لـيـه الـعـربـيـات الـسـوزوكـي مـش واخـدة حـقـهـا فـي مـصـر ؟؟!!

**Amr Axel** · 30-08-2011 11:43 PM

بسم الله الرحمن الرحيم
السلام عليكم و رحمة الله و بركاته

كل سنة و حضراتكم طيبين العيد فرحة هيييييييييييه
ههههههههههههههه

طبعا كما العنوان بيقول ليه العربيات السوزوكي مش واخدة حقها في مصر
مع انها عربيات ممتازة و بتستحمل و بتعيش و تحس انها عربيات أصيلة من اول الماروتي لحد الفان و النقل

ليه مفيش اهتمام غير بالماروتي فقط مع العلم ان الماروتي اساسا ايسوزو في الأصل
ومقصدش من جهة المستهلك المستهلك بيبقي عايز عربية كويسة و سعرها كويس
لكن اقصد من جهة الشركة او التوكيل

ليه باقي الموديلات مش بتنزل و اللي بينزل ليه اسعاره بتبقي عالية زي السويفت مثلا اللي عدت 100 الف و في نفس الوقت حجمها صغير و ملهاش قطع غيار غير في التوكيل و البالينو و مفيش قطع غيار متوافرة اوي غير للماروتي ثم الألتو

طبعا اكيد كله هيقول التوكيل مش خادمها هنا
بس لو التوكيل مش خادمها طب الشركة الأم ع الاقل تخدمها و تحاول تنشرها هنا
لكن احنا في مصر منعرفش عن السوزوكي غير ماروتي - التو او سيلاريو - سويفت فيتارا - اس اكس 4 - فان - نقل - و احيانا بنسمع عن البالينو - و الموتسيكلات
لكن فيه موديلات تانية حلوة و لا بنشوفها

ليه مفيش توكيل يتعامل معانا كبني ادميين دول ناقص يطردونا من ع البوابة

اعتقد ان الحل ان يكون فيه توكيل خاص بالسوزوكي بس و تعامل كويس و اسعار معقولة
و قطع الغيار تغرق الدنيا و بعدين الموديلات تنزل بعد بدأ نزول قطع الغيار
و التوكيل اللي هيكون مسئول عنها و يبقي كويس هيكسب تمام
لأن كتيير بيمتلكوا سوزوكي في مصرو فيه ناس مش بيحبوا العربية تتعمل برة التوكيل خاصة لو التوكيل كويس و اسعاره معقولة
و لو نزلت موديلات الناس هتروحله
المهم المعاملة و المصدقية و الاسعار و توافر القطع
مع طبعا الكماليات و الدعاية و اسعار العربيات نفسها تكون كويسة مش مبالغ فيها زي السويفت الجديدة اللي نزلت

و نفسي يبطلوا حوار عربية فاضية و هاف اوبشن و الكلام ده
المفروض العربية اقل فئة فيها تكييف و باور و كاسيت او سي دي
و الباقي في فئات تانية اللي عايز يدفع بقي للكماليات الاضافية زي فتحة السقف او ...او...او...الخ...الخ هو حر

ايه رأيكم ؟؟؟؟

**M.Elwan** · 01-09-2011 01:47 AM

المشاركة الأصلية كتبت بواسطة love7amada

تصدق كنت لسه بفكر ف كلامك ده من يومين عشان حابب الفيتارا و مش شايفلها انتشار ع المنتدي و لا ف دعايه من التوكيل و لا اي حاجه كانه مش مهتم بانه يبيع

فعلا نفس الملاحظة عدم الاهتمام بالبيع رغم ان مصاريف الوكيل كتييييييييييره جدا
ساعات بفكر ان مفيش حد بيكون سعيد بالخسارة الا لو كان فاتح المشروع ده كواجهة لاعمال اخرى لا يعلمها الا الله
بكده بالنسبة ليه لو باع 100 عربية او باع عربية واحدة مش فارق معاه
كده كده كسبان من السكة تانية

**ahmedamr** · 01-09-2011 02:01 AM

عشان بتعمل عربيات صغيرة اوى وانت واسم سوزوكى اصلا اتشهر فى مصر بالعربية الصغيرة الضعيفة والشعب المصري مينفعوش الكلام دة بتاع منظرة وعايز عربية واسعة وكبيرة وشيك وموتور قوى فى نفس الوقت والكلام دة غير موجود تماما فى سوزوكى

**Amr Axel** · 01-09-2011 02:07 AM

المشاركة الأصلية كتبت بواسطة love7amada

تصدق كنت لسه بفكر ف كلامك ده من يومين عشان حابب الفيتارا و مش شايفلها انتشار ع المنتدي و لا ف دعايه من التوكيل و لا اي حاجه كانه مش مهتم بانه يبيع

للأسف فعلا هو مهتم بالماروتي اكتر حاجة ثم الألتو او السيلاريو يعني ثم الفان

**Amr Axel** · 01-09-2011 02:09 AM

المشاركة الأصلية كتبت بواسطة m.elwan

فعلا نفس الملاحظة عدم الاهتمام بالبيع رغم ان مصاريف الوكيل كتييييييييييره جدا
ساعات بفكر ان مفيش حد بيكون سعيد بالخسارة الا لو كان فاتح المشروع ده كواجهة لاعمال اخرى لا يعلمها الا الله
بكده بالنسبة ليه لو باع 100 عربية او باع عربية واحدة مش فارق معاه
كده كده كسبان من السكة تانية

و الله الواحد بقي محتار مفيش اهتمام نهائي حتي الماروتي اللي بنقول اكتر حاجة بيهتموا بيها وصلت لــ39 الف فاضية كأنهم عايزين يبعدوا الناس عن الماروتي كمان حبيبة الملايين

**Amr Axel** · 01-09-2011 02:18 AM

المشاركة الأصلية كتبت بواسطة ahmedamr

عشان بتعمل عربيات صغيرة اوى وانت واسم سوزوكى اصلا اتشهر فى مصر بالعربية الصغيرة الضعيفة والشعب المصري مينفعوش الكلام دة بتاع منظرة وعايز عربية واسعة وكبيرة وشيك وموتور قوى فى نفس الوقت والكلام دة غير موجود تماما فى سوزوكى

اولا يعني تقصد ايه بالعربية الضعيفة ؟؟الماروتي ضعيفة ؟؟ الماروتي شايفها انها بالرغم انها صغيرة و موتور 800 لكن بسم الله ما شاء الله بتعيش و بتسافر و تجري كمان لأن العربية كانت معانا ههههه و في نفس الوقت ناس كتيير حالتهم متسمحش بعربية اكبر منها و سعرها اعلي
و مين قالك كده عن السوزوكي بالعكس السوزوكي كموتور و عفشة و امكانيات حلوة جدااا انا معاك ان الحجم مش اوي لكن الحجم الصغير مطلوب خاصة في الزحمة هنا و في نفس الوقت عربيات عملية بشكل كبيير اكتر من المنظرة و الرفاهية

لكن الموضوع مش موضوع منظرة و عربية كبييرة و عربية صغيرة بالعكس الناس بتدور ع العربيات الصغيرة عشان يرتاحوا في الزحمة و في نفس الوقت باسعار قليلة و تكون امكانياتها كويسة صح و لا لأ ؟؟

**Amr Axel** · 01-09-2011 03:59 AM

المشاركة الأصلية كتبت بواسطة ahmedamr

الماروتى دى كانت مع واحد صحبي جايبها زيرو كان بيطلع عينها اول ما توصل ل 120 بحس ان العربية هتتقلب بينا اكننا ورقة وطايرة فى الهوا بس هى بصراحة بتستحمل كتيير اوى عشان صحبي دة مهمل لابعد الحدود بس باعها وجاب اسبرانزا زيرو ومبهدلها بردو

يا ريس احنا بنتكلم في عربية عملية و تعيش مش عربية نسابق بيها
اللي بيجيبها بيجيب عربية كويسة و موفرة و تعيش و تنفع وسط الشوارع و الزحمة
و حتي ع الصحراوي محدش بيفكر اوي في الــ120 اخر الناس 100
و اديك قولت مبهدلها و استحملت ع عكس عربية تدفع فيها شئ و شويات و هتلاقي جابت جاز عالطول غير قطع الغيار اللي باد كده
يبقي السوزوكي بقي كويسة و لا لأ ؟؟

بلاش العربيات
حتي الموتسيكلاتلو سألت اي حد فاهم في الموتسيكلات يقولك السوزوكي بس المشكلة في قطع الغيار
جيب الهوندا عشان قطع الغيار انما لو السوزوكي قطع غياره زي هوندا في الموتسيكلات و اسعاره كويسة هلتاقي كله جاب السوزوكي لأن السوزوكي اثبتت نفسها هنا في التسعينيات لكن برده مفيش دعاية تمام هو ده اللي بنتكلم فيه

-

-

الموضوع: لـيـه الـعـربـيـات الـسـوزوكـي مـش واخـدة حـقـهـا فـي مـصـر ؟؟!!

LinkBack

أدوات الموضوع

عرض

لـيـه الـعـربـيـات الـسـوزوكـي مـش واخـدة حـقـهـا فـي مـصـر ؟؟!! - انشر الموضوع فى :

-

-

-

-

-

المواضيع المتشابهه

خـلـوا بـالـكـم مـن حـسـاس الانـذار في الـعـربـيـات

اللوجان مش واخـدة حقها ..

مـواصـفـات كـيـا ريـو الـجـديـدة في مـصـر

لـيـه اشـتـريـت نـيـسـان ؟؟

الكلمات الدلالية لهذا الموضوع

المفضلات

المفضلات

ضوابط المشاركة