اذيكوا يا رجالة النيسان ، مش هطول عليكوا انا معايا صني 2007 والعربية زى الفل وبناء على كده رشحت النيسان صني لعديلي واصريت انه يجيبها لانها عربية تستاهل كل جنيه مدفوع فيها وبناء على كفاءة الخدمة والصيانة في التوكيل وفعلا جابها موديل 2011 وللاسف انهاردة وهو مسافر على طريق العين السخنة فوجئ ان الباور فصل والتكييف فصل ومؤشر الحرارة وصل ل H طبعا هو وقف بسرعة وفتح الكبوت وكانت المفاجأة انه لقى السيور الاثنين متفرتكين حتت فبالتالي الباور فصل والتكييف وطرمبة المياه مع العلم ان العربية عاملة 8000 كيلو يعني مكملتش عشرة الاف فكلمني عشان اتصرف فكلمت صيانة نيسان ردوا علي بعد نصف ساعة محاولات وكلها جرس ومحش بيرد وشرحتلهم الموضوع قالولي حطها على ونش وهاتهالنا الهايكستب قولتلهم انا عاوز خدمة متنقلة تغير السيور هناك ادوني رقم تليفون الخدمة المتنقلة وقعدت اتصل بيهم فوق الساعة وفي الاخر ردوا وقالولي احنا خدمة متنقلة داخل القاهرة فقط قولتلهم ماهو لو انا داخل القاهرة كنت روحت لاي ميكانيكى يغيرلي السيور وبعدين خدمة هيونداي احسن من كده بكتير على الاقل بتلحق عميلها لكن انتوا سايبنا في الصحراء بعربية زيرو عاملة 8000 كم وبتقولي اتصرف وهاتهالنا الكلام ده مينفعش راح الباشا قفل السكة في وشي طاخ ؟؟؟؟؟؟؟؟ بالذمة ينفع الكلام ده من توكيل المفروض انه محترم وبيقدر عملائه بصراحة انا بقيت في وسط هدومي قدام عديلي وقولت عمري ماهتحشر لحد تاني واقوله رايي في عربية او توكيل لان مبقاش في حاجة مضمونة وانا اسف على الاطالة بس بصراحة انا دمي اتحرق انهاردة.:dontudear:
