قصدك ايه بطلعة فيصل ...يعنى هتطلع فى اتجاه المنيب و لا فى الاتجاه التانى بتاع المرج؟؟
عموماً ربنا يكون فى عونك ياباشا....تعددت الطرق و الزنقة واحد
بعد تجربة جميع الطرق المعروفة و الغير معروفة من:
- الصحراوى لحد الرماية
-الصحراوى لحد حازم حسن ثم الدائرى فى اتجاه الرماية
- الصحراوى لحد احازم حسن ثم الدائرى فى طريق الواحات ثم طريق الفيوم للرماية
- ابو رواش ....بجميع مشتملاته من صليبة ( و كردان وكبالن و جميع الات الجر) و توابعه من من منصورية و مريوطية
لحد كرداسة و منها للهرم او لطلعة الدائرى من صفت او استكمالاً لحد الجامعة
و ربنا ما يكتب عليك تجربها و تصنصح و انت مش عارفها و بدل ما تمشى ف اتجاه كرداسة تمشى العكس
و تفضل تنتع و الدنيا كحل لحد ما تلاقى نفسك عند نكلة و المناشى
او الطريق يقف لا ى سبب مجهول و تضطر بعد طول انتظار تلف و ترجع تانى
- الدخول من تخريمة ع الصحراوى تقريباً عند قطر الندى و تفضل تنتع فى حتت غريبة لحد ما تطلع فى اخر فيصل
- و اخيراً و ليس اخراً المحور سواء هتكمل او هتطلع الدائرى
بعد الممرطة و ربع اليوم اللى كنت باقضيه فى الطريق اكتشفت ان احسن حاجة ان الواحد ما يعملش فتك
و يقف بكرامته زى الباشا نص ساعة ع المحور زى الفل لحد مايوصل للدائرى
الباقى بقه ربنا معاك عشان اساساً فى الجيزة و كان بيطلع عينى
فزى ابو معاذ باشا ما قالك حاول تطلع بدرى باى شكل الربع ساعة بتفرق فعلا كتير ...هتقف حتة صغيرة فى الاخر
و ممكن كما ما تقفش...ده احسن حل فى رأيى
و اذا كان ع التأخير ....فاوعدك لو حطيت فى دماغك ان الربع ساعة تأخير.....هتشوف بسببها اهوال ...هتلاقى نفسك
قايم الصبح من النجمة ....حتى لو كنت صاحى طول الليل!!!!!
ملهاش حل تاني
يا تاخد شقة في زايد :)
المفضلات