ايهما تفضل ؟؟؟؟؟؟ ولماذا ؟؟؟؟

**KHALED012500** · 13-05-2008 05:08 PM

والله ياجماعه انا محتار جداااااااااااااااا

انا عايز اجيب عربيه جديده والنوعين اللى داخلين دماغى هم

1- تويوتا يارس

2- متسوبيشى لانسر 1300

وانا مش النوع اللى بيسافر كتير ولا حاجه لان العربيه لو كانت عشان السفر كنت جبت جين2

وانا مغمض

انا عارف والحمد لله كل حاجه عن العربيتين

بس انا قلقان من قوة انتشار لانسر ماتبقاش المقارنه فى صالح يارس

وكمان يارس عجباااااااااااااااااااانى جدااااااااا

شكلها وجمالها ( ذوق شخصى )

بس خايف انها تفقد قيمتها مع الوقت

احنا طبعا مش عائله كبيرة انا ووالدى بس وربنا يخليه ليا

ارجو المساعده الفعليه المبنيه على المعرفه

وشكرااااااااااااااااااااا لكم جميعا مقدما

**محمد عز** · 13-05-2008 05:37 PM

على فكرة الياريس تعتبر الحصان الاسود ، وهتبقى زى اللانسر ال3 و 4 سنين الجايين
لان من السنة الجايه مش هيبقى فيه لانسر قديم وهيبقى لانسر جديد بس
وطبعا الجديد غالى
طالما عجباك الياريسر اشتريها وتوكل على الله
وسع دخلى، سهولة فى السواقه ، وتويوتا ماركة اعتمادية ، تكييف اكتر من ممتاز

لانسر حاجة تانية يعنى فعلا عربيه وجديرة بالاحترام لكن هتواجة مشكلة ان سحبها نوعا ما هيبقى بطىء نتجية وزن العربيه لكن ثبات حلو

يعنى كسحب تتفوق الياريس
كثبات تتفوق الانسر
كاعطال قليلة هما الاتنين فى نفس المستوى
والله الاختيارين موفقين جدا

**crazylambada** · 13-05-2008 05:40 PM

على العموم مهما كان اخيارك اياك تجيب لانسر 1300 سي سي اتوماتيك
لانس سوقتها و سيئة جدا

**WalidAdel** · 13-05-2008 05:44 PM

انا بقول الياريس علي اساس انها مش منتشره اووووويييييييييييييي زي اللانسر و عربيه حلوه موتور 1300 احلي من اللانسر و التكييف مش بياثر عليه
شكلها حلو من بره و من جوه بس للامانه انا سوقتها و مرتحتش فيها علي اساس العداد اللي في
المتنصف دي و زي مابيقولا حتاخد عليه مع الوقت
و يكفي انها توتيا

TPS-------> Toyota Production System :)

14-05-2008 02:01 AM

توكل على الله و اشترى ياريس
و زى ما قال الاخ casber
ان اللانسر 1300 خلاص حتروح عليها خلاص
و بعد كده اللى عايز يشترى لانسر حيشترى الشكل الجديد مستعمل
و على فكره الياريس بقت منتشره بطريقه فظيعه
هنا فى اسكندريه كل البلد ياريس

و اعتقد ان التوكيل احسن مكان تشترى منه
لكن مشكلته فى طول فتره الانتظار
و الاعضاء الافاضل ممكن يفيدوك فى الموضوع ده اكتر منى
و مبروك مقدما

**sammor_28** · 14-05-2008 02:57 AM

توكل على الله وهات الياريس افضل كتيييييييييير من الانسر
انا سوقت الانسر 1300 اوتوماتيك مش حلوه قوي..
وسوقت ياريس 1300 اوتوماتيك تحفه بجد مالهاش حل ...
ويكفي انها تحمل علامه تويوتا