش فاهم بصراحة !!
وهل فى فرق فى الحجم بين التلاتة ولا هو فرق كماليا وامكانيات فقط عشان انا بتلغبط ساعات ؟!
بغض النظر عن دة كلة بقى نيجى لحتت الخوف اولا بعد ماخود القرار انا ناوى اشتري واقتني فترة كبيرة
فخايف من قطع الغيار اللى الناس بتقوول انها مولعة لدرجة غير معقولة تكرهك فى العربية بردو انها متبقاش موجودة وادوخ عليها وكدة ؟ اية رايكو فى الكلام دة ؟
وكمان هل ممكن تعتبرو العربية دى عربية لكل المشاوير اليومية من نزول الشغل وشراء حاجات ولف فى الزحمة وكدة ولا هى رفاهية فقط ونزولت بلليل ؟ بصراحة عندى احساس انى هبقى خايف عليها اكتر مهاسوقها ومن المشى فى الشارع مع المكروباصات والتكساجية الحلويين اللى مليين البلد اليومين دول وربنا يستر انا عايز اطمن بس احسن بعد مجبها اقوول يارتنى انا كل قصدى هى عملية عربية عملية ولا مجرد عربية رحلات وسفر ذى ما بعض الناس بتقوول !!!
انا كل اللى نفسى فية افهم العربيات دى كويس عشان اختار واتوكل على الله ومندمش وفى نفس الوقت بعد ما طبعا السادة الافاضل رجالة bm يقومو بالرد ويفسروا من معرفتهم بالموديلات دى يبقى الموضوع مرجع لكل واحد عايز يفهم بدل ميلف ويدوخ وهنا يلاقى كل حاجة باختصار فى موضوع واحد
انا اسف جدا طولت عليكو اوى عارف ان اسئلتى غريبة شوية استحملونى معلش وشاكر ليكو اوى مقدماا ومنتظر رددكو على احر من الجمر ؟!؟!
مع تحياتى لكل ملاك وعشااااق ال BMW

**mailo** · 14-09-2011 03:03 PM

بص هو على قد مابتدفع في bm بتلاقي
316 مش فاضية ولا حاجة بس بالنسبة لل 320 آه
316 من 318 فرق مش كبير قوي عشان كده قليله شويتين
متهيألي الميزانية بتاعتك تجيبلك 320

قطع الغيار بتاعت ال e90 عاليا شوية عشان هو ده الموديل الحالي
ممكن السنة الجاية تنزل لما الشكل الجديد ينزل "ممكن"

الخطين اللي فالنص في الكبوت دول حاجة اسمها الفيس لفت
لإن الموديل بيعد حوالي 7 سنين في نص المده دي بيغيروا تغير بسيط قوي في الشكل وكمان بيغيروا في الفوانيس عشان يبقى فيه تجديد

**party_0000** · 14-09-2011 04:14 PM

320 تحفه التحف بس هيا مش عربيه بهدله في الزحمه وفلان يكسرلك فانوس وفلان يحك يعني لاو\زم تحافط عليها علشان الخبطه فيها مش سهله لا قدر الله
ال 318 تفرق عن 320 ان الموتور هو القديم بتاع ال 320 -136 حصان انما 320 الوتور الجديد 156 حصان
كمان ال 320 فيها ابانوس وهارد ديسك وتليفون وده زياده عن ال 318 اعتقد فتحه السقف بقت موجوده في 318 والل اعلم
الاي درايف موجود في 318 زي 320 من اواخر 2010 بس قبل كدا مكنش فيها اي درايف
انما 320 فيها من اواخر 2007
ال 316 بقا موتورها القديم 116 حصان الموتور الجديد بينزل بس في الكوبيه 122 حصا ن
طبعا من غير اي درايف ولا ابانوس ولافتحه سقف بقيت تنزل اوتو من اول 2010 قبل كدا كله مانيوال
طبعا
في موديل وحيد من 316 كان فيه ابانوس وفتحه سقف واي درايف وجنط يعني تقريبا نفس كماليات ال 320 بس ده نزل قي 2008 دفعه محددوه اسمها تريند لاين ومش كتير هتلاقيها او صعب تلاقيها وبتبقا في حدود 180 الف
طبعا كل الفئه الثالثه نزلت تعديل لفانوس الامامي والخلفي والكبوت من اخر 2009 وسموها فيس ليفت

نصيختي ليك دور هلى حاجه 2009 استعمال نصيف تكون فيس ليفت وتكون 320 علشان فرق المواتير واضح والدلع اكتر

حاجه كمتن هتلاحظها في ال اي درايف لحد قبل الفيس ليفت مفهوش تلفيزيون وكمان شاشته 8 بوصه وسوفتوير قديم بعد الفيس ليفت الشاشه اكبر 10 بوصه وفيها تلفيزيون والسوفتوير الجديد اللي ماوال موجود لحد الان حتى في السابعه الجديده

حاجه اخيره العفشه ناشفه شويه عشان الكاوتش الرن فلات وهيا تصميمها رياضي
وربنا معاك

**elwaa_2007** · 14-09-2011 05:36 PM

الف شكر لردودكم الرائعة دى يا mailo و party تعبناكو معانا يارجالة كان ليا استفسار بس بالنسبة 320 هل هلاقى منها 2009 حالتها كويسة بالميزانية دى 190 الف ؟؟ وان شاء اللة انا هنزل القاهرة اشترى تنصحونى اروح فيين اتفرج على عربيات ؟ ولما اكشف على العربية اكشف عند مين ؟ فى ناس بتقولى احسن حاجة التوكييل اكشف هناك عندهوم احسن حاجة ويفصصوهالك من الالف للياء ؟! بالنسبة لموضووع 156 حصان يا party هو دة الكلام ال 316 قلة اوى بصراحة بعد اللى عملة الكورى اليومين دول ؟؟ وانا اللى فهمتو كدة ان كلهم حجم واحد من 2009 وشكل الجديد وكلهم idrive start stop button و زينون .... دى اساسيات تمام كدة من موديلات 2009 فيس ليفت انا فعلا شاكر افضلكم وياريت لو ممكن تضيفولى اى معلومة ممكن تفدنى يبقى كتير واللة شكرااا

**dede_dodo88** · 14-09-2011 08:04 PM

أنا بفكر في نفس الموضوع و في نفس حدود الميزانية دي,
بس مستبعد الصراحة الـ318 و الـ320 من حساباتي, لاني مش هحتاج موتور أكبر من 1600cc في حاجة + ترخيصها هيبقى أغلى بكتير + مش هلاقي حاجة استعمال خفيف في حدود الميزانية دي.
فلاقيت أن 116 أو 316 الفيس ليفت هما أنسب قرار.
بس تخوفي الوحيد هو مصاريف الصيانة و قطع الغيار!!.

**mahmoudalaa** · 14-09-2011 08:29 PM

متابعععع لان لو في 320فيس ليفت في الميزانية دي استعمال نضيف تبقا حققت المعادلة الصعبة

**party_0000** · 14-09-2011 08:49 PM

اولا مفيش زينون في 320 لا فيس ليفت والا اللي قبله بس بيبقا في 330
320 فيس ليفت 2009 مش هتلاقي اققل من 230 الف الا لو ماشيه كتير
انما 190 ممكن تجيب حاجه 2008 محترمه وتكون نضيفه
ممكن تخليك في ال 318 ممكن تجيب حاجه 2010 اول السنه من غير اي دريف ب 200
شوف احسن مكان تكشف فيه التوكيل طبعا وبيكلف 800 جنيه بس سيبك من اي حته تاني
العربيات في المنيب واي درايف وشمس و ميدو بس دول اسعارهم عاليه انا عموما لا انصح بالمعارض لارتفاع اسعارهم اولا وتاني حاجه مش مضمونيين يعني يعرفوا يداروا اي عيب رش او غيره
شوف كونتاكت والوسيط افضل شي
وبالتوفيق

**ahmedsadek82** · 14-09-2011 09:21 PM

المشاركة الأصلية كتبت بواسطة elwaa_2007

بعد تحية كبيرة لحضراتكم رجالة bmw وبعد التحية لكل المشرفين هنا فى منتدى nilemotors احسن منتدى فى مصر

bmw 316i:
بتنزل ب start stop button دايما ولا لا ؟
بتنزل ب idrive ؟
فيها زينون ولا لا ؟
هل هى فعلا 115 حصان !!!!! انا بستغرب جدا من الموضوع دة يعنى ابقى راكب bm وتعدى جمبى النترا 2010 تطلع منى عشان 120 حصان على كدة النترا 2012 130 حصان تعدى جمبى مشوفهاش اصلا ؟!؟!؟!؟!
اية هيا الامكانيات الاساسية والكماليات اللى موجودة فيها ؟؟ عنى دايما احسها فاضية لما اشوفها من غير idrive ؟؟
اية رايكو فى كلامى هل انا ليا حق انى اقرر ان 316 متستهلش ؟! انا عارف طبعا انها bm وجبارة ولا تقارن مع شى فى حاجات كتير عوامل امان وشكل وماركة بس حسسها فاضية كماليات ؟

اولا اهلا بيك في بيتك منتدى بي ام ,

هي فعلا فاضية شوية طبعا و هي 115 حصان بس مش بطيئة قوي يعني , بس اكماليات بتحسسك بفخامة العربية اوفقك في ديه , فئاتها :في فاضية خالص و في بجنوط و سقف و الاتنين مانوال سعر 140-155
كل بي ام فيها start/stop

bmw 318i:
معرفش عنها اى حاجة اصلا ولا اعرف اذا كانت بتزل فى الموديلات دى ولا لا ؟!

ياريت التوضيح مع نفس الاسئلة اللى سبق ذكرها قبل كدة و فى 316 ؟؟

ال318 موديل 2010 ,2011 محرك 1995 سي سي بس قديم 140 حصان , اوتوماتيك + كروز ,مفيش جنوط ولا سقف ولا ابنوس و لا idrive الا في 2011 نزلت بيه , الموديل ده ممشيش في السوق خالص عاما

bmw 320:
بصراحة حاسس انها وحش الوحووش بس ليا كام سؤال كدة ؟
بالنسبة للزينون وال idrive وال start stop button ؟؟
وحاجة كماان بردوا ساعات اشوفها فى الكبووت فيها خطيين فى النص كدة وساعات لا ليية طيب اية الفرق مش فاهم بصراحة !!
وهل فى فرق فى الحجم بين التلاتة ولا هو فرق كماليا وامكانيات فقط عشان انا بتلغبط ساعات ؟!
بغض النظر عن دة كلة بقى نيجى لحتت الخوف اولا بعد ماخود القرار انا ناوى اشتري واقتني فترة كبيرة
فخايف من قطع الغيار اللى الناس بتقوول انها مولعة لدرجة غير معقولة تكرهك فى العربية بردو انها متبقاش موجودة وادوخ عليها وكدة ؟ اية رايكو فى الكلام دة ؟
وكمان هل ممكن تعتبرو العربية دى عربية لكل المشاوير اليومية من نزول الشغل وشراء حاجات ولف فى الزحمة وكدة ولا هى رفاهية فقط ونزولت بلليل ؟ بصراحة عندى احساس انى هبقى خايف عليها اكتر مهاسوقها ومن المشى فى الشارع مع المكروباصات والتكساجية الحلويين اللى مليين البلد اليومين دول وربنا يستر انا عايز اطمن بس احسن بعد مجبها اقوول يارتنى انا كل قصدى هى عملية عربية عملية ولا مجرد عربية رحلات وسفر ذى ما بعض الناس بتقوول !!!
انا كل اللى نفسى فية افهم العربيات دى كويس عشان اختار واتوكل على اللة ومندمش وفى نفس الوقت بعد ما طبعا السادة الافاضل رجالة bm يقومو بالرد ويفسروا من معرفتهم بالموديلات دى يبقى الموضوع مرجع لكل واحد عايز يفهم بدل ميلف ويدوخ وهنا يلاقى كل حاجة باختصار فى موضوع واحد
انا اسف جدا طولت عليكو اوى عارف ان اسئلتى غريبة شوية استحملونى معلش وشاكر ليكو اوى مقدماا ومنتظر رددكو على احر من الجمر ؟!؟!

طبعا ال320 تعتبر الهاي لاين في الفئة التالتة فيها كل ما تتمناه من كماليات : idrive +تلفزيون + هارد + سقف + جنوط + ابنوس + محرك 156 حصان , بص اللي فيها خطين زيادة في نص الكبوت دي ال2009 اللي هي الface lift ,ال 2007 نصف تاني و 2008 فيهم idrive برده بس مافيش هارد و سوفتوير الidrive اقدم بس في تلفزيون برده , طبعا هي لا يفضل ليها البهدلة لان صياناتها و قطع غيارها غالية شوية , يعني انا بستخدمها في كل مشاويري تقريبا بس بحاول اكون حريص في الركن مثلا ,اغطيها , كده , لكن بكل صراحة العربية ممتعة من اول ما تركبها مش حتحب تنزل منها , و ده شعور البي ام دايما.
السعر 190-200 يجيب 2008 او 2007 حلوة اما الفيس لفت اغلى شوية لحد 220 - 230 حسب الموديل و العداد و ربنا يوفقك

مع تحياتى لكل ملاك وعشااااق ال BMW

**party_0000** · 14-09-2011 09:50 PM

شوف دي مثلا

بي إم دبليو
بي إم دبليو
318 2010

205000 ج

1800 سى سى | 60000كم

لون موف حالة ممتازة

+ بيانات المالك أضيف فى : 14 سبتمبر

micky
0122100504 - 0122100504
micky-morgan@hotmail.com
مكان المعاينة: القاهرة

1
318 2010

238000 ج

2000 سى سى | 9000كم

الوحيده 318 مو 2010 كامله لون فيراني دهان المصنع بالكامل بحاله الزيو تماما بالاضافات الاصليه من الوكيل سينسور بارك عتب اصلي نواكل بدالات ريسنج نادره

+ بيانات المالك أضيف فى : 13 سبتمبر

بي إم دبليو
320 2010

245000 ج

2000 سى سى | 53000كم

فتحة سقف لون فضى ميتالك

+ بيانات المالك أضيف فى : 13 سبتمبر

karim ramzy
0122138623 - 0112138623
krm_ramzy@hotmail.com

**elwaa_2007** · 15-09-2011 05:23 AM

المشاركة الأصلية كتبت بواسطة dede_dodo88

أنا بفكر في نفس الموضوع و في نفس حدود الميزانية دي,
بس مستبعد الصراحة الـ318 و الـ320 من حساباتي, لاني مش هحتاج موتور أكبر من 1600cc في حاجة + ترخيصها هيبقى أغلى بكتير + مش هلاقي حاجة استعمال خفيف في حدود الميزانية دي.
فلاقيت أن 116 أو 316 الفيس ليفت هما أنسب قرار.
بس تخوفي الوحيد هو مصاريف الصيانة و قطع الغيار!!.

شكرا على مرورك يا باشا فعلا عندك حق فى نقطة ان الواحد مش هيحتاج اكتر من 1600 بس انا بفكر بطريقة تانى ان بدل قررت انى اركب bm يبقى اركب حاجة احس انها كاملة من كلو مينفعش ابقى راكب bm واحس ان فى حاجة نقصانى واعتقد ان الفرق فى الترخيص مش هيزيد عن 1000 جنية وهو شى يمكن التغاضى عنة قصاد الامكانيات اللى هتتمتع بيها
واللة وانا كمان قلقان من الصيانة وقطع الغيار خصوصا انى مش من القاهرة وممكن ادوخ على اقل حاجة ربنا يستر وحتى لو لقيت هتبقى مضاعفة الثمن ربنا يسهلها معانا بقى..

الموضوع: طاااالع فى ال bm جديد وعاايز افهم يارجااااالة !؟

LinkBack

أدوات الموضوع

عرض

-

-

-

-

-

المواضيع المتشابهه

نفسي افهم

ممكن افهم

اعذرونى انا لسه جديد و بحاول افهم من عمالقه الفيات

عايز افهم

الكلمات الدلالية لهذا الموضوع

المفضلات

المفضلات

ضوابط المشاركة