الموضوع: ايه الضرر لما انقل علي 5 او 6 !!rpm

المشاركة الأصلية كتبت بواسطة fahd_628

MMamdouh

مش معنى ان ال Max Hp بيطلع عند 6000 لفة او اكثر ان المحرك مصمم انى امشى بية على 6000 لفة على طول و ساعات بيبقى مكتوب فى الكتالوجات اقصى سرعة على كل نقلة هل معنى كدة انى امشى على السرعات دية على طول ؟؟؟؟؟؟؟

محدش قال "على طول" انما الوصول ليها و المشى عليها لفترة من الوقت هو اللى بنتناقش فيه

و على فكرة اقصى عزم عمرة ما بيطلع على RPM عالى جدا كدة و بعدين ال Hp ما هو الا Torque مضروب فى RPM

تحديدا الهورس باور بيساوى العزم مضروب فى الRPM و مقسوم على 5252 و عشان كدة هتلاقى فى اى رسم بيانى بيوضح القدرة و العزم لاى محرك هتلاقى خط العزم و خط القدرة الحصانية بيتقاطعوا عند 5252 RPM

و مثلا لو قولنا محرك بيطلع XXX حصان عند 6000 لفة و XXX عزم عند 3000 لفة معنى كدة ان اقصى عزم تاخدة من المحرك هو عند 3000 لفة مش 6000 لفة يعنى لو عاوز تجر حاجة تجرها على 3000 RPM مش على 6000 RPM

و لو عايز سرعة عالية لازم تمشى على 6000 مش 3000

انا حتى قولت فى المشاركة الى فاتت انى اوقات الجرى بنقل عند 6000 RPM عادى جدا و دة وقت الحاجة فقط لكن فى الطبيعى عمرة ما حمشى على 6000 RPM

معتقدش فيه حد بيمشى على 6000 طول الوقت... انا شخصيا بنقل عند 4000 الى 4500 فى الطبيعى

مثال اخر بسيط

الكاسيت و السماعات لو انت جايب كاسيت للبيت هل هو مصمم انك تفضل معلية على طول على الأخر ؟؟؟؟؟؟؟؟

حتقولى لأ

حقولك امال هما عاملين لية انك ممكن تعلية للأخر ؟؟؟؟؟؟؟؟؟؟؟؟

لو انت فضلت معلية على الأخر اية الى هيحصلة ؟؟؟؟؟؟؟؟ اكيد السماعات حتضرب !

لأن بيبقى مكتوب ال Peak watts مثلا 1000 و لكن انت مش ممكن تفضل كدة على طول

زى ال Peak HP عند 6000 RPM !

دة مثال مشابة لمحرك السيارة

لا هنا الوضع مختلف خالص... السماعات هتضرب اول ما الtotal harmonic distortion يتجاوز الحد المسموح به بالنسبة للسماعات... دى قصة مختلفة خالص عن المواتير

طول ما انت مدى السماعة باور لا يتجاوز الحد الاقصى اللى تستحملة و مفيش distortion ازيد من اللى السماعة تتحملة هتفضل السماعة شغالة بدون اى مشاكل خالص

و كمان البنى ادم

ممكن يمشى و ممكن يمد و ممكن يجرى صح ؟؟؟؟؟

بس هل ممكن انة يفضل يجرى على طول ؟؟؟؟ اكيد هيتعب فى فترة مهما طالت

ابعد عن حالة "الجرى المستمر" لان مفيش حد بيجيب 6000 و يفضل ماشى عليها... المثال اللى بنتكلم فيه هو الحرق على الغيارات بالتالى حالتنا هى الوصول الى 6000 ثم زيادة نقلة ثم الوصول الى 6000 تانى و هكذا....

دة حتى طبيا الجرى الكتيير غلط ( على الأسفلت ) لأنة بيحصل تأكل فى الغضاريف و فى الكبر بيسبب مشاكل

دة عيب مستخدم يا ريس

لكن لو انت بتجرى فى المعقول مش هتعانى من اى مشاكل

و بعدين فى كل حاجة خير الأمور اوسطها

مضبوط

و بعدين اثناء ما انت على 6000 RPM كل مكونات المحرك بتبقى شغالة بكامل طاقتها يعنى نظام حقن الوقود , نظام الأشعال , نظام التبريد , نظام ال Lubrication , ... و طبعا الحاجات دية حتتعب بدرى دة غير طبعا الأجزاء الميكانيكية !

وجهة نظرى هنا انها مش هتتعب "بدرى" انما هتتعب عند الحد الادنى لعمرها الافتراضى طالما بيتعملها صيانة صح

و طبعا لو فية اى Defect فى الأجزاء الميكانيكية مثلا فى ال Connecting rod حتلاقيها اتكسرت لأنك كدة بتحملها على طول بأقصى حمل هية مصممة انها تتحملة فا بالتالى اى عيب صغير بيكون موجود بيتزايد لغاية لما بتحصل مشكلة كبيرة

كدة دخلنا فى العربيات الصفيح و الكاوتش و دى اساسا مينفعش تقرص عليها لحد 3000 RPM

و فى النهاية اتمنى ان الأختلاف فى الرأى ميعملش اى مشاكل احنا بنتناقش و كل واحد حر يقتنع بأنهى رأى

فهد حبيب قلبى و عم الوحوش الكاسرة كلها... عمر النقاش المنطقى المبنى على اسس علمية ما يزعلنى ابدا ابدا

و اخر نصيحة اقدر اقدمها لأى حد بيسوق على RPM عالى على طول انه يغير الزيت قبل معادة علشان يحافظ على المحرك لأطول فترة ممكنة !

زيت المحرك هو روح المحرك... اللانوس اللى ذكرتها من كام صفحة كان موبيل 1 بيقعد فيها 5000 كيلو فقط و بينزل... اللى عايز الحرق ميقولش....

MMamdouh